трошка (прил.)
Во овој темен круг со хоризонтот затворен во густиот грб на боровите мансарда сум на една починка Од ноктите ќе исцицам трошка храброст да ја поделам есенва.
„Дождови“
од Матеја Матевски
(1956)
Исцеди од своето уморно тело уште трошка сила, замавна со крилцата и се понесе кон светлинката.
„Билјана“
од Глигор Поповски
(1972)
Луѓето го слушаа тоа и го заборавија - и мудрото објаснување на попот за дојденец, не туѓинец што понекогаш ќе привлече љубопитност но не и свој човек за кого блиските секогаш ќе најдат в срце трошка разбирање.
„Забранета одаја“
од Славко Јаневски
(1988)
„Чекам да клекнеш и да молиш да те оставам уште трошка жив.
„Забранета одаја“
од Славко Јаневски
(1988)
Имам гуна и за мене и за Килета. Само трошка место ни треба.
„Крстот камбаната знамето“
од Мето Јовановски
(1990)
Од земја ние имавме едни урупчиња по селото во кои садевме по некоја пиперка и по некој домат, трошка празе и граше и босилок и џинџуле колку да се најде за на мртовец и девојките да стават на плачките на благ ден.
„Крстот камбаната знамето“
од Мето Јовановски
(1990)
Сепак е во право- Пупи Паф е нула. Нулата е нула, и нема дилема: пред себе без бројки трошка вредност нема.
„Пупи Паф во Шумшул град“
од Славко Јаневски
(1996)
Си ги лижат устите и, од лижењето, устињата истенчени, па и трошка напукани.
„Бунар“
од Димитар Башевски
(2001)
Нема да понесам со себе ниедно небо, во ниедна боја. Не, ниту трошка апстрактност.
„Зборот во тесен чевел“
од Вероника Костадинова
(2012)
А во тоа немало ни трошка љубов, туку само копнеж што некои го викаат секс.
„И ѓаволот чита пРада“
од Рада Петрушева
(2013)
Самата сум била глумица во филмот „Раѓање во седум минути“, во кои сум раскажала два кумановски вица, и во друг филм, кој се случи како песна во свесност, без трошка страв и болка.
„И ѓаволот чита пРада“
од Рада Петрушева
(2013)
