медицина ж.
медицинар м.

медицина (ж.)

- Претставниците на современата медицина одамна во своите храмови не сретнале девојки. Девојка - тоа е само лирски поим. Ништо повеќе.
„Кловнови и луѓе“ од Славко Јаневски (1956)
Во 1938 година запишува студии по медицина во Белград кои ќе ги прекине во април 1941 поради започнување на војната во Југославија.
„Црнила“ од Коле Чашуле (1960)
- Чудно, мошне чудно! - ја вртеше главата лекарот. - Медицината тука е немоќна...
„Билјана“ од Глигор Поповски (1972)
- „Нема никаков, медицината за оваа болест е немоќна...“
„Свето проклето“ од Јован Стрезовски (1978)
Во моите помалди години, свртен со многу поназначена љубов кон медицината и математиката, јас со посебен интерес го изучував проблемот на психеделичката уметност.
„Љубопис“ од Анте Поповски (1980)
Во топките, со исклучок на највисоката, е илустрирана употреба на атомската енергија во мирновременски цели: како извор на електрична енергија, како погонско гориво за прекуокеански бродови, во медицината, индустријата.
„Патувања“ од Никола Кирков (1982)
Чекорите ги усогласувам со ритамот на Долгопростиот, пропаднат студент по медицина.
„Младиот мајстор на играта“ од Александар Прокопиев (1983)
Зошто ти не дозавршиш медицина, го прашувам, ало, нешто кркори, ало!
„Небеска Тимјановна“ од Петре М. Андреевски (1988)
Во болницата го држеа само за реклама на советската медицина.
„Небеска Тимјановна“ од Петре М. Андреевски (1988)
Читаше дека доста луѓе со таа своја биоенергија направиле чуда исцелувајќи и такви болни од кои медицината кренала раце, за кои немало лек и спас.
„Прва љубов“ од Јован Стрезовски (1992)
Постарите браќа, како што израснуваа, подземаа од семејните обврски, откако ќе изучеа некое средно училиште, најчесто медицинско или техничко, веднаш се вработуваа, отворајќи перспектива најстариот да студира. Повеќето се определуваа за медицина.
„Времето на козите“ од Луан Старова (1993)
Тогаш живите деца се заветуваа да студираат медицина, да ѝ бидат на помош на мајка ми, на семејството.
„Времето на козите“ од Луан Старова (1993)
Покрај тоа, префрлувањето на проблемите на наркоманијата во лекарските ординации не претставува правилно користење на ресурсите наменети за медицината.
„МАРГИНА бр. 6-7“ (1994)
Алкохолот што се содржи во жестоките пијалоци помешани со метил и оној што се употребува во медицината (првиот е често користен од тешки алкохоличари поради популарните цени) е посебно токсичен, понекогаш предизвикува слепило, кома и смрт.
„МАРГИНА бр. 8-9“ (1994)
Кога го откриле се мислело дека е најсигурна материја за смирување на секакви болки и дека ќе направи револуција во медицината, од кадешто доаѓа и неговото име.
„МАРГИНА бр. 8-9“ (1994)
Го интересираат медицината, древните култури, вешта­чката интелигенција, но и змии, отровни инсекти, злосторства од секаков вид.
„МАРГИНА бр. 11-12“ (1995)
На крајот на првата година како студенти на медицина, ние традиционално ја посетивме Кралската ментална болница во Глазгов.
„Маргина бр. 21“ (1995)
Чувствував огромен восхит кон лекарите. Медицината беше мојата страст.
„МАРГИНА бр. 19-20“ (1995)
Да го земеме, на пример, студентот по медицина кој од колеџот минува на медицинскиот факултет.
„Маргина бр. 21“ (1995)
Не сум ја практикувал отсекогаш медицината, оваа гомнарија.
„МАРГИНА бр. 19-20“ (1995)
Повеќе
FlexiMac
 менување на македонски глаголи
ДИГИТАЛНИ РЕСУРСИ НА МАКЕДОНСКИОТ ЈАЗИК