тренинг (м.)
ФЕЗЛИЕВ: Јас само така... заради тренинг. Му потребува тоа понекогаш на човека. Му го спасува животот.
„Црнила“
од Коле Чашуле
(1960)
- Уф, уф! - збивта учителот. - Тренинг, почест ми треба. - шушти низ отворена уста и полека ми пријдува.
„Прва љубов“
од Јован Стрезовски
(1992)
Со интерес го следиме тренингот.
„Клучарчиња“
од Бистрица Миркуловска
(1992)
По тренингот на подмладокот започнува натпреварот меѓу екипата од седмите и екипата од осмите одделенија.
„Клучарчиња“
од Бистрица Миркуловска
(1992)
Фаерабенд се запишува во офицерска школа, надевајќи се, залудно, дека тренингот ќе трае повеќе отколку војната.
„МАРГИНА бр. 4-5“
(1994)
Пишувањето за себе самиот од секогаш ми изгледало како некој вид автоген тренинг, служење на култот на self-от, непристојно малтретирање на другите.
„МАРГИНА бр. 6-7“
(1994)
Разграноците на оваа технологија, како што е Валдерновата авантуристичка игра, не треба да ни го одвлекуваат вниманието од тековните примени во молекуларната биологија (скратување на молекули со помош на вид и допир, во воздухопловната симулација, медицинскиот тренинг, архитектурата, индустрискиот дизајн.
„МАРГИНА бр. 15-16“
(1995)
Земанек почна сѐ почесто да заминува со него на тие трки, а го придружуваше и на тренинзите.
„Папокот на светот“
од Венко Андоновски
(2000)
Не ми беше по волја, се лутев, а тој рече дека мора да оди со „газдата“ на Зајачки Рид, оти овој му ветил дека дента, на крајот од тренингот, ќе му дозволи да се повози малку со неговиот мотоцикл.
„Папокот на светот“
од Венко Андоновски
(2000)
Јас погледнав во Земанек и реков: „Прашајте ја, дали сака, по тренингот, да се омажи со мене?“
„Папокот на светот“
од Венко Андоновски
(2000)
Ги памтиш необичните нешта
твојата лична мнемо-поетика е тренинг
секојдневна вежба
на „јас сум“ и „јас не сум”.
„Ерато“
од Катица Ќулавкова
(2008)
Тренингот - да се биде во состојба, кога си најблиску до целта, таа одново и одново да се оддалечува - служеше за сета животна неволја да се прифати без посериозни проблеми и пореметувања.
„Ниска латентна револуција“
од Фросина Наумовска
(2010)
Тренинг Го пресоблекувам паметот во лесни мисли.
„Зборот во тесен чевел“
од Вероника Костадинова
(2012)
Како прекувремено центрифугирање Тоа е одраз на тренинг за идентитет на студ.
„Зборот во тесен чевел“
од Вероника Костадинова
(2012)
Уште повеќе што Стејт департментот, општо земено, пред испраќањето им давал најминимален тренинг и брифинг пред да ги именува овие службеници и им дозволувал да работат со многу слаби политички директиви од САД.
„Македонија низ нишанот на САД и Британија“
од Тодор Чепреганов
(2012)
А времето што сум го арчела без врска во домаќинлак, го посветувам на „пилатес“ во затворено и тренинг под отворено.
„И ѓаволот чита пРада“
од Рада Петрушева
(2013)
