се (зам.) - погледне (гл.)

Наспроти таму, на врвовите од Сината Планина, не можеше ни да се погледне од силниот блесок што го создаваше сѐ уште нерастопениот снег.
„Бунар“ од Димитар Башевски (2001)
Се погледнавме меѓу себе.
„Дружината Братско стебло“ од Јован Стрезовски (1967)
Крај огинот останаа само Аргир и Веле. Обземени од своите мисли, тие и двајцата долго стоеја загледани пред себеси, без да проговорат или да кренат очи да се погледнат.
„Бојана и прстенот“ од Иван Точко (1959)
Доктор Миха во моментот ги откажа натамошните приеми и прегледи, се погледна дали е доволно спастрен за да се истопори пред власта, и јурна со колата кон полициската станица за која приближно знаеше каде е, но во која никогаш пред тоа не беше стапнал.
„Синовски татковци“ од Димитар Солев (2006)
Боге и Кате дискретно се погледнаа, во недоумица дали да се насмеат или да се воздржат, па си ги воздржаа погледите пред себе.
„Синовски татковци“ од Димитар Солев (2006)
Тажно е и да се погледне о Родна грутко додека те разнесуваат по полето заскитани светулки.
„Посегање по чудесното“ од Србо Ивановски (2008)
Двајцата браќа се погледнаа со прикриена насмевка.
„Невестата на доселеникот“ од Стојан Христов (2010)
Реков дека е мој. Тие се погледнаа.
„Папокот на светот“ од Венко Андоновски (2000)
Се погледнавме и смеата ја истуривме во шепите.
„На пат со времето“ од Петре Наковски (2010)
Да, куќарката е сосема привлечна.
„МАРГИНА бр. 29-31“ (1996)
Мене ми се допаѓа дека од сите страни до неа се доградени соби и сопчиња, така што ако таа се погледне оддалеку, тогаш се гледаат само крововите, насадени еден на друг, што многу наликува на чинија наполнета со палачинки, или уште подобро, на габи, што растат на дрво.
„МАРГИНА бр. 29-31“ (1996)
- Дамата беше крајно сериозна. Ивона и Рада повторно се погледнаа.
„Последната алка“ од Стојан Арсиќ (2013)
- Копук! Мислеше ќе се залетам по неговото партизанско минато. Зарем не се погледнал во огледало.
„Последната алка“ од Стојан Арсиќ (2013)
Притоа само се погледнаа и сѐ беше во ред. Сега веќе беа добри пријатели и секоја вечер заедно го затвораа дуќанчето.
„Белата долина“ од Симон Дракул (1962)
IX. Беше една друга врата во внатрешниот ѕид од собичката, кон која водеше еден широк премин, и за која, ако се погледне подобро, и како да постоеше таа собичка; една врата, на која ѝ беше подредено всушност сѐ во живеалиштето, и Змејко полека се доближи до неа и ја отвори.
„Белата долина“ од Симон Дракул (1962)
- Тоа е многу ако се погледне каква мрша ги раѓа.
„Тврдоглави“ од Славко Јаневски (1990)
Таму, меѓу басмари, аџии, скитници, додека од преголем котел некој анџија ќе сипува во чанаци преварен грав со козји дробенки или бел пилав од кочански ориз, ни оние неколцина Турци што ќе се нашле на своја софра и со свое оружје, од анџар до кременка, не ќе им биле туѓи и страшни; плиснати со оган и загреани од скомињава ракија со која се пее и се плаче, тие ќе се разграштеле, ќе се погледнале со сочувство и машко охрабрување и ќе пресметале што уште им останало во торбите и дисагите и колку имаат на колите сено за добитокот.
„Тврдоглави“ од Славко Јаневски (1990)
- Осум деца, се свртел кон најблиските.
„Тврдоглави“ од Славко Јаневски (1990)
Брзале, мислиш ги чека ан во кој уште од есенски ноќи крцкоти оган и во кој ќе сретнат луѓе што ширум го оделе светот.
„Тврдоглави“ од Славко Јаневски (1990)
Девојките се погледнаа прашувајќи се така, само со очите.
„Црни овци“ од Катица Ќулавкова (2012)
Отпивањето го повторија и веднаш осетија дека виното со блажени трпки им се разлева по дамарите.
