Колокации | Дигитален речник на македонскиот јазик

На креветот во дневната соба пред да падне во постела седеше врз гума за пливање како мало дете кое уште не проодело за да не се преврти на едната или на другата страна.

„Ласа“ од Наташа Димитриевска Кривошеев (2011)

Целосно се укинати правата како паричната помош и надоместокот на трошоците за превоз и исхрана за време на стручно оспособување или преквалификација, а статусот невработено лице и правата кои можат да се остваруваат во случај на невработеност им се ускратени на лицата кои го имаат прекинато работниот однос по своја волја и на една цела категорија граѓани – земјоделците, односно вршителите на земјоделска, сточарска или друга дејност, без разлика на нивото на приходи.

„Обезвреднување на трудот“ од Савески, Апасиев, Ковачевски, Василев (2010)

Седнав на една поодалечена клупа од нив, а кога, по некое време, Лина и другите две жени си заминаа во бараката, Ева ми пријде и праша дали може да седне до мене.

„Сестрата на Сигмунд Фројд“ од Гоце Смилевски (2010)

Од заемките за означување простории во куќата, меѓу кои не малку се и во денешна употреба во балканските јазици, Камилски се задржа на: одаја, одаа, со значење соба (од турски oda); чардак, истурен (покриен) преден дел на куќа (најчесто на горниот кат), со отворени бочни страни што по некои куќи се застаклени и со убава глетка.

„Балканвавилонци“ од Луан Старова (2014)

На изводот од матичната книга на венчаните имаше напишано: „Бракот се раскинува поради смрт на еден сопруг“.

„Седум години“ од Зорица Ѓеорѓиевска (2012)

На почетокот тапа болка, нешто како да е нагризено од ракијата, на едно место, ама сега, одвреме навреме како да лазе по целата внатрешност.

„Исчезнување“ од Ташко Георгиевски (1998)

Се мушнав и пробивав низ соби натрпани со изветвен мебел, грнци и лонци распослани по масите, засушени четки и празни платна на еден стар уметник кој заради својата мајка, воглавно, останал сам.

„Ниска латентна револуција“ од Фросина Наумовска (2010)

Имамот чувал во подрумот разни прехранбени производи, како што велел, за црни дни.

„Балканвавилонци“ од Луан Старова (2014)

Скот да бидам, јас едно време и богу и пред луѓето најлудо се молев, и денеска тоа го правам, - кога му се суди на еден човек колку е тоа можно слепо да не се гледа само на еден дел од неговиот живот, за што можеби тој самиот не сноси никаква вина.

„Големата вода“ од Живко Чинго (1984)

Зад сека грмушка се крие идеалот за збогатување набрзина, зад сека грмушка на оние кои се стискаат да не се измочат в гаќи силници им ги превртуваат џеповите и кога нема да најдат ни петпаре од бес ги плескаат по газовите, ги влечат за уши, им бркаат во очите.

„Светилничар“ од Ристо Лазаров (2013)

Зарем немав право? Ако не постоеше тој црн знак верувам дека немаше да бидат спомнати планинските беспаќа.

„Синот“ од Србо Ивановски (2006)

Извештаченоста е онаа чудна состојба на душата во која свеста штотуку прогледува, како што тоа го кажува Гомбрович, увидувајќи го лицемерството на својата состојба, и кое се состои во создавањето на еден вештачки двојник, во правењето еден вештачки автомат на својата сопствена суштина, што значи во понадворешнувањето на себеси како друг, со милоста на знаците.

„МАРГИНА бр. 10“ (1997)

Додека „трчавме“ низ Версај, подолго останавме во оној салон каде што е потпишан Версајскиот мир и каде што на парче зелена масае скроена судбината на македонскот народ, каде што версајските „миротворци“ Македонија ја парчоса на три дела и им ја дадоа на три балкански држави како да сакаа само со потписи да го збришат постоењето на еден цел народ.

„Патувања“ од Никола Кирков (1982)

Се сети на еден човек со кој се размина на улица пред неколку недели: еден наизглед сосем обичен човек, член на Партијата, на триесет и пет до четириесет години, висок и тенок, со актовка во раката.

„1984“ од Џорџ Орвел (1998)

И со овој настап владиката го плени Греманецот кој падна под споменатите зборови на митрополитот изговорени на совршен германски. „Убаво сте се сместиле тука”, му рече Хрисостом на есесовецот, во исказ во кој војникот не ја препозна суптиланата иронија на владиката.

„Светилка за Ханука“ од Томислав Османли (2008)

Прво, уште на пристапот кон колибите, збиени една до друга на една зарамнина, со безброј плевни и кошари наоколу, ги нападнаа булук кучишта, та изгледаше дека на Бојан и Денко овој ден им е последен ден од животот.

„Бојан“ од Глигор Поповски (1973)

Велеше дека секоја мајка е различна во своето мајчинство, како што животот на еден човек се разликува од сите останати, колку да им е сличен на другите луѓе.

„Сестрата на Сигмунд Фројд“ од Гоце Смилевски (2010)

Пред неумоливата, татковинска вистина, која инаку, е општо позната, макар што тоа сѐ уште никој не го знае, бидејќи сѐ уште не се прочуло, Енценсбергер потполно занеме; делува како залутан молекул на една непријателска територија, која Србите секој момент ќе ја освојат.

„МАРГИНА бр. 4-5“ (1994)

12. Некој го украл патоказот на влезот на селото, ама затоа во него на едно вртење десно има самоделски знак „Гулабова маала“ Кради глобално, делувај локално.

„Најважната игра“ од Илина Јакимовска (2013)

Некој од нив, воден од сочувство, одлучи да му помогне на Акакиј Акакиевич барем со добар совет, велејќи му дека тој не би пошол кај реонскиот началник, зашто може да се случи реонскиот, сакајќи да заслужи пофалба од претпоставените, и да го пронајде на некој начин шинелот, тогаш шинелот сепак ќе остане во полицијата, ако тој не им достави законски докази дека шинелот му припаѓа нему; туку дека е најдобро тој да му се обрати на едно значајно лице, дека значајното лице, откако ќе испрати писмо и ќе се поврзе со оној со којшто треба, може да направи работата да тргне поуспешно.

„Црни овци“ од Катица Ќулавкова (2012)

- Тој податок си можел да го добиеш само од мајка ти, од никој друг - рече Даскалов. – Се разбира можеш да го добиеш и од тој твој несуден татко.

„Синот“ од Србо Ивановски (2006)

— Ќе залачкаат нивните, ќе залачкаат и нашите, — горделиво ги бодреше Андон од Дуње, кој со Толета требаше да му влезе на Арслана во конакот.

„Толе Паша“ од Стале Попов (1976)

Тоа бил еден од последните настапи на Арто и бил наменет за соочување со сопствениот фантазам на едно дисартикулирано, обдуцирано тело, тело како точка на преместување, подвојување и непрекината флуидност, коешто е чиста присутност и тело без органи.

„МАРГИНА бр. 37“ (1997)

Се состоеше од фалсификување на една серија од производствени извештаи од пред две години и тоа така за да се наруши угледот на еден истакнат член на Внатрешната партија кој во моментов беше во немилост.

„1984“ од Џорџ Орвел (1998)

Се разделивме пред Четрок, на раскрсницата: тие на една страна, јас на друга.

„Небеска Тимјановна“ од Петре М. Андреевски (1988)

Горе на оџакот на едната страна дрвен толчник, а на другата една бакарна топовска граната.

„Продавница за љубопитните“ од Мето Јовановски (2003)

Да, вие сте овде навистина како на еден долг одмор.

„Сестрата на Сигмунд Фројд“ од Гоце Смилевски (2010)

Се сеќавам на еден фрагмент од еден од многуте разговори со Јасер Арафат, кој беше индикативен за метафората на кривата на владеењето: - Најсреќниот ден во животот? - Јас сѐ уште не сум го доживеал...

