ме (зам.) - сфати (гл.)

Во тие работи секој не може да ме сфати, само тие што се емотивно почувствителни.
„Знаеш ли да љубиш“ од Ивана Иванова Канго (2013)
Очекуваше сцена и солзи. Место сето тоа, таа замислено рече: „Јас те сфаќав и мислев дека и ти ќе ме сфатиш.
„Две Марии“ од Славко Јаневски (1956)
Обично нему не му се доверувам оти мислам дека нема да може да ме сфати, иако мајка ми постојано ме убедува дека имам разумен татко кој го разбира децата и може лесно и брзо да им реши многу проблеми кои им се чинат нерешливи.
„Игбал, мојата тајна“ од Јагода Михајловска Георгиева (2000)
Моите проблеми во тој момент беа токму такви и никој жив не можеше да ги отстрани, но татко ми ми се обрати многу нежно кога ме праша што ми е, и седна до мене со намера да открие, а не само онака, да праша и да си замине како што понекогаш прави.
„Игбал, мојата тајна“ од Јагода Михајловска Георгиева (2000)
Некој што ќе ме сфати и ќе ги излекува сите болести на моето собеседие.
„Читај ми ги мислите“ од Ивана Иванова Канго (2012)
Кој ќе ме сфати?
„Читај ми ги мислите“ од Ивана Иванова Канго (2012)
Знаев дека БС нема да ме сфати. Затоа и толку пребирав по зборовите.
„Летот на Загорка Пеперутката“ од Србо Ивановски (2005)
Се трудев од секоја моја изречена помисла да произлезе разбирање иако не и одобрување на состојбите што имаат храброст да го пречекорат синорот на тврдата животна логика.
„Летот на Загорка Пеперутката“ од Србо Ивановски (2005)
Многу ѝ бев благодарен што ме сфати.
„Јас - момчето молња“ од Јагода Михајловска Георгиева (1989)
Кога тој не е премногу уморен и нерасположен, умее убаво да ме ислуша и да ме сфати.
„Јас - момчето молња“ од Јагода Михајловска Георгиева (1989)
Или ме сфати но на свој посебен начин за кој јас немав, барем тогаш, доволно разбирање.
„Жената на белогардеецот“ од Србо Ивановски (2001)
Некако почнав да не ја сакам, а татко ми не можеше да ме сфати.
„Три жени во три слики“ од Ленче Милошевска (2000)
Останав сираче на четири години. За мене доаѓаа тешки мигови во кои никој не можеше да ми помогне и да ме сфати.
„Три жени во три слики“ од Ленче Милошевска (2000)