госпоѓа (ж.)
(Кон Неда.) Госпоѓо Христова, јас не Ве задолжувам да молчите за ова што го видовте. Јас не можев поинаку.
„Црнила“
од Коле Чашуле
(1960)
ЛУКОВ: (Исчекувајќи ја да сврши.) Од Вас, госпоѓо Христова, не се бара да поверувате, туку... да слушате и да се потчинувате. (Пауза.) Впрочем...
„Црнила“
од Коле Чашуле
(1960)
ЛУКОВ: Ќе бидете ли добри, госпоѓо Христова, до утре во девет да дозволите грижата за Вашата сосетка да ја имаме - ние? Добра ноќ, госпоѓо Христова. (Излегува.)
„Црнила“
од Коле Чашуле
(1960)
Физички ја усмрти мојот претходник, но вистинскиот убиец, да знаете, вистинскиот убиец сте ВИЕ, госпоѓо.
„Го сакате ли Дебиси“
од Лазо Наумовски
(1973)
САЗДО: Да, госпоѓо, и откако не можев повеќе да издржам, дојдов...
„Го сакате ли Дебиси“
од Лазо Наумовски
(1973)
ЈАКОВ: Не е возможно, госпоѓо, цел живот мажот ви ве влечка по култура. Смислете нешто.
„Диво месо“
од Горан Стефановски
(1979)
ЕЛЕНА: Стрпете се малку госпоѓо. Разговаравме. (На Елена) И детето не ти е најухрането. Треба да го видиш моето во Атина.
„Диво месо“
од Горан Стефановски
(1979)
ЈАКОВ: А вие госпоѓо? Знаете вие што правите и што зборувате? Зошто сте жива? Одговарајте! Зошто сте вие жива?
„Диво месо“
од Горан Стефановски
(1979)
Пријателката ѝ одговорила со повишен глас: - А што мислиш ти, дали ти, госпоѓо моја, нема да плачеш ако ти умре твојата ќерка!? И пријателството од тој ден меѓу нив престанало.
„Патувања“
од Никола Кирков
(1982)
Останал само еден офицер, некој мајор, а тој ја прашал Трајана: Кај ја носите бомбата, госпожа?
„Потковица на смртта и надежта“
од Миле Неделкоски
(1986)
Потоа ѝ пристигна друго писмо испратено од Управата на гробиштата во Бристол, во Англија, адресирано на Илко во кое се бара изјава од него да каже дали сака и понатаму да му се чува парцелата во гробиштата што своевремено со госпоѓата Ана, сега покојна, ја закупија, бидејќи времето на договорот за чување на парцелата, е изминато.
„Јанsа“
од Јован Стрезовски
(1986)
Таа парцела во гробиштата во Бристол Илко ја закупи со госпоѓата Ана што ја запозна во бањата во Бристол каде што се лечеше од реума и која го зеде да живее кај неа и која го засака толку што не сакаше и по смртта да се раздели од него, та закупи парцела за гроб и за неа и за него - еден крај друг.
„Јанsа“
од Јован Стрезовски
(1986)
Богати и сироти. I група - госпоѓи обвиени со крзно, ќерки што весело чрчорат.
„Пловидба кон југ“
од Александар Прокопиев
(1987)
— Јас не сум госпоѓа, велам, сакам и плачењето да му го послушам.
„Небеска Тимјановна“
од Петре М. Андреевски
(1988)
— Госпоѓо, треба да го вратите детето.
„Небеска Тимјановна“
од Петре М. Андреевски
(1988)
— Од кај му го донесовте здравјето, госпоѓо, толку здравје нема и кај бога.
„Небеска Тимјановна“
од Петре М. Андреевски
(1988)
„Ох, ви благодарам госпоѓо Морис“ ѝ рече Ана.
„Лек против меланхолија“
од Реј Бредбери
(1994)
До експлозии дојде и во другите дворови, и во другите улици. Несвесно, госпоѓа Морис вресна.
„Лек против меланхолија“
од Реј Бредбери
(1994)
На другиот крај од големата маса во одвратната чајџилница Филонус, тивко ги разменуваа што религиозните што садистичките што метафизичките што мајчински искуства, следниве три личности: младата госпожа Ана, инаку позната како сопруга на човекот што катедрата за логика ја замени со кафанска маса на која стојат мистериозните кибритчиња и лактовите на народнот мудрец Неџо; госпожицата Буде вообичаено - спрема правилата на тајната организација „Црна Ружа“, така суптилно провалени од инаку најглупавиот балкански весник „Вечер“ - облечена во нејзе милите папски бои: љиљакова, портокалова и бела („синестезии, нелогичности!“, се слушаше врескање од соседниот крај на масата) и со специјална ловачка капа на главата на чиј што врв (на капата), провокативно искривено, трепереше зелено масонско перо, ко ветроказ; додека човекот што токму зборува - и чиј што истоштен, од премногу експерименти со нејадење и неспиење, глас, го привлече вниманието на г. Абов - се одзиваше на името „Никола, врти кола!”, или скратено Никола Вртикола.
„МАРГИНА бр. 1“
(1994)
Тој ја свртил главата и рекол, госпоѓо, јас Ве сакам повеќе од својот живот, но помалку од својата чест, станал и се пријавил во војска.
„Буре барут“
од Дејан Дуковски
(1994)