„Амбасади“ од Луан Старова (2009)

Тоа ќе создаде гротескни ситуации, кога неговите потенцијални наследници ќе учествуваат во невидени сцени на еден театар на апсурдот во играта со немоќниот владетел!

„Амбасади“ од Луан Старова (2009)

Од тогаш, од тоа доба се тутули така трогнат кајшто сенките се топат во последна рамна пропаст. okno.mk | Margina #32-33 [1996] 132

„МАРГИНА бр. 32-33“ (1996)

I Да можеа да зборуваат сите Мајкини гени и хромозоми, тие ќе ви ја раскажеа најнеобичната балканска одисеја на еден живот минат, во најголемиот свој дел, во одбраната на едно семејство.

„Ервехе“ од Луан Старова (2006)

Додека се доближуваше кон масата, погледот на Винстон се задржа на еден тркалезен, мазен предмет, што блескаше меко во светлината на ламбата и тој го зеде в рака.

„1984“ од Џорџ Орвел (1998)

Вториот дел што содржеше мал број записи направени од Едо синот и беа општо земено поинтересни, прво, поради тоа што беа писмено напишани, второ, што беа на едно поосмислено рамниште и, трето, за авторот посебно интересно,што беа израз на потреба да бидат направени, факт во кој авторот откриваше писател.

„Продавница за љубопитните“ од Мето Јовановски (2003)

Дури се гордеам што сум Македонец, син на еден измачен народ, кој преживеал толку вековни робства и пак не се поддал на непријателот, да го претопи, ами жилаво се држал и се борел за својата национална слобода.

„Антица“ од Ристо Крле (1940)

Така доаѓаме во парадоксална ситуација во која највисокиот правен акт на една држава, којшто симболички и правно ја втемелува таа држава, всушност е нешто што со својот недостиг од легалитет и легитимитет го оспорува легитимитетот и на самата држава.10 4.

„МАРГИНА бр. 36“ (1997)

И така, на еден природно мистичен народ, каков што е рускиот, ќе се накалеми мистицизмот врз филозофијата, односно теоријата која ќе се повикува на материјализмот, и која на крајот на краиштата, произлегува директно од позитивизмот.

„Атеистички музеј“ од Луан Старова (1997)

Разбрав од моите познати дека овие гробишта се наоѓаат во парискиот реон Клиши, на еден од јазлите, каде што Париз се врзува со „Булеварот на перифериите“ а од каде што се одделуваат автострадите на сите правци.

„Патувања“ од Никола Кирков (1982)

На еден крај има и клавир.

„Небеска Тимјановна“ од Петре М. Андреевски (1988)

Трајче качамакот го потсети на една песничка.

„Волшебното самарче“ од Ванчо Николески (1967)

Со оваа нова градба, како и со блискиот Дом на Армијата, изграден на местото на една џамија во форма на бурма и позната како Бурмали–џамија, спроти зданието на големата банка, со зданието на големата железничка станица, една од најубавите на Балканот во речиси ориенталната касаба, се наѕираше моќта на новата држава.

„Времето на козите“ од Луан Старова (1993)

„Имаш ли некое место за мене?“ праша враќајќи го бокалот на масичето; чу иста таква тихост: „Имам. Економ на едно градилиште.“

„Месечар“ од Славко Јаневски (1959)

И не може насекаде, или било каде што ќе ти одредат случајните конвенции на историјата, да ја почувствуваш најголемата приврзаност за земјата, место во кое ќе ти се случи најбитното во животот, во согласие со вечниот ритам на природата, а не со наметнатите амблеми на еден друг живот.

„Амбасади“ од Луан Старова (2009)

„Нема да се качуваш по козја патека на колена, чедо божје“, го слушам како ме охрабрува во подвигот со наслов: „Бог не ги љуби само оние чиј адут е дека биле имот единствено на еден маж“.

„И ѓаволот чита пРада“ од Рада Петрушева (2013)

Неподвижно од немоќта на Еразмо да оди по невидливиот пат на духовното, лежеше на едно место, приковано од Еразмовиот сомнеж во себе, без нималку верба; одвај дишеше, живуркаше полно со желба за живот во очите.

„Мудрецот“ од Радојка Трајанова (2008)

Колибата Сукаловска беше од оние, „сталните", во кои се мисли повеќе години да се живее. Не како на Кањата, Карабоја или некој друг, што правеа меќани за една зима на едно нивчуле, па кога ќе го подгнои, кревај желниците и сламата на друго!

„Крпен живот“ од Стале Попов (1953)

Ќе запаѓам на една страна, па после на друга страна.

„Пиреј“ од Петре М. Андреевски (1983)

Затоа можеби се чактиса на свој начин и на еден празник дојде однекаде, од некое друго село, во облека со лешникова боја, туѓа, бездруго на некој иселеник.

„Забранета одаја“ од Славко Јаневски (1988)

Единствена деградација - знак дека палтото си го отслужило своето, - што немаше повеќе за него место во орманот и што висеше на еден клинец зад кујнската врата.

„Бојана и прстенот“ од Иван Точко (1959)

Му дале дури на една од мансардите на Ке д`Орсе свое катче да продолжи да пишува, да анализира, да предвидува, се разбира за свој грош.

„Амбасади“ од Луан Старова (2009)

(Маркс и Енгелс беа само доблесни филозофи на еден изминат век.)

„Атеистички музеј“ од Луан Старова (1997)

Таа ја сакаше својата работа, која се состоеше главно во управување и одржување на еден силен, но компликуван електричен мотор.

„1984“ од Џорџ Орвел (1998)

Нејсе, по уводот за материјалната состојба, недвижнини и друго, политичката припадност како бајаги важна за основање на една врска, сексуалните способности - самооценети како брилијантни, ликов поминува во експлицитно прикажување на она што има по џебови, придружено со сликовито објаснување како доаѓа до купчиња евра, денари, франци, распоредени во различни џебови од мантилот и костумот.

„И ѓаволот чита пРада“ од Рада Петрушева (2013)

Пред да стапи во партијата, брат ми требаше да замине на една сојузна младинска доброволна работна акција за изградбата на една разорена пруга во една од средишните републики во земјата, потем во изградбата на автопатот Братство-единство, којшто треба да ја поврзе земјата со Европа и Азија, па во изградбата на едно вештачко езеро во својата република, со сушење на мочуришта.

„Времето на козите“ од Луан Старова (1993)

Се прекина една ноќ, беше како нешто само по себе да истече и да скапче и тие знаеја дека сите огромни ќиури од бел, зелен и црн мермер и сите други камчишта и бигорите, сите тажни анѓели и сите камени венци, какви што може да ги има само на едни заборавени гробишта и само во Грција, што дотогаш беа ги престојале мирни меѓу тие маслини сите поминати векови, сега се собрани на средината, здробени, и дека тука веќе немаше што да се прави.

„Белата долина“ од Симон Дракул (1962)

Староста тежи... жив си - ама нежив - си се вкочанил на едно место.

„Молика пелистерска“ од Бистрица Миркуловска (2014)

Во 1868 година Србија тајно преговара со бугарскиот Букорешки комитет за создавање на една јужнославјанска држава во која покрај Србија и Бугарија ви влегле уште и Тракија и цела Македонија.

„Потковица на смртта и надежта“ од Миле Неделкоски (1986)

Ја изведував придржувајќи ја, таа одеше цупкајќи на едната нога, потпирајќи се на мене и на бастунот.

„Сестрата на Сигмунд Фројд“ од Гоце Смилевски (2010)

Не било лесно на едни нозе двајца да изнесуваш.

„Небеска Тимјановна“ од Петре М. Андреевски (1988)

Ковчегот го извадија и го положија на едно чисто плато од десната страна на браната.

