спростира (несв.)
ВЕРА: Ќе врне. Џабе спростирав чаршафи.
„Диво месо“
од Горан Стефановски
(1979)
Ама си ја терам работата: ги плавам алиштата ги цедам, ги спростирам.
„Пиреј“
од Петре М. Андреевски
(1983)
Луѓето како што пристигнуваат, така фаќаат место во бавчите, на островцето каде што истечуваат изворите, крај брегот на езерото, по дворовите, спростираат ќилимчиња, веленца и седнуваат да се одморат, да јадат; како што надоаѓаат луѓето од околните и подалечните места, така сѐ повеќе се полни просторот околу манастирот.
„Злодобро“
од Јован Стрезовски
(1990)
Безброј пати ми раскажува: ме бањала кога сум бил бебе, перела и спростирала пелени, ме развиткувала и повиткувала, ме нишкала и ми пеела - Думба, думба, детенце, баба празно вретенце, - и - Цуцул пасе говеда - и ми кажувала многу други броенки и залагалки.
„Клучарчиња“
од Бистрица Миркуловска
(1992)
