си (зам.) - наоѓа (гл.)

А ти ни беше единствениот учен адвокат, со диплома дури од Цариград, кај кој си наоѓавме дерман во небиднина, сите и рисјани и муслимани.
„Патот на јагулите“ од Луан Старова (2000)
Кучето во тоа претрчување си наоѓа игра и чувствува задоволство од тоа што го галат, и продолжува така да претрчува, дè кај еден, дè кај друг.
„Животраг“ од Јован Стрезовски (1995)
А и Мајка не легнуваше пред Татко, постојано си наоѓаше нови обврски.
„Ервехе“ од Луан Старова (2006)
Белиот крал си наоѓа веќе сигурно засолниште.
„Послание“ од Блаже Конески (2008)
И таа како дедот Петка: намириса дека Митра е запалена за оваа работа и почна да тврди пазар: — „Та. .. којзнае, невесто Митро, дали ќе ми најдеш тоа шо треба; та . . . ногу време сака да помине; ја... требало порано да дојдеш; којзнае дали ќе можиш да платиш“, — и триста други маани си наоѓаше. И за неа „ништо не сака“.
„Крпен живот“ од Стале Попов (1953)
Затоа си наоѓа свои помошници.
„Авантурите на Дедо Мраз“ од Ристо Давчевски (1997)
Честопати влегував во некои дилеми, бев многу молчалива, секогаш си наоѓав нешто да се измачувам.
„Три жени во три слики“ од Ленче Милошевска (2000)