„Братот“ од Димитар Башевски (2007)

Си идам јас оздола, вели, на еден жванец му ги стегав колцата, му клавав каврани, му ги опточував со шини, со обрачи и со тасои, вели, и гледам нешто ми се црнее на патот. Црно и бело заедно, вели.

„Пиреј“ од Петре М. Андреевски (1983)

И додека Џеки и Белчо претставуваа голема радост за децата, за нивните родители станаа голема грижа, па затоа на еден состанок на куќниот совет се разви широка дискусија - токму за нив.

„Градинче“ од Бистрица Миркуловска (1962)

ЕПИТАФ Овде лежат коски на еден јунак коски синоптичарски на едно променливо време

„Проклетници“ од Горан Јанкуловски (2012)

Главната церемонија се одвиваше на еден голем простор во кампусот.

„Седум години“ од Зорица Ѓеорѓиевска (2012)

Кога не се шминкаше, од здодевност не знаеше што да прави, та често ги префрлаше нозете една врз друга, ги склучуваше прстите и ги отпушташе, ги вртеше прстените и на едната и на другата рака, ја потчукнуваше со дланките собраната коса и од едната и од другата страна дотерувајќи ја.

„Животраг“ од Јован Стрезовски (1995)

Затоа следниот ден излезе пак да го чека истоименикот, но сега не седна на талпата пред продавницата туку на еден камен веднаш зад аголот пред уличката во којашто се наоѓаше неговата куќа.

„Продавница за љубопитните“ од Мето Јовановски (2003)

Тоа беше г-ѓа Парсонс, жената на еден комшија од истиот кат.

„1984“ од Џорџ Орвел (1998)

Казната, мандатна - 200 денари на лице место, со сметка на едно пусулче во пастелна боја.

„И ѓаволот чита пРада“ од Рада Петрушева (2013)

Таа треба свето да ги чува правата на сите христијани, а не да ги жртвува правата на едните во полза на другите.

„За македонцките работи“ од Крсте Петков Мисирков (1903)

Друга запалувачка граната падна погоре и експлодира во чатијата на една сламена куќа. И таа куќа пламна.

„Волшебното самарче“ од Ванчо Николески (1967)

Тој е на едниот крај од чекалницата, а јас на другиот.

„Небеска Тимјановна“ од Петре М. Андреевски (1988)

Таа уживаше во мирисите и боите на прекрасната градина, знаеше со саати да си лежи на едно ткаено чергиче под расцутените црешови дрвја, да ги слуша разговорите на птиците и да си игра во мислите со облаците...

„Белиот јоргован“ од Хајди Елзесер (2012)

Ќе постелиме и ќе се наредиме по целото собиче: јас и Оливера на една страна, а мажите на друга. Крлаган, што се вели.

„Небеска Тимјановна“ од Петре М. Андреевски (1988)

По онаа бура, по оној гнев на Симона, повреден од тоа што Лена не му се дава, ранлив кога беше во прашање брат му Борко заради чувството дека предноста и грижата и на родителите и на другите била секогаш свртена кон него, а тој божем запоставен, а сигурно и заради внатрешната потреба да го симне од себе товарот на едно сведоштво на злостор, по таа бура, значи, по тој гром што ја удира Лена, таа го врти мојот телефонски број што бев ѝ го оставил кога летото, пред можната прослава на јубилејот на браната, ја бев посетил кратко во Долнец.

„Братот“ од Димитар Башевски (2007)

Пелагија се стаписа на местото, се стаписа од благиот глас на жената и полека, полека, со така да се рече надчовечки напори ја заврте главата и жената влезе во нејзините очи веднаш тука зад вратничката, а со неа и целата градина и куќичката со последното сонце плиснато по белината на ѕидовите, и вратничката се отвора на внатре, насмеаната жена ја влече натаму, ѝ прави пат за да влезат во градината Дојдете, златни, да си поседиме пред мојава врата, со денови, мори златна, да не речам со години, те гледам поминуваш од тука со момичево во рацете и со некоја голема болка во лицето, одамна сакав да те поканам да ми влезиш макар во градината ако не во куќата! и Пелагија нема сили да се спротивстави, таа дозволува мекиот допир на жената да ја води по патчето сѐ до поплочената ширинка пред вратата на куќарката каде што има малечка масичка и неколку столчиња без потпирачки наместени околу масичката и веќе седи на еден од нив, а на другиот до неа малечката Пела, и уште, уловува дека тетката седнува до неа без да престане да зборува Ако си калеша и со црно во срцето, ти си убава, и не знам дали има поубава од тебе, и по лицето ти се познава дека си и добра, твојата појава зрачи добрина! и во исто време претрчува внатре низ отворената врата и мислиш дека оди натаму а таа се враќа со подавалник на кои има чинивчиња со слатко и пресна вода во стаклени чаши Добро ми дојде, златна, во куќава, ајде, касни од слатково, јас самата го имам правено, онде од зад куќи, имам две дуњи, погледни, како сонцето што свети така и тоа свети, како твојата невидлива светлина, златна, како твојата невидлива добрина, златна, а тоа што свети во исто време и боли, мила, твојата невидлива болка, касни, заблажи се, ти ја знам болката, со денови, со недели, со месеци сноваш по уличкиве и бараш брлог оти онаа коруба сега е зграда, ене ја, ги надвишува сите куќи и вие морате да се иставите од таму, е, златна на тетка, не знам зошто, ама моето срце те одбра тебе, така да знаеш, те одбра тебе и оваа топка радост и оваа жолта заштита, вие да ми бидете радост на старост!

„Црна билка“ од Ташко Георгиевски (2006)

„На доброто расположение на еден германски воспитаник и на неговата желба да поразговара со некого на јазикот на својата младост.

„Светилка за Ханука“ од Томислав Османли (2008)

За делче од миг низ неговото сеќавање поминал настан од неговото најрано детство: неугледна старица од некое планинско село дошла на еден Велигден во полна црква и со голем крст во рацете го надвикала свечено облечениот поп барајќи од набожниците да појдат по неа во доброволна смрт.

„Тврдоглави“ од Славко Јаневски (1990)

Јас не можев да бидам сигурен за вистинските причини на доверливата отвореност, длабока искреност и непосредно пријателство на големиот палестински раиз, кога и самиот бев на крајот на мисијата на една земја на која се наѕираше блискиот крај.

„Амбасади“ од Луан Старова (2009)

Винстон не знаеше што значи тоа, освен дека на еден или на друг начин ќе се оствари.

„1984“ од Џорџ Орвел (1998)

Пред да го донесат тука, го беа одвеле на едно друго место, кое мора да беше обичен затвор, или место за привремено притворање што го употребуваа патролите.

„1984“ од Џорџ Орвел (1998)

А знаат ли Бугарите оти во тоа време кога тие го имаат во Петроград еден Станчев, Србите го имаат таму еден Пашиќ, 78 или еден Груиќ79 или еден Новаковиќ? 80 Овие дипломати последователно се или во Петроград или во Стамбул; и на едното и на другото место тие остануваат по неколку години со ред.

„За македонцките работи“ од Крсте Петков Мисирков (1903)

Неговото залагање за природната еволуција, за откривањето и изучувањето на нејзините законитости на Балканот, наликува на една од многуте илузии, толку чести кај многу автодидакти интелектуалци на Балканот.

„Времето на козите“ од Луан Старова (1993)

Испружени сме еден кон друг - јас на едниот ти на другиот брег на реката Чекајќи ги звуците на армониката се сторивме ѕуница на вљубените.

„Кревалка“ од Ристо Лазаров (2011)

Протагонистите се приврзани на низа својствени вредности на еден клан („Сѐ додека нашиот татко беше уште во живот, семејството за нас беше истовремено и држава, и нација, и вера.”) ѝ припаѓаат на идеологијата која го одржуваше култот на една неверојатна монструозна хипостаза на божеството: Сталин.

