волк (имн.) - да (сврз.)

Од патот рикна магаре, и некој рече: волкот да те изеде!
„Пиреј“ од Петре М. Андреевски (1983)
Стоиме на Козјак, козите волкот да му ги изеде!
„Пиреј“ од Петре М. Андреевски (1983)
На вакво време и волкот да го врзеш, ќе скине и ќе побегне.
„Небеска Тимјановна“ од Петре М. Андреевски (1988)
И не само тоа, туку ги праќале и своите волци да им вијат под прозорците; лисиците да им шетаат по амбарите.
„Желките од рајската градина“ од Србо Ивановски (2010)
А татко ти тогаш ти рече: „Сине, тоа е голем грев, тоа што наумил волкот да го стори“, но и ова го рече на оној негов чуден руски за кој сите го исмејуваа па и тогаш кога тој се напнуваше да ги увери присутните дека сите ние сме славјани и едно племе и дека треба да господари разбирјатељство помеѓу нас и да чувствуваме грижа едни за други, а јас, за да го смирам, морав да го повторам она што и пред тоа многупати му го имав речено: „Руски човече, побрзо јас ќе се разберам со своите мртви одошто ти со својата болка и со нас живите“, па тој веднаш замолкнуваше, се престоруваше најситно зрно просо и заминуваше во Горнидвор за да се качи на дудинката; беше и возрасен, и умен, а со срамно детско однесување.
„Жената на белогардеецот“ од Србо Ивановски (2001)