тенџере (ср.)
Виде — не видов, чу — не чув". Со еден збор Доста беше слуганка, да го чува детето, да го капи и да го пере, да измие пијатата, тенџерињата, душемето на одајата да го истрие, прашина да избрише и нешто да помогне на готвачката.
„Крпен живот“
од Стале Попов
(1953)
Ја разгледа масата, ги подигна капаците на тенџерињата што беа наредени по неа, по шпоретот и ги изотвори сите чекмеџиња од креденецот.
„Било едно дете“
од Глигор Поповски
(1959)
Јасно! Тој само го поткреваше капакот на тенџерето во кое се вареше јадењето.
„Зоки Поки“
од Оливера Николова
(1963)
- Ако. Шпорет може. - А тенџере. - И тенџере може.
„Зоки Поки“
од Оливера Николова
(1963)
И таа почнува да меша во тенџерето со едно стапче.
„Зоки Поки“
од Оливера Николова
(1963)
Булата го зеде тенџерето и ја затвори портата.
„Волшебното самарче“
од Ванчо Николески
(1967)
- Еј, млекаџи, млекаџи -викна од зад портата една була. Трајче се доближи до портата, булата, скриена зад портата го покажа тенџерето, со парите внатре, и рече: - Вер бир кило!*
„Волшебното самарче“
од Ванчо Николески
(1967)
Млекарчето го зеде тенџерето, ги кладе парите во џебот и ѝ измери едно кило.
„Волшебното самарче“
од Ванчо Николески
(1967)
Те исплашиле пареата, тенџерето и капакот. А им помогнала нацртаната мечка.
„Билјана“
од Глигор Поповски
(1972)
ЧУДНОТО ТЕНЏЕРЕ
„Билјана“
од Глигор Поповски
(1972)
- Тенџерето те исплашило, сине, - рече таа. - Тенџерето! - се зачуди Сашо. - Зар тенџерето знае да плаши? - Знае.
„Билјана“
од Глигор Поповски
(1972)
По средината на полјанката, најубавото и најчистото место, беа распослани бели, ленени чаршафи, а врз нив веќе беа наредени тепсии со баници и зелници, тенџериња со чорба и грав, пиперки, чинии со сирење, со зелје.
„Бојан“
од Глигор Поповски
(1973)
Мораше скоро да му го земе тенџерето, кое сега во неговите раце изгледаше несмасно големо.
„Будалетинки“
од Мето Јовановски
(1973)
Пред нив тенџериња, чинии, шишиња со ракија, а сред кругот казан со варено овнешко месо.
„Бојан“
од Глигор Поповски
(1973)
Шишман си го триеше вратот. Потоа му беше здодевно и се загледа во тенџерето пред себе.
„Будалетинки“
од Мето Јовановски
(1973)
Готвачот, малку потаму од заробениците, распали оган во огништето, го крена тенџерето, го однесе некаде зад шаторот.
„Будалетинки“
од Мето Јовановски
(1973)
Таа му го фрлаше тенџерето и бараше кибрит да ја запали куќата.
„Свето проклето“
од Јован Стрезовски
(1978)
Сакавте да пробате пред време од манџите. Тенџерињата крчкаа цела ноќ.
„Диво месо“
од Горан Стефановски
(1979)
Ќе ве излупам од господ, ќе ве истружам како загорено тесто од тенџере и дното ќе го светнам со жица.
„Диво месо“
од Горан Стефановски
(1979)
Пика глава во тенџере и лиже.
„Прва љубов“
од Јован Стрезовски
(1992)