„Атеистички музеј“ од Луан Старова (1997)

Првичниот впечаток на тоалетна идила го наруши кркорењето на еден гардист кој што си ги истураше цревата во клозетската шолја.

„Браќата на Александар“ од Константин Петровски (2013)

Налик на непристрасен наратор, застанувајќи над и надвор од раскажуваниот настан, тој всушност, за време на сета сторија, сугерира дека е внатре, дека е вознемирениот глас на една неправедна војна, на една апсурдна и трагична војна...

„Будалетинки“ од Мето Јовановски (1973)

Како трудница се тетеравеше, час на едната, час на другата страна на брегот, поткопувајќи ги бреговите и секој миг грицкајќи по залак од плодната банатско-бачка рамнина.

„Последната алка“ од Стојан Арсиќ (2013)

Многу убаво ги правеше Даскалот буквите. На пример буквата „А“ му беше ископана и чека на една јајцевидна плоча.

„Крстот камбаната знамето“ од Мето Јовановски (1990)

И гледајте, но не низ диоптријата на еден илузивен ум, погледнете подлабоко, поминете низ темниот тунел и во првиот зрак светлина пронајдете ја својата духовност, а фацијалниот израз е безначаен, минорен, обезбоен.

„Жонглирање со животот во слободен пад“ од Сара Трајковска (2012)

Една жена излезе од дворот на градинката, водејќи за рака дете.

„Сестрата на Сигмунд Фројд“ од Гоце Смилевски (2010)

Кога се приближи, се најде пред голема тешка порта со вратниче на едната пола широко колку човек да се протне низ него.

„Луман арамијата“ од Мето Јовановски (1954)

Со господинот Тихомир од Машкото друштво „Осамени срца“ Азра се запозна пред три месеци на една журка што ја организираше оваа асоцијација во бараката на синдикалната подружница во населбата Расадник.

„Полицајка в кревет“ од Веле Смилевски (2012)

— Море, шо му се плашите, ослепаго, на еден стар дркул; ќе го налегниме како вол, — им влеваше кураж Бешот на другите селски војводи, псуејќи го стариот мудур, Арсланбеја со кого беше долгогодишен пријател, како коџабашијата Трајко од Витолишта.

„Толе Паша“ од Стале Попов (1976)

И, ако ми верувате, тој ми ја кладе раката на градите и ме турна толку силно што речиси паднав под тркалата на еден автобус.

„1984“ од Џорџ Орвел (1998)

Сега јас сум ко риба во мрежа, претам, ама на едно место.

„Небеска Тимјановна“ од Петре М. Андреевски (1988)

Во Картагина, во која се наоѓаа речиси сите резиденции и амбасади, а на еден рид беше извишена големата резиденција на американската амбасада, дејствуваа амбасадорите и нивните советници како на свет во мало, во кој беа силно изразени и тогашните делби во светот.

„Амбасади“ од Луан Старова (2009)

Повторно имаше бесни демонстрации, фигурите со ликот на Голдштајн беа спалувани, стотици постери на евразискиот војник беа искинати и фрлени во пламенот, а голем број продавници беа ограбени во безредието; тогаш се прошири глас дека шпиони управувааат со бомбите, со помош на радио бранови, и толпата ја запали куќата на една постара брачна двојка за која се сомневаше дека е од странско потекло, па двајцата умреа од задушување.

„1984“ од Џорџ Орвел (1998)

Покрај неколку скапани штици и ’рѓосани железа, во некогашната правлива гаража доминантен објект беше каросеријата на еден исто така бивш камион, кој сега со излупена боја, без прозорски стакла и тркала, заринкан во валканата темница демнееше како препотопско сениште, како страшен тотем на некоја изумрена цивилизација.

„Човекот со четири часовници“ од Александар Прокопиев (2003)

Во третата фотографија млада жена го препознавам ликот на една моја поранешна девојка, со која ме спојуваа екстатични мигови на телесна страст, а ме оддалечуваа баналните љубоморни потпрашувања.

„Слово за змијата“ од Александар Прокопиев (1992)

Во таков вртеж од недомислени размисли ја додржуваше Гого главата на рамената, додека ги сложуваше боите де со четката де со шпахлата, отстапувајќи чекор - два наназад за да го одмери она што го намачкал, со едното затворено, а другото примижано око, како да беше на стрелиште, па ќе приседнеше на еден издлабен триножник колку да земе здив и да му се врати на платното, во една борба во која се вживуваше и уживаше, сѐ до неизвесниот исход кога веќе исцрпен не сакаше да знае дали излегол победник или губитник.

„Синовски татковци“ од Димитар Солев (2006)

Го сфатив јас тоа уште веднаш. Вие сте овде како на еден долг одмор.

„Сестрата на Сигмунд Фројд“ од Гоце Смилевски (2010)

Станот на Парсонсови беше поголем од Винстоновиот и беше запуштен на еден поинаков начин.

„1984“ од Џорџ Орвел (1998)

Појдовме кон градот задоволувајќи се со мали пакости: на кепецот костенџија му ја изгаснавме карбитената ламба, во отворениот прозорец на писарот и бабицата фрливме мртво глувче, на еден поп му рековме баксуз.

„Улица“ од Славко Јаневски (1951)

Тие денови селскиот старешина беше зафатен, како што ни раскажуваше самиот, со идеите и волјата на еден голем добротвор, трговец од Маказар во Истанбул, по име Никола Поцо, да почне изградбата на нова црква, да ископа голем бунар насред селото за доброто на жителите кои лунѕале по вода наоколу по изворите, да го поправи за своја сметка расклиматениот мост на Маказарската река и некои други работи.

„Бунар“ од Димитар Башевски (2001)

„Одам на корзо. Договорен сум со Костадин да се видиме на едно вино во „Корзо“.

„Белиот јоргован“ од Хајди Елзесер (2012)

Холокауст меѓу припадниците на африканскиот народ Тутсите од племето Хуту.

„Светилка за Ханука“ од Томислав Османли (2008)

Потамина се задржа на еден запис од нецели два реда во првиот дел и прочита: Кравата ни се отели...

„Продавница за љубопитните“ од Мето Јовановски (2003)

На едната почнува денот, на другата ноќта.

„Захариј и други раскази“ од Михаил Ренџов (2004)

Ќе се навали на една страна толпата и ќе се урне, ќе се скине.

„Небеска Тимјановна“ од Петре М. Андреевски (1988)

И покрај сите вакви збунувачки размисли, за нас смртта не е веќе она што претставувала за татко ми оној ден кога го пронашол својот помал брат во сенката на една од крушите кај Желкин рид потпрен со грбот на стеблото на престарената круша и со матарка вода во раката.

„Синот“ од Србо Ивановски (2006)

Потоа Камилски се одреди и за терминологијата и на следните зборови: темел, основата на една градба (од турски temel), кој се јавува мошне рано и во писмените текстови и не е исклучено да преминал и директно од грчкиот; кат, спрат (од турски kat); таван, плафон, поткровен простор (од турски tavan).

„Балканвавилонци“ од Луан Старова (2014)

Месечината, натечена од една страна, се испилува од перјата на еден облак и поаѓа во агитација за топли човечки односи.

„Месечар“ од Славко Јаневски (1959)

Зарем веќе направените ѕверства и на едната и на другата страна не се доволни да го разбудат човечкиот инстинкт на отпор спрема овој општ пад во животинство.

„МАРГИНА бр. 36“ (1997)

Винстон не можеше точно да се сети на некое време во кое неговата земја не беше во војна, но беше очигледно дека постоел прилично долг период на мир за време на неговото детство, зашто едно од неговите рани сеќавања се однесуваше на еден воздушен напад што, изгледа, сите ги изненади.

„1984“ од Џорџ Орвел (1998)

Националното обединување на Македонците може да стане само со компромис помеѓу нив, а не со капитулирање на едните пред другите.

