табакера (ж.)
МИТРЕ: Не знам богами, ама страшна пара донесол! (Зема цигара од табакерата која Анѓеле ја има оставено на миндерот пали и пуши, рашетувајќи се по собата како не токму во умот).
„Парите се отепувачка“
од Ристо Крле
(1938)
„Зборувам за својот роденден. Денес се родив во сребрена табакера. Со твоето неочекувано доаѓање во крчмата.“
„Две Марии“
од Славко Јаневски
(1956)
Неговите влажни, бледозелени очи гледаа во филигранска табакера.
„Две Марии“
од Славко Јаневски
(1956)
Богословот ја спушти табакерата во тешката, месеста рака на Германецот.
„Две Марии“
од Славко Јаневски
(1956)
Подоцна се разбрало дека локалниот воен старешина бил подмитен со една позлатена табакера за да го затворат Татко.
„Тврдина од пепел“
од Луан Старова
(2002)
Мораше да се снајдеш, макар и со застарен зборовен арсенал, па да срочиш некое оправдание: „Трпезна табакера“.
„Синовски татковци“
од Димитар Солев
(2006)
Изработуваа сребрен накит, табакери...
„Потрага по Елен Лејбовиц“
од Луан Старова
(2008)
Јасно го гледаше само генералот со лицето залепено со хартија, што се наоѓаше на капакот од табакерата на Петрович.
„Црни овци“
од Катица Ќулавкова
(2012)
Табакера си купив од трафика; додуша не е златна, но навистина го правам ритуалот со редењето.
„И ѓаволот чита пРада“
од Рада Петрушева
(2013)
„На првото славење на некој повод, ќе си подарите сами на себе златна табакера и во неа секое утро ќе си ставате по 7 цигари за тој ден“.
„И ѓаволот чита пРада“
од Рада Петрушева
(2013)
До последните денови од животот Климент Камилски ламентираше пред своите најверни пријатели, книгите, запрени по многу патувања во неговата волшебна, митска библиотека, во која имаше и многу негови значајни списи и записи, во еден рафт и сребрената табакера подарена од Ла Пасионарија од деновите на Шпанската граѓанска војна...
„Балканвавилонци“
од Луан Старова
(2014)
