во (предл.) - надлежен (имн.)

Набрзо потоа и црквата ја затворија, односно ја пренесоа во надлежност на попот тополечки, и него го довлечкаа оттаму, од Србија, откако тукашниот свештеник, поп Цветана го уби мајорот Загориќ.
„Потковица на смртта и надежта“ од Миле Неделкоски (1986)
Беше недела, втора година од владеењето на Србите во Потковицата, прв ден Велигден.
„Потковица на смртта и надежта“ од Миле Неделкоски (1986)
Она што кај мене создаваше посебен интерес како рецептор на кино изразот беа проекциите на филмовите во саботите со почеток во 11 часот. (Не можам да се сетам дали кино сигналот се еманираше пред почетокот или после завршувањето на Младинската емисијата на првата програма на Радио Скопје „Црвени каранфили“.) Таквите кино сеанси беа во надлежност на младинските организации.
„Календар за годините што поминале“ од Трајче Кацаров (2012)
КРАТЕНКИ АВИИ - Архив на воено инсториски институт АВНОЈ - Антифашистичко веќе на народното ослободување на Југославија Advanced FORCE 133 - Во нејзина надлежност спаѓале ативностите во Југославија, Албанија и Унгарија, а била во надлежност на Главиот штаб на сојузничките сили за воени операции и СОЕ - Каиро за изведување на тајни операции.
„Британските воени мисии во Македонија (1942-1945)“ од Тодор Чепреганов (2001)
Стратегијата, сигурно била работа на началниците на штабовите, додека политиката била во надлежност на Форин Офис.
„Британските воени мисии во Македонија (1942-1945)“ од Тодор Чепреганов (2001)
Со целото свое битие чувствуваме дека уметноста на нашето време веќе не е во надлежност на какви било компетентни лица или организации, какви било ограничени дискурси.
„МАРГИНА бр. 36“ (1997)
Кога советот, во текот на постапката или претседателот на советот на подготвително рочиште, по службена должност или по приговор од странките, ќе утврди дека се работи за спор што треба да го суди судија поединец на истиот суд, ќе донесе решение – а, по правосилноста на ова решение, постапката ќе продолжи пред судија поединец и тоа по можност пред претседателот на советот како судија- поединец.
„Работни спорови - Позитивни примери од судската пракса“ од Димитар Апасиев (2011)
Судијата поединец е врзан за правосилната одлука со која предметот му се отстапува во надлежност.
„Работни спорови - Позитивни примери од судската пракса“ од Димитар Апасиев (2011)
Надзорот над спроведување на одредбите од овој закон и прописите донесени врз основа на овој закон се во надлежност на МТСП, додека пак инспекцискиот контролен надзор го врши Државниот инспекторат за труд.
„Обезвреднување на трудот - 2 Анализа на трудово-правната легислатива во периодот 2010-2014“ од Мартин Краљевски, Дејан Лутовски, Ивица Костовски (2015)
Како да помина сѐ во надлежност на кревката и кротка Мајка.
„Ервехе“ од Луан Старова (2006)
Татко конечно ги напушти големите идеи за замину­вањето, но во него избледуваше и идејата дека до крајот на својот живот ќе го доживее вистинското враќање кое, сега, како да ѝ го оставаше во надлежност на Мајка.
„Ервехе“ од Луан Старова (2006)