„За македонцките работи“ од Крсте Петков Мисирков (1903)

Ти должам големо извинување, Ташо, бидејќи на твоето заминување гледав само како на обично поминување од еден ден во друг, или како на една од честите преселби на птиците што не се случуваат поради промените на сезоните туку само поради невремето што напати ќе нѐ затекне сосема неподготвени, а тебе токму тоа те снајде.

„Синот“ од Србо Ивановски (2006)

Кровот направен од сламени долги нежни стебленца, кои од двете страни се потпираа на еден трупец, на врвот се соединуваа, па така изгледаа како капа на бунарот.

„Ветришта“ од Радојка Трајанова (2008)

На едно место, суводолица го има скинато. Треба булдожер од градот да го зарамнат.

„Братот“ од Димитар Башевски (2007)

„Да се видат сите добра од случајот на една проба; со сенките е како кога“.

„МАРГИНА бр. 32-33“ (1996)

Ова е крајот на еден мини есеј посветен на сараевската поп школа, кој што го пронајдов во лексиконот на ју-митологики.

„Филтер Југославија“ од Константин Петровски (2008)

Тоа го охрабри, или го насочи, или го поттикна, или просто го подлажа да напише еден драмски текст, од кој театарските уметници толку се изненадија што дури и се намуртија, па одвај се најде некој почетник режисер да го постави на една провинциска сцена, некогашна коњушница на некогашна касарна, што живуркаше со половина душа, одвај собирајќи премиерска публика, а не пак да собере некој денар за авторски хонорар.

„Синовски татковци“ од Димитар Солев (2006)

Науката и литературата се најважниот фактор за развивањето на еден народ како народ.

„За македонцките работи“ од Крсте Петков Мисирков (1903)

Патот беше искривен, колата беше исто така искривена, затоа што левите дрвени тркала беа на една погорна тесна патека, додека десните лежеа на долната патека.

„Ветришта“ од Радојка Трајанова (2008)

Акција е хартија од вредност [којашто може да ја издаваат АД и КДА] во којашто е претставен дел од основната главнина и во која се отелотворуваат правата на акционерот кој, како сопственик на акцијата, не е доверител на друштвото ниту сопственик на еден дел од имотот на друштвото (чл. 3, ст.1, ал.2 од ЗТД).

„Работни спорови - Позитивни примери од судската пракса“ од Димитар Апасиев (2011)

- Какво сквернавење на една чиста љубов! – велеа ретките почитувачи на покојниот министер.

„Азбука и залутани записи“ од Иван Шопов (2010)

Всушност неговото владеење се одвиваше низ повеќе криви, секогаш осуден на нов почеток до крајот на својот живот.

„Амбасади“ од Луан Старова (2009)

Има среќа Пеличка, си вели во себе баба Перса, а Пелагија е принудена да се врати во годините наназад и да стигне до она ритче во средината на селото Долнени од каде се гледаше куќата на убавата и питома учителка со мал дефект на едната рака, која, заради ујот на Ангелина да расипува животни радости, не му стана жена на младиот претседател на селскиот Одбор!

„Црна билка“ од Ташко Георгиевски (2006)

Лежеше склопчена, нејзините нозе беа собрани, со колената кон брадата а стапалата кон задникот.

„Сестрата на Сигмунд Фројд“ од Гоце Смилевски (2010)

Животни стории за судбините на луѓето, моите поблиски и подалечни роднини од кои речиси никого не познавав, но и на некои други личности од романот на минатото, архивирано и сега поттикнато од сликите и оживеано како во некоја чудесна кинотека на животот, со ликовите што, ете, влегле во малата семејна вечност на нашиот фотографски албум. Сега, кога и самиот завлегувам во средното доба, фотографиите ги сакам и на еден друг начин.

„Светилка за Ханука“ од Томислав Османли (2008)

Пак и да има место, нема да му го дадат на еден што свршил во Србија, туку на еден свој кандидат.

„За македонцките работи“ од Крсте Петков Мисирков (1903)

Седевме и гледавме кон улицата.

„Сестрата на Сигмунд Фројд“ од Гоце Смилевски (2010)

Еднаш, кога седевме во пеперуткарникот, големата стаклена градина со тропски растенија изградена до куќата на Ауербахови, по која летаа облаци од пеперутки, Клара ни рече: „Имам видено мајки кои го даваат својот живот за животот на своите деца, и мајки кои им го одзеле животот на своите деца.

„Сестрата на Сигмунд Фројд“ од Гоце Смилевски (2010)

На едни сама им се пали, на други сама им гасне.

„Небеска Тимјановна“ од Петре М. Андреевски (1988)

Има три мали пенџериња (едното гледа на југ, на дворот и гумното, другото, западното, преку сокакот на авлијата и во портата Јаузоска, и третото гледа на север на сретселото: четвртиот, источниот ѕид е внатрешен и ја одделува одајата од другите простории во куќата која е сета на едно рамниште - приземна) и сите три се зарешетчени со железни прачки дебели колку прст.

„Потковица на смртта и надежта“ од Миле Неделкоски (1986)

Наследството што ѝ го остави тој не беше големо, и добар дел од него Кети употреби за неговиот богат закоп, но сепак ѝ останаа доволно пари за да му купи камион на еден од своите зетови, за да си започне свој бизнис.

„Невестата на доселеникот“ од Стојан Христов (2010)

Сакајќи посликовито да го претставам тоа ги замислив тие четири точки на сегашниот свет кои стојат на една иста рамнина, а петтата ја ставив на врвот, чија сенка паѓа во центарот на тој четириаголник.

„Читај ми ги мислите“ од Ивана Иванова Канго (2012)

Опколен од сите страни со злато, дијаманти, смарагди, златни султански одори, човек не може да ѝ се противстави на мислата за величината на една многувековна империја, но тоа асоцира и на една тешка судбина на рајата, која ги создавале тие богатства а умирала гладна.

„Патувања“ од Никола Кирков (1982)

Што чекавте толку?

„Човекот со четири часовници“ од Александар Прокопиев (2003)

Туку ќе нѐ истркала на една страна и ќе нѐ смеша со војниците.

„Небеска Тимјановна“ од Петре М. Андреевски (1988)

Сосем независно од потиснувањето на несомнено еретичките зборови, намалувањето на речникот се сметаше како цел сама за себе и ниту на еден збор, без кој се можеше, не му беше дозволено да преживее.

„1984“ од Џорџ Орвел (1998)

И така само израснуваше тоа во него, грижливо криено и придушувано од неговите рачички, што беа вредни, но веќе и премногу обрастени и заплеткани во коровот на тоа проклетство; се вкоренуваше тоа темелно во него низ сончевите денови на едно цело лето; деновите остануваа лилави и без никаква виделина за ова старче високо на скелињата горе, дури не стаса и до соништата.

„Белата долина“ од Симон Дракул (1962)

Тоа да го знаеме, но не веќе апстрактно, не само во чисти категории, поими, идеи, туку во поими што се одраз на една материјална реалност, што се одразени идејни слики на светот и општеството, значи да откриеме како и на кој начин можеме и мораме да станеме „субјективни“ делови на објективната стварност, реални фактори во појавите, општеството, политиката, науката, идеологијата, уметноста итн.

„Значењето на Хегеловата филозофија“ од Кочо Рацин (1939)

Во таа година се протерувани од Шпанија со удари на антиклерикалното движење језуитите.

„Тврдоглави“ од Славко Јаневски (1990)

А на едно друго место едни безначајни, долни човечиња.

„Балканска книга на умрените“ од Мето Јовановски (1992)

Стравуваше, еден ден, тој да не споулави од толку читање и заборавање на вистинскиот живот, да не му се случи како на едно друго дете од соседството кое, заминато во младоста во туѓина, во Романија и во Австрија, се врати со многу книги, а заврши зборувајќи си, со денови, самиот со себе чекорејќи брзо крај Езерото и служејќи им за потсмев на суријата деца.

