совет (м.)
Зар не се Македонците што се на служба или кандидати за служба тие што го изопачуваа меѓу населението во Македонија значењето на руските владини постапки и ги толкуваат пред него стамболовски и го тискаа да востане, против советите на Русија за благоразумност?
„За македонцките работи“
од Крсте Петков Мисирков
(1903)
Околку нас децата скокаа, даваа совети и скоро сите беа на наша страна.
„Улица“
од Славко Јаневски
(1951)
Советите и карањата не помогнаа, та Стојо ја употреби и својата власт и сила над Митра како маж над жена.
„Крпен живот“
од Стале Попов
(1953)
Тода си ја знае работата и продолжува со корисни „совети".
„Крпен живот“
од Стале Попов
(1953)
Таму горе во небесното синило ја побара својата умрена мајка и почна со расплакано и натажено срце да ја моли за совет и помош.
„Крпен живот“
од Стале Попов
(1953)
Кога го напаѓаа него, се чувствуваа, вистина, повиновни, зашто не го послушаа советот на деда Гера.
„Луман арамијата“
од Мето Јовановски
(1954)
– Кадијата од Прилеп во Македонија Арслан-беј моли за милост и совет како да постапел со извесни разбојници што се појавиле во неговата нахија, подигнале бунт и ги погазиле твоите свети закони – и го отвори самото писмо.
„Калеш Анѓа“
од Стале Попов
(1958)
Нејзините совети ги слушаа млади и стари.
„Бојана и прстенот“
од Иван Точко
(1959)
Осумте чуда на неговите осум ридови дремеа, беа сонливи и без совет.
„Месечар“
од Славко Јаневски
(1959)
На тргнување, Карче му го даде на сина си последниот совет: - Внимавај, охриѓани се луѓе салтанатлии...
„Бојана и прстенот“
од Иван Точко
(1959)
Му досадија конвенционалните прашања и уште поконвенционални совети на познати и пријатели.
„Бојана и прстенот“
од Иван Точко
(1959)
Го ослободија од платнениот оклоп и го внесоа во бела самица со последен совет: „Биди мирен, Исусе. За твое добро.“
„Месечар“
од Славко Јаневски
(1959)
Добро. Тогаш прими еден пријателски совет: ако си ја засакал - остави ја.
„Црнила“
од Коле Чашуле
(1960)
И нема од никаде ни помош, ни совет, ни спас.
„Пустина“
од Ѓорѓи Абаџиев
(1961)
И додека Џеки и Белчо претставуваа голема радост за децата, за нивните родители станаа голема грижа, па затоа на еден состанок на куќниот совет се разви широка дискусија - токму за нив.
„Градинче“
од Бистрица Миркуловска
(1962)
Уште првата вечер го поканија десеттина домаќини на вечера и конак и тоа нему му направи голем впечаток.
„Толе Паша“
од Стале Попов
(1976)
Место сами аскерите да фаќаат и тепаат кокошки — им вареа и пржеа самите домаќини; место сами да колат овци, кози и говеда — коџабашијата нареди луѓе за таа работа, кладе казани на сретсело, одреди фурни за леб, а јузбашијата лично им делеше таим на аскерите, со кое овие беа доволни дури и предоволни, добивајќи два трипати повеќе јадење од она што го добиваа од царот.
„Толе Паша“
од Стале Попов
(1976)
Но советот Профимов малку помагаше, зашто Девица уште од првото идење во куќата на Полин, уште првата ноќ, се затвори во собата и никако не го пушташе Полина да влезе внатре.
„Свето проклето“
од Јован Стрезовски
(1978)
Дојдов да ги координираме акциите, да побарам совет што да правам, како да бидам корисен, како да бидам уметник во овие матни времиња...
„Диво месо“
од Горан Стефановски
(1979)
Сега доаѓате кај мене дома само за да ми дадете професионален совет. Благодарам.
„Диво месо“
од Горан Стефановски
(1979)
