довери (св.)
Ако се довериме на првата теорија, т.е. дека Бугарите и Србо-Хрватите се преселија на Балканскиот Полуостров како готови одделни целини, тогаш се поставува прашањето до каде се простираа тие народности во времето на преселувањето и дали сите дојдени бугарски Словени останаа и досега такви или некој дел од нив се посрбија?
„За македонцките работи“
од Крсте Петков Мисирков
(1903)
Ете каква услуга ние ѝ направивме на Турција со нашето недоверување кон австро-рускиот проект од реформи.
„За македонцките работи“
од Крсте Петков Мисирков
(1903)
Многу подобро ќе биде да им се довериме на најзаинтересираните држави за нашите работи, особено на православна Русија, којашто ги знае убаво нашите потреби, а не да се надеваме на самите себе и на некои конференции.
„За македонцките работи“
од Крсте Петков Мисирков
(1903)
Бев возбуден и барав близок другар да му ја доверам големата тајна.
„Улица“
од Славко Јаневски
(1951)
- Не ми се оди веќе во гимназијата, се пофалив и се зачудив на неочекуваната смела решеност со која му се доверував на Пенча.
„Улица“
од Славко Јаневски
(1951)
И Митра ѝ се довери на Доста. Сѐ ѝ изнакажа, каде и што има, што сѐ работи, што сѐ мисли.
„Крпен живот“
од Стале Попов
(1953)
И така Доста ѝ се довери на Митра и ѝ се предаде повеќе од на сестра.
„Крпен живот“
од Стале Попов
(1953)
Си отидовте задоволни од моето кутнато жолтеење. Верувајќи дека со тоа сте ги покосиле и сите брчки што ми ги довериле луѓето но вие заборавивте дека го оставате мојот корен и дека мојата смисла, всушност, само што не започнала.
„Вардар“
од Анте Поповски
(1958)
Централниот комитет ми ја довери задачата под овие услови и ќе Ве молам да не ја усложнувате.
„Црнила“
од Коле Чашуле
(1960)
(Откако ќе се обѕрне околу себе, со шепот.) Сигурно знам дека оваа акција му е доверена како последна шанса да се искупи.
„Црнила“
од Коле Чашуле
(1960)
Ме бунеше само едно: зошто не ни ја доверија таа акција нам?
„Црнила“
од Коле Чашуле
(1960)
Од темниот сјај на неговите очи имаше нешто што привлекуваше, бараше доверување и потчинување.
„Пустина“
од Ѓорѓи Абаџиев
(1961)
Е, синовите, тоа со жалење го доверуваше на блиски пријатели, не се угледаа на неговите добродетели.
„Пустина“
од Ѓорѓи Абаџиев
(1961)
Во него нема човештина, никој за ништо не може да му се довери на овој груб и опасен човек.
„Пустина“
од Ѓорѓи Абаџиев
(1961)
- Се ќе станеш кога ќе ти доверат некоја работа да свршиш - одговори Трајче.
„Волшебното самарче“
од Ванчо Николески
(1967)
Тоа еден на друг не си го доверија, но веруваа дека Французите, сега кога се толку блиску до своите домови, сепак ќе ги пуштат.
„Будалетинки“
од Мето Јовановски
(1973)
Пријателот се доверувал нешто во врска со жена си додека некој зад нив, несвесно, тропал со лиска клучеви внимателно вслушан во својот соговорник на соседната маса.
„Будалетинки“
од Мето Јовановски
(1973)
Големата кукла не ѝ се довери на малата, за тоа колку многу ѝ завидува.
„Раскази за деца“
од Драгица Најческа
(1979)
Единствената блиска роднина на мајка ми, не знам дали дека живееше толку далеку од нас и дека многу ретко се видувавме, не можев да ја почувствувам многу блиска, ниту да ѝ се доверам за оние работи што ме измачуваа во целото ова време.
„Друга мајка“
од Драгица Најческа
(1979)
Пак сакав да ѝ се доверам, но сфатив дека ако ѝ раскажам за тоа што се случи претпладнето нема да ѝ биде пријатно.
„Друга мајка“
од Драгица Најческа
(1979)