„Ервехе“ од Луан Старова (2006)

Тој не разбра дека континуитетот на една олигархија не мора да биде физички, ниту пак застана да помисли дека наследните аристократии биле секогаш кусовечни, додека пак приспособливите организации, каква што е Католичката црква, понекогаш опстојуваа стотици или илјадници години.

„1984“ од Џорџ Орвел (1998)

Чесно е тоа, рече Аларах: колку погуста нива - толку побогата жетва...

„Две тишини“ од Анте Поповски (2003)

Тој е денеска жална пародија на некогашниот „мислител на подиум“, промискуитетниот палјачо на јавната сцена.

„МАРГИНА бр. 4-5“ (1994)

И пак претставите се кинеа и беа неми, без звук: камени скали во голем сандак... врата во која шумеше боја на зрела ’рж... стари пејзажи, литографска идили на млад сликар и недовршени портрети на една недозреаност што лута додека не најде неизгазена врвица.

„Кловнови и луѓе“ од Славко Јаневски (1956)

Стрико ми Ото многу знаеше: немаше област за која не беше добро поткован: социологија, литература, музика, архитектура, за сѐ: и навистина: знаеше сѐ и сешто.

„Црни овци“ од Катица Ќулавкова (2012)

Расна дискриминација исто така не постои, како што не постои и никаква забележлива доминација на една провинција над друга.

„1984“ од Џорџ Орвел (1998)

Претпазливо му велам: - Видувањата на еден човек не мораат да се совпаѓаат со видувањата на некој друг, па и тогаш кога тој "некој друг " е близок пријател.

„Желките од рајската градина“ од Србо Ивановски (2010)

Одамна оваа грдомазна железна конструкција не светеше навечер, а преку ден стоеше изгубена меѓу покривите, на височината.

„МАРГИНА бр. 32-33“ (1996)

И јас тоа го почитувам, го почитувам вашиот избор, само ве молам и вие да ја почитувате мојата работа и да не се мешате во неа,” рече доктор Гете, и продолжи да го плете долгиот црн шал. .

„Сестрата на Сигмунд Фројд“ од Гоце Смилевски (2010)

Сфатив дека сум се заљубила во илузијата од слаткоречивоста на еден добар наратор.

„Знаеш ли да љубиш“ од Ивана Иванова Канго (2013)

- Штотуку ми тргна у ебаниов живот, а дедо ми тежок хоштаплер матер им ебал на еден куп млади брачни двојки. - Да се немало усул бе.

„Двоглед“ од Горан Јанкуловски (2011)

На едната рака ѝ вели „тепам“, на другата „тепаш“. Како ќе излезе.

„Небеска Тимјановна“ од Петре М. Андреевски (1988)

Прашањево се чини прилично коректно, се насмеа Грофот, но верувам дека ќе ве утешам ако спомнам дека во нашиве затвори се користат многу пософистицирани методи за да се осознае вистината.

„Летот на Загорка Пеперутката“ од Србо Ивановски (2005)

Пуста војна, си велиш, на едни им го зема животот, а други ги прави да не знаат дека се живи...

„Небеска Тимјановна“ од Петре М. Андреевски (1988)

Стариот велеше дека имал впечаток оти неговиот помал брат си заминал од овој живот без да е свесен за тоа.

„Синот“ од Србо Ивановски (2006)

Мајчинството е дарување на нов живот, но за мене беше и нешто повеќе од тоа – продолжување на едно постоење кое веќе заврши.

„Сестрата на Сигмунд Фројд“ од Гоце Смилевски (2010)

Момчето беше голем уметник, способен постојано да измислува нови комбинации и специјални климакси, а некои беа „ноти“ од сферата на Непознатото, со паузи, привидни дисонанци, ноти кои ненадејно се пробиваа една со друга и прскаа заедно, со вчудоневидувачки, врел и сладок удар. (...) Аракнид, шоферот на Ендрју Кеиф е единствен домородец во Интерзона кој не е ниту педер ниту бузерант.

„МАРГИНА бр. 11-12“ (1995)

Аријата навеваше умирање на една младост.

„Патувања“ од Никола Кирков (1982)

Му врза Јандре оглавник на гуша на попот српски и го поведе од куќа во куќа; му тропаше на една тенеќија и удирајќи го со кундакот на маликерот, му заповедаше Ајде сега, Божано, кажи како се тркала стар дедо со стара баба.

„Потковица на смртта и надежта“ од Миле Неделкоски (1986)

Во оние брошури што ги добив во Берзата, на едно место прочитав дека берзијанерите треба да знаат добро да викаат, да цркаат, да надвикуваат секој друг, и да ја знаат пантомимата со своите партнери.

„Патувања“ од Никола Кирков (1982)

Во прво време, во темата на враќањето во родната земја, субјектот разбира дека ќе треба да се брани од акциите на еден антисубјект, наративен интервент, означен од платените егзекутори на тајната полиција („Дури и во мислите, не стануваше збор за повлекување или да се избегне стапицата којашто се профилираше...“).

„Атеистички музеј“ од Луан Старова (1997)

Препуштени сами на себе, како добиток пуштен слободно по висорамнините на Аргентина, тие му се вратија на еден начин на живеење што изгледаше како да им е вроден, како на еден вид прадедовски модел.

„1984“ од Џорџ Орвел (1998)

Дали таа ќе се одважи и на еден Станиславски или Брехт да му каже: „До кога мислиш вака да се глупираш?“

„Календар за годините што поминале“ од Трајче Кацаров (2012)

Само шмајзерот си го зедов. ,На гости ти дојдов, Кито моме", пеам и трчам, потскокнувајќи де на едната, де на другата нога.

„Небеска Тимјановна“ од Петре М. Андреевски (1988)

Ги слепи рацете дланка на дланка, се навали на колк, ги стави рацете на еден камен, се навали, за’рка.

„Будалетинки“ од Мето Јовановски (1973)

Никој не се осмелува да коментира. Во просторијата завладува тишина.

„Светилка за Ханука“ од Томислав Османли (2008)

Не беше ни скап, ни евтин - средна рака. И двајцата беа задоволни.

„Бојана и прстенот“ од Иван Точко (1959)

Кога влезе во кантината, таа седеше на една маса мошне оддалечена од ѕидот и беше сосем сама.

„1984“ од Џорџ Орвел (1998)

Ова не го потпомага дијалогот кој е потребен за технологијата да стане проблем со кој ќе се бават нашите луѓе, ќе се зафатат со него на еден рефлексивен филозофски начин.

„МАРГИНА бр. 17-18“ (1995)

Соголената черупка, повеќе насмеана од кога и да било во животот, се намалила без она малку коса и брада што пред тоа се лелееле на ветар и што било знаме на еден крај, сѐ додека некој килав Јаков од Кукулино не се сетил да ја завитка во безбојна крпа и кришум да ја закопа на песокливиот брег на Давидица.

„Тврдоглави“ од Славко Јаневски (1990)

Којзнае не ли ѝ се чудел на глупавата селска тврдоглавост на тие луѓе со свои еднострани реформи и дејствувања за поткопување на темелите и сигурноста на неговиот поредок.

„Тврдоглави“ од Славко Јаневски (1990)

Се разбира, за кум го одбрале пред да му тргне колата прудолу, а јас, јас по нивна желба сум му кум на едно мало дете кое сега, откако ме сметаат за црна овца, со страв го држат што подалеку од мене.

„Црни овци“ од Катица Ќулавкова (2012)

Еднаш дури и ме поткрена со тие раце и ми вели: - Ајде, расти, не стои на една мера, на една пересија.

„Пиреј“ од Петре М. Андреевски (1983)

„Дром“ е обична тесна просторија со бар на едната и маси на другата страна, преполна со макрои, тепачи и е чуден збир на таинствени дилери.

„МАРГИНА бр. 19-20“ (1995)

Во нашиот отсек само јас бев партијка, освен шефот Кузе.

