забавно прил.
забавен прид.

забавно (прил.)

Навистина беше забавно да се гледа во огледалото, да го плази јазикот и да се кривули.
„Било едно дете“ од Глигор Поповски (1959)
Тоа му изгледа на Глигора забавно и ја возбудува неговата мисла.
„Пустина“ од Ѓорѓи Абаџиев (1961)
Природно, секоја негова постапка одеше во крајност, што во почетокот изгледаше и забавно.
„Големата вода“ од Живко Чинго (1984)
И во почетокот беше страшно забавно.
„МАРГИНА бр. 11-12“ (1995)
Лицето на О'Брајан покажуваше дека тоа му е забавно.
„1984“ од Џорџ Орвел (1998)
Очигледно, забавно му беше да го слуша Филозофот, а да нѐ исмева нас, од чии мудрости беше веќе сосема заситен.
„Папокот на светот“ од Венко Андоновски (2000)
Не кога ги имитира, тогаш и нејзе ѝ е забавно.
„Игбал, мојата тајна“ од Јагода Михајловска Георгиева (2000)
Јас немав ништо против да бидам член на групата „среќни дебили” и тоа ми беше забавно, но имав против татко ми да ми припишува туѓи особини.
„Игбал, мојата тајна“ од Јагода Михајловска Георгиева (2000)
Тогаш можеби целата приказна ќе изгледа забавно.
„Бунар“ од Димитар Башевски (2001)
Кадровикот, значи, предложи Баге да ѝ биде доделен на забавно - хумористичната редакција, која си имаше своја програма и свој термин во шемата на таа програма, но немаше постојан уредник туку редакцијата ја водеше моментно суспендираниот уредник од друга редакција, и така наизменично како што имаше постојано по некој уредник под суспензија, и така постојано додека имаше на располагање наизменично суспендирани уредници.
„Синовски татковци“ од Димитар Солев (2006)
Драган Вучиќ – главен протагонист во вицот со Шварценегер, пајакот и Сталоне и автор на неповторливата, непрежалената, ненадмашната и неприкосновено–најгледана забавно–музичка спрдачина „Вашите 5 минути“.
„Тибам штркот“ од Зоран Спасов Sоф (2008)
Сигурно ќе ви биде забавно ако ви ги раскажам вистинските причини за моето пишување.
„Потрага по Елен Лејбовиц“ од Луан Старова (2008)
Не велам дека не беше забавно.
„Читај ми ги мислите“ од Ивана Иванова Канго (2012)
FlexiMac
 менување на македонски глаголи