се (зам.) - загрижи (гл.)

Сакаше некако да го разбуди, но ко кога виде дека нема никого да го налути поради тоа, не се загрижи.
„Будалетинки“ од Мето Јовановски (1973)
Чекорев по плочникот без да се загрижам каде.
„Ниска латентна револуција“ од Фросина Наумовска (2010)
Се случија уште многу други, неубави и чудни нешта. Сите дома се загрижија.
„Маслинови гранчиња“ од Глигор Поповски (1999)
- Леле, ако добие воспаление на белите дробови, - се загрижи Тета.
„Јас - момчето молња“ од Јагода Михајловска Георгиева (1989)
- Да не не ѝ е добро? - се загрижи дедо ми. - Лошо ѝ е од многу спиење, - одговори татко ми.
„Јас - момчето молња“ од Јагода Михајловска Георгиева (1989)
- Ете ти, на, се издиши старецот. - Внук ми се загрижил за мене. Се лути, не сака дома да оди. Го исплашил татко му.
„Кловнови и луѓе“ од Славко Јаневски (1956)
Поминаа уште два часа. Уште ја немаше. Ѕ се загрижи уште повеќе.
„Азбука и залутани записи“ од Иван Шопов (2010)
А денес кога птиците се загрозени, кога и некои од вашите другари ги проретчуваат со воздушните пушки, уште повеќе треба да се загрижиме и да им помагаме да живеат, да се множат, за да ни биде поубаво на сите.
„Добри мои, добар ден“ од Глигор Поповски (1983)
„Се загрижив !“ ги пречека мама Злата. „Добредојде, татко! Автобусот доцнел?“
„Тополите на крајот од дедовата ливада“ од Бистрица Миркуловска (2001)
Е, тогаш дедо ви ќе се загрижи дека сте ги надлетале и облаците и ќе рече дека е крајно време да ве одведе кај бајачката во соседството - за неа сите знаат дека ептен ја бива за баење од уроци, ама и од секакви летања со умот, нарочно над облаците.
„Ситночекорка“ од Ристо Лазаров (2012)
Се случија уште многу други, неубави и чудни нешта. Сите дома се загрижија.
„Билјана“ од Глигор Поповски (1972)