„Три жени во три слики“ од Ленче Милошевска (2000)

Според неговата длабока, интуитивна логика, со која најчесто се спротивставуваше речиси на наследената инерција на фаталноста, настојуваше да открие некаква трајната закономерност, крај силните барабани на дијалектичката патетика на новите времиња, дека токму при падовите на империите, се отвора пандорината кутија на со векови потиснувани страсти, на идеалите на поданиците на Империите, на многубројните народи кои биле потчинети на една власт на чие чело бил императорот.

„Амбасади“ од Луан Старова (2009)

33. ОГАН И БАРУТ НА ЕДНО МЕСТО СМЕ КЛАЛЕ - кој во тоа не ги гледа мажот и жената лично, и не сакајќи тие некогаш сѐ од себе би дале да стекнат својство на такви експлозии слично...

„Куршуми низ времето“ од Љупчо Стојменски (1976)

Што се однесува до гемиџиите, нема потреба нашироко да се објаснува колку моралниот лик на оние што останале живи бледнее пред херојските ликови на еден Орце, Коста, Мече, Пингов, Трчков, Цветко.

„Солунските атентати 1903“ од Крсте Битоски (2003)

Кој е за бегање — патот му е прав — нека си оди со здравје, — го заврши Ѓорче својот краток, но пламен говор сред дабовата корија и порача на еден од неговите четници да му подаде вода.

„Толе Паша“ од Стале Попов (1976)

Ут со очила свиреше на виолончело на еден цртеж.

„Пупи Паф во Шумшул град“ од Славко Јаневски (1996)

Тој беше врзан на еден стол, толку силно што не можеше да помрдне ништо, дури ни главата.

„1984“ од Џорџ Орвел (1998)

Се сеќаваше на една ќелија со кревет од штици, еден вид полица што излегуваше од ѕидот, и на еден метален мијалник и на оброците од топла супа и леб, понекогаш и кафе.

„1984“ од Џорџ Орвел (1998)

Дали да формирам цена според понуда или според потрошувачка на една матка, која и така е спуштена (како „абарт“) и може ама баш секој момент да испадне и да се користи како перниче, додека чекаш автобус на постојка.

„И ѓаволот чита пРада“ од Рада Петрушева (2013)

Го опколиле селото и конакот, го симнале бегот и го натовариле како клада на една маска и го испраќаат за Прилеп.

„Крпен живот“ од Стале Попов (1953)

XIII Најпосле го чинам пресудниот чекор. Го минувам прагот на Атеистичкиот музеј, единствен од таков вид во светот, следен од зборовите на една белокоса старица: „Да даде Господ да ни живее вечно Партијата!“

„Атеистички музеј“ од Луан Старова (1997)

Сепак, врати ѝ се на суштината сакам да си речам!

„Синот“ од Србо Ивановски (2006)

Сега во Бугарија е мода да зборуваат дека најголеми непријатели на балканските Словени се: Русите и Австро-Унгарците, кои сакаат на почва на македонското прашање да се зафати и да се продолжи една борба меѓу Србите и Бугарите, која ќе ги ослаби силите и на едните и на другите до таква степен што ќе треба да се набркаат во балканските работи Русија и Австро-Унгарија и првата ќе ги завојува Бугарија и Стамбол, а втората Србија и Солун.

„За македонцките работи“ од Крсте Петков Мисирков (1903)

Апологет на една крајно вулгарна но и најомасовена перцепција на реалноста така типична за необразованите и медиокритетски маси, пред сѐ за селаните, работниците и ситната буржоазија според која материјата и нејзините модалитети како и интеракции се единствената евидентност на постоењето и единствен фактор на личната и колективната засегнатост.

„МАРГИНА бр. 26-28“ (1996)

На обвивката на едната пишуваше да се прочита по мојата смрт! Занемев!

„Ласа“ од Наташа Димитриевска Кривошеев (2011)

Така таксономиите, водата, пејзажите, птиците во воздух или во готвачки лонец, близнаците, женското сојузништво, сите типови телесни реакции, внесувањето на храна и геометризирањето кадарот со архитектура, стомак или наместена маса - се чинови на една сепроникнувачка цивилизациска посвета.

„МАРГИНА бр. 8-9“ (1994)

Ми вели: - Гледај сега! Тамо на едно место живеат едни двајца комшии. Од две вери се.

„Балканска книга на умрените“ од Мето Јовановски (1992)

Уште се работеше на зградата а таа влечеше малтер со една друга Егејка, исто, знаеше дека се почнуваа други згради подолу во бавчите и работа ќе има за неа сигурно до идната година, таа сепак појде до Трудот и потпраша за работа во Монополот, повикувајќи се на една белешка во која стоеше дека работела некое време во Монополот во Прилеп.

„Црна билка“ од Ташко Георгиевски (2006)

Ветуваше дека ќе остане докрај верен на своето мирољубие, до своето конечно враќање и владеење во Палестина.

„Амбасади“ од Луан Старова (2009)

Искрено речено, многу предмети и немаше: во аголот еден стар железен кревет, мала масичка со две столчиња, црн шпорет каков што јас до тогаш не бев видел, еден чуден орман, кујнски прибор на една полица и на ѕидот над креветот - неколку пожолтени фотографии.

„Јас - момчето молња“ од Јагода Михајловска Георгиева (1989)

А дека сегашниве жители на Потквицата не се потомци на становниците на некогашната древна населба Градиште, освен нив самите, зборува уште и нивната психофизичка конституција; високи се, русокоси, недоверливи.

„Потковица на смртта и надежта“ од Миле Неделкоски (1986)

А ние луѓето, кутрите, се раѓаме на едно место, кој знае каде ни е судено да умреме!“

„Патот на јагулите“ од Луан Старова (2000)

Нели токму наивноста и брзоплетоста, иследникот ги беше спомнал како можна олеснителна околност уште при првата наша средба, а јас наивно ги бев протолкувал само како понуда обвинувањата да се сведат на размена на пријателски размислувања и на еден вид другарска помош.

„Синот“ од Србо Ивановски (2006)

Како вистински и доследен идеалист, тој сосема го укина дуализмот меѓу битието и мислењето, и на свој мистички и идеалистички начин го воспостави нивниот полн идентитет: и материјата на објективниот свет Хегел ја претвори во развоен процес на „светскиот разум“, чиишто категории вечно се движат по законите на една посебна логика.

„Значењето на Хегеловата филозофија“ од Кочо Рацин (1939)

„Добро ни дојдовте“, стои на еден транспарент, напишан со латиница, распнат на гранките од едно дрво.

„Патувања“ од Никола Кирков (1982)

Чувствуваме страстно задоволство, специфично локална наслада, додека пред нас се одигруваат колективни ритуали на транспаренција.

„МАРГИНА бр. 4-5“ (1994)

Етичкиот кодекс и на едниот и на другиот тип луѓе е од сомнителен карактер, бидејќи и мотивите за делување се проблематични.

„Бунар“ од Димитар Башевски (2001)

Нишајќи се со рацете ставени на грбот, со некое држење на филозоф или некој древен мудрец кој е длабоко потонат во сопствените мисли, на едно од стеблата на дебелите дрва забележа дека некоја битанга со нож имаше издлабено: I work for money, don’t give me loyalty, cause I’d rather do blow job to your dog ...

„Вител во Витлеем“ од Марта Маркоска (2010)

Ова го најдов кога бев жив, кога имав шеесетина години, запишано на парче избледена хартија меѓу листовите на една книга во мојата библиотека.

„Захариј и други раскази“ од Михаил Ренџов (2004)

Кога се служеше вечерата, само на едната половина од салата ѕвечкаа ножевите и виљушките, а на другата се јадеше само со раце, па немаше тропање.