„Црни овци“ од Катица Ќулавкова (2012)
Свилената марама ме натера да можам да се погледнам во огледало без однапред познатата аверзија, фрлајќи во дефокус секаков натпис од девијантна природа.
„Ниска латентна револуција“ од Фросина Наумовска (2010)
Тие задоволно се погледнаа меѓу себе и газда Таки рече: „Ќерко, така најубо се учи занаето. Не е сѐ само во училиштето.
„Белиот јоргован“ од Хајди Елзесер (2012)
Се погледнале градителите. Царот нивен ја многу е умен ја многу улав.
„Забранета одаја“ од Славко Јаневски (1988)
Поминаа еден покрај друг без да се погледнат.
„1984“ од Џорџ Орвел (1998)
Сега разбра што мислел О'Брајан кога му рече да се погледне и од профил. Кривината на 'рбетот беше вчудовидувачка.
„1984“ од Џорџ Орвел (1998)
Очи в очи се погледнале. Срцата им затупкале. Од првно виѓавање се заљубиле.
„Молика пелистерска“ од Бистрица Миркуловска (2014)
Престанав со плачењето, сите молчевме, секој гледаше пред себе со наведната глава, немавме смелост да се погледнеме во очи, никој немаше повеќе што да каже, сега сѐ беше кажано, сега сѐ беше готово.
„Седум години“ од Зорица Ѓеорѓиевска (2012)
Еден ден се погледнав во огледало, се вчудовидов од тоа како изгледам… руина.
„Седум години“ од Зорица Ѓеорѓиевска (2012)
Но, ако внимателно се погледне, ќе се утврди дека половината од овие прекршоци, кои по ново се казнуваат најблаго, всушност порано беа третирани за „тешки прекршоци“, за кои беа предвидени и највисоки парични казни!?
„Обезвреднување на трудот“ од Савески, Апасиев, Ковачевски, Василев (2010)
На вториот ден играта се повтори со една мала измена: сретнатите детински очи не се исплашија како вчера, но погледите достасаа до едниот и другиот и на миг се погледнаа.
„Крпен живот“ од Стале Попов (1953)
Пријател со пријател, другар со другар, дури и брат со брат на Овче Поле, во Сојузничката војна, се навреле на штиковите и дури, откако се погледнале доцна се познале оти се браќа.
„Крпен живот“ од Стале Попов (1953)
Кметот и учителот се погледнаа. Молчеа.
„Злодобро“ од Јован Стрезовски (1990)
Братучедите се погледнаа како божем да му се чудат на умот.
„Будалетинки“ од Мето Јовановски (1973)
Братучедите со бавно, бавно вртење на главите како што беа застанати, скоро не дишејќи, се свртеа еден кон друг, вчудоневидено се погледнаа со ококоравени очи.
„Будалетинки“ од Мето Јовановски (1973)
Сега братучедите, не сфаќајки, се погледнаа еден со друг, а и се исплашија малку кога чуја како некој однатре свика нешто.
„Будалетинки“ од Мето Јовановски (1973)
Стариот веќе беше доста одминат кога братучедите решија да се погледнат под веѓи.
„Будалетинки“ од Мето Јовановски (1973)
Пак се погледнаа, проверија уште еднаш и кога сакаа молкома да продолжат забележаа дека дождот стивнал, а воздухот околу нив станал одѕвонлив чиниш и на дишење.
„Будалетинки“ од Мето Јовановски (1973)
Братучедите се погледнаа и долго се гледаа. Кога се разбраа, Србин се врати во својата замижана поза, а Шишман ја продолжи работата пред себе.
„Будалетинки“ од Мето Јовановски (1973)
Се погледнаа. - Дојдовме, - рече Шишман. - Можеби и дојдовме, - рече Србин. Продолжија по стрмнината правудолу.
„Будалетинки“ од Мето Јовановски (1973)
Ни Коте ни Методија ништо не сфаќаа. Повеќе од вчудоневиденост одошто од почит ги пуштија братучедите меѓу нив прави да излезат, се погледнаа и кога Коте се пресегна по клучот од надворешната врата, Методија излезе пред него.
„Будалетинки“ од Мето Јовановски (1973)
Шишман и Србин се погледнаа, ги кренаа рамениците и помирени продолжија.
„Будалетинки“ од Мето Јовановски (1973)
Се погледнаа како да си ја признаваат грешката.
