ги (зам.) - пресретне (гл.)

А за крвниците рековме, времето и некои што им го имаат акот, тие нив ќе ги пресретнат.
„Потковица на смртта и надежта“ од Миле Неделкоски (1986)
Кутриот Васја, кога слушнал за пороганијата, беше ги пресретнал одочесниците во Беговски Ливаѓе, долу под станицата, паднал на колена пред нив и почнал да ги моли, да ги заколнува, за да му ја вратат фотографијата.
„Потковица на смртта и надежта“ од Миле Неделкоски (1986)
Овие гласови, како а беа здоговорени, ги пресретнаа Тахир бег Јаузоски и Максим Акиноски.
„Потковица на смртта и надежта“ од Миле Неделкоски (1986)
Голем шарен пес ги пресретна на сред двор, залаа и почна да ја врти опашката во знак на одамнешно познанство.
„Толе Паша“ од Стале Попов (1976)
Едно ѓуле го погоди востаничкото црешово топче и топчето се распадна пред да успее да ги пресретне со своите ѓулиња непријателите...
„Бојана и прстенот“ од Иван Точко (1959)
Кога наближија до селото, селаните и кметот ги пресретнаа.
„Бојана и прстенот“ од Иван Точко (1959)
На вратата ги пресретна блесокот на езерото во муграта.
„Будалетинки“ од Мето Јовановски (1973)
- Ама, Хана, овие очи се некои очи што сакаат да те видат, очи што ти се радуваат, очи што едвај чекаат да ги пресретнеш Хана ...
„Вител во Витлеем“ од Марта Маркоска (2010)
Фоте сакаше да се изнасмее на нејзината недвосмислена шега, но си ја скрати смеата за да ги пресретне Богевци.
„Синовски татковци“ од Димитар Солев (2006)
Знаете нашите сопствени зборови како ќе се изненадат кога ќе ги пресретне впечатливо видение.
„Желките од рајската градина“ од Србо Ивановски (2010)