соспа (ж.)
Се враќаме дома, а нема каде да се измиеш, вода да си префрлиш. Јазот е замрзнат, коритото е преполнето со соспи снег, израмнето.
„Пиреј“
од Петре М. Андреевски
(1983)
Возот почна да подзапира, се слуша за големи намети на пругата, за длабоки соспи снег.
„Небеска Тимјановна“
од Петре М. Андреевски
(1988)
Одам сега меѓу купиштата одринат снег, меѓу соспите.
„Небеска Тимјановна“
од Петре М. Андреевски
(1988)
Снегот паѓаше толку брзо и лакомо што ги зарамни патиштата и изнафрла високи соспи.
„Животраг“
од Јован Стрезовски
(1995)
Меѓувремено, и покрај разораната збрканост, куклата се присети на гласот што и се одзва кога смрзнуваа во соспите на брегот од Леденото Езеро.
„Авантурите на Дедо Мраз“
од Ристо Давчевски
(1997)
Само, кој како се судрил со соспата снег, се кутнал и потонал во длабок сон.
„Авантурите на Дедо Мраз“
од Ристо Давчевски
(1997)
Љубезно ги испрати минувачите дури до соспата зад која имаше дупка во која лови риба.
„Авантурите на Дедо Мраз“
од Ристо Давчевски
(1997)
Маказар е поставено на височина и го фаќаат ветришта што во зима прават големи соспи снег.
„Бунар“
од Димитар Башевски
(2001)
Соспите снег никој не ги стругаше така како Бошко, и пред куќата, и пред дуќанот.
„Вежби за Ибн Пајко“
од Оливера Николова
(2007)
Однапред се радуваше на смешките, на соспите лушпи од јајца, на слатките ѓаконии за почестување, а најмногу на лицето на Тодора кое наеднаш ќе блесне од лутина ли, од радост ли - та Велигден беше, божји празник, авата се менуваше, не пак луѓето.
„Вежби за Ибн Пајко“
од Оливера Николова
(2007)
„Сѐ ова се таканаречените породилни маки при освојувањето на повисоки позиции на општествените скалила“, заклучи заобиколувајќи ја последната соспа снег.
„Желките од рајската градина“
од Србо Ивановски
(2010)