„Будалетинки“ од Мето Јовановски (1973)
Братучедите се погледнаа, се пристеија дека по село се зборуваше оти попот в црква никој не го разбира зашто немечки пеел, велеа селаните. Попот Брезничанец, ама грчки учен.
„Будалетинки“ од Мето Јовановски (1973)
Кога дојдоа глава во глава застанаа, клекнаа, се погледнаа.
„Будалетинки“ од Мето Јовановски (1973)
Стаписано застанаа и зачудено се погледнаа еден во друг.
„Будалетинки“ од Мето Јовановски (1973)
Се погледнаа уште еднаш, чиниш проштевајќи се и Србин прв крена рацете кон гашникот. Шишман исто така.
„Будалетинки“ од Мето Јовановски (1973)
Беспомошно се погледнаа. Изразот на нивните лица полека почна да преминува во плачливост.
„Будалетинки“ од Мето Јовановски (1973)
Утринава, кога заврши тоа второ негово јавување таа се сврте кон огледалото заглавено помеѓу тоалетот и шифоњерот и се погледна в очи.
„Желките од рајската градина“ од Србо Ивановски (2010)
Скараните мечки првин се погледнаа непријателски, потоа се насмевнаа, му се заблагодарија на судијата и заминаа кон пештерата.
„Раскази за деца“ од Драгица Најческа (1979)
Пандо и Нумо се погледнаа. Нем, вчудовиден, гневен, тврд, пронижувачки, суров, студен, презрив поглед.
„Постела на чемерните“ од Петре Наковски (1985)
И во зорите пак на пат. Штом излеговме од градот, колоната застана.
„Постела на чемерните“ од Петре Наковски (1985)
Родителите на Пецета се погледнаа.
„Луман арамијата“ од Мето Јовановски (1954)
Се погледнаа барајќи помош едно од друго и, кога се свртеа, видоа дека имале од што да се исплашат...
„Луман арамијата“ од Мето Јовановски (1954)
Тие се погледнаа едно со друго како да се колебаат дали да се восхитуваат или да ѝ се потсмевнат.
„Луман арамијата“ од Мето Јовановски (1954)
Девојчињата се погледнаа и двете калливи со ќофтињата во раце. Почнаа да се кикотат.
„Чкртки“ од Румена Бужаровска (2007)
- Ќе ме исќофта, хи хи хи... - се смееше Ане.
„Чкртки“ од Румена Бужаровска (2007)
Ане и Дора престанаа да се смеат за кратко, па се погледнаа и пак прснаа да се смеат.
„Чкртки“ од Румена Бужаровска (2007)
Се погледнаа меѓу себе и се ослободија.
„Небеска Тимјановна“ од Петре М. Андреевски (1988)
Ќе се погледнеме и ќе прснеме, се кинеме.
„Небеска Тимјановна“ од Петре М. Андреевски (1988)
Се погледнаа така и се вратија по топчињата.
„Небеска Тимјановна“ од Петре М. Андреевски (1988)
Се погледнав и се сетив.
„Небеска Тимјановна“ од Петре М. Андреевски (1988)
И, којзнае кој ѓавол ќе им влезеше в глава, ќе се погледнеа како затвореници разделени со јаки железни шипки и со олкави солзи, ќе се изнаплачеа.
„Авантурите на Дедо Мраз“ од Ристо Давчевски (1997)
Петре и Злата се погледнаа вџашено. Петре наврапито стана.
„Тополите на крајот од дедовата ливада“ од Бистрица Миркуловска (2001)
Се погледна во огледалото за да си ја поправи фризурата. Му се допаѓаше како изгледа.
„Азбука и залутани записи“ од Иван Шопов (2010)
Кога ќе се погледнев во огледало, не можев да се препознаам, бев облечена во тетовска облека, образите ми ги нацрвија небаре тетовски јаболка.
„Три жени во три слики“ од Ленче Милошевска (2000)
Јас тоа го избегнав, само му ја дадов пушката и му посакав сè убаво да му биде.
„Три жени во три слики“ од Ленче Милошевска (2000)
Откако изодев малку по патот, се погледнав и видов дека тие делови од опинците што требаа да бидат оздола, се свртеле опаку, а бидејќи отпрвин се движевме по тревата која беше искосена, немав многу шанси да задремам зашто боцкаше.
„Три жени во три слики“ од Ленче Милошевска (2000)