„И ѓаволот чита пРада“ од Рада Петрушева (2013)

Но тоа не го оправдува постоењето ниту на едниот ниту на другиот воен сојуз, а уште повеќе да дејствуваат врз јаничарски принцип, односно да се служат со туѓа крв за да остварат свои цели на доминација во името на нацијата.

„Балканвавилонци“ од Луан Старова (2014)

Е, па извини, ама нема да си ја трошам младоста на една шупелка што ми пее љубовни песни.

„Читај ми ги мислите“ од Ивана Иванова Канго (2012)

Лифтот многу личи на оној во твојата зграда – облепен со шест издолжени сиви плочи, споени по две од секоја страна.

„Човекот со четири часовници“ од Александар Прокопиев (2003)

Потиснато под вода, од Долнец остана подоцна само една куќа на едно брекче, како некој светилник на пусто море.

„Братот“ од Димитар Башевски (2007)

Се покажува едно препогането војниче, препесено, што се вели, се поткачува на еден камен и се надава вака напред.

„Небеска Тимјановна“ од Петре М. Андреевски (1988)

На едно исто место како што бев и јас посадена.

„Небеска Тимјановна“ од Петре М. Андреевски (1988)

После изливот на реките по расположливите природни пространства и напливот на атмосферските води по улиците на населените места по целиот Балкан, во соседна Бугарија, на една од централните авении на главниот град, деновиве била регистрирана присутност на рекичка начинета од големи творечки имиња од областа на кино индустријата.

„Календар за годините што поминале“ од Трајче Кацаров (2012)

Тој не ја погледна, но проговори нешто нејасно, а потоа веднаш се извини за, како што рече, „непристојноста на еден шеесетгодишен старец,“ на што Софија му влепи шамар и со тоа заврши сцената, бидејќи таа во истиот миг стана и со брзи чекори излезе низ вратата на ресторанот, силно удирајќи ја зад себе.

„Полицајка в кревет“ од Веле Смилевски (2012)

Извини но секој од нас на свој начин си го замислува тоа принудно заминување.

„Синот“ од Србо Ивановски (2006)

Во тогашен Тунис, во кој завршуваше владеењето на еден од основачите на неврзаноста Хабиб Бургиба, но кој никогаш не ја прикриваше својата апсолутна приврзаност кон САД (крај работниот стол ја имаше сликата на тогашниот претседател на САД Роланд Реган, покрај онаа на Мандес Франс), новиот претседател Бен Али, по историската поддршка на раководството на Југославија, всушност ја добиваше и поддршката на неврзаните, која овие земји бездруго му ја должеа на Бургиба.

„Амбасади“ од Луан Старова (2009)

Чекореше Јагулче Дримски, кога му идеа овие мисли, крај реката, гледајќи во водите јагули, предавници, што бегаа кон запад, по тактот на еден од маршевите на победата, потсвирнувајќи, за да си го забрза чекорот, повторувајќи го постојано стихот Уз маршала Тита у нов бој...

„Патот на јагулите“ од Луан Старова (2000)

Нѐ поделија на две: жените на една страна, мажите на друга.

„Небеска Тимјановна“ од Петре М. Андреевски (1988)

Делови од него постојано преминувааат од рацете на една во рацете на друга и токму можноста за заземање на овој или оној дел со неочекувано предавство, е она што ги диктира бесконечните промени на сојузништвата.

„1984“ од Џорџ Орвел (1998)

Тоа е прекрасно, навистина прекрасно: вашите браќа плаќаат за вашиот престој, вие уживате во слободата во овој затвор, како што ја нарекувате нашава болница, наспроти неслободата и присилата кои сте ги чувствувале надвор одовде, неслобода и присила далеку помали од оние кои ги чувствуваат вистинските болни, секако, вашата неслобода и присила се сведувала на семеен конфликт, а не на длабок раздор во себеси.

„Сестрата на Сигмунд Фројд“ од Гоце Смилевски (2010)

Роднините се поткачуваат на едно столче, специјално наместено до коњот и се прегрнуваат со невестата.

„Крпен живот“ од Стале Попов (1953)

- На изгрејсонце сум се разбудила на еден зглавник со него, бабо, покриени со една јамболија... од една вода сме се измиле... во бела крпа од лебот и пиперна солца сум му врзала... и сум го испратила угоре сè до Самовилската ливада, до езерцата Пелистерски очи... по една темјанушка како нишан си подадовме - Ќе се вратам - ми рече - Ќе те чекам - му реков... и си замина отаде превалецот - како мама што си замина - накај Беласица...

„Молика пелистерска“ од Бистрица Миркуловска (2014)

Партискиот секретар стануваше сѐ позагрижен поради овие барања, дури некој спомна на еден состанок, и оставка, а и тој самиот напати ќе си помислеше да си замине од функцијата.

„Времето на козите“ од Луан Старова (1993)

Пресметките меѓу Ерменците и Азербејџанците во Нагорно Карабах.

„Светилка за Ханука“ од Томислав Османли (2008)

Верата и јазик – тоа се душата на еден народ, со изменувањето на кои еден народ прави коренен душевен преврат: тој се откажува од сѐ поранешно и зема сѐ ново.

„За македонцките работи“ од Крсте Петков Мисирков (1903)

да не испадне нашиот брак реакционерен, велам, ние и така сме прогласени за реакционери, вели Макаровски, и само ги врти граорестите очи покрај стрмниот нос, му потпукнува некое старо пламенче во нив, му пламти, а тој само оди, тумара, поднаведнат од својата височина, оди на едно исто место, а секогаш различно под него,

„Небеска Тимјановна“ од Петре М. Андреевски (1988)

- Било, поминало, велам, живот брз: на една врата влези, на друга излези.

„Пиреј“ од Петре М. Андреевски (1983)

Киле седнат на едно триножно столче, со софрата пред него и на неа земјената чинија со сув грав и половината сомун леб од сетното месење, јадеше како одвај да џвака, полека некако мрзоволно.

„Крстот камбаната знамето“ од Мето Јовановски (1990)

Дека премногу доцна ми текнало?

„Чкртки“ од Румена Бужаровска (2007)

Стојче заработува добро. Постојано игра на прогноза за натпревари со коњи, кои се одржуваат на еден од блиските хиподроми до Сурен, на „Лонгшан“.

„Патувања“ од Никола Кирков (1982)

Вероника Костадинова е со сигурност градител на еден прекрасен метафоричен свет преполн со нијанси на чувства од кои можат да се изнедрат илјадници нови инспирации.

„Зборот во тесен чевел“ од Вероника Костадинова (2012)

Зголемувањето на Бугарија од присоединувањето на Македонија не може да биде допуштено од Србија не само затоа што со тоа ќе се наруши рамнотежата на Балканскиот Полуостров, а најмногу затоа што по неговото извршување Србија ќе се најде помеѓу две посилни од неа држави: Австро-Унгарија и Бугарија таа ќе биде од нив политички и економски задушена и ќе треба да ѝ се потчини или на едната или на другата.

„За македонцките работи“ од Крсте Петков Мисирков (1903)

Ја кревам раката пред непостоечкиот ѕид на една од некогашните продавници во Пасажот.

„Желките од рајската градина“ од Србо Ивановски (2010)

Само една милијарда драхми ќе соберете сами, а преостаната милијарда ќе ја алиментираме од експропријацијата на еден непотребен простор”. „Кој?“

„Светилка за Ханука“ од Томислав Османли (2008)

А. А. излегува од својата „флегма”, збунет од наводите на својот собеседник, за кого „револуционерниот месијанизам” претставува изродена норма на една филозофија на која ѝ изминало времето

„Атеистички музеј“ од Луан Старова (1997)

Љубопитен поглед низ клучалка ѕирка Звуци што ме потсетуваат на една дамнешна свирка Ренесанса и Барок во учебник со илустрации Птици и чкртаници разни гледам – опадната креативност душава ми ја дразни Празни зборови празна палета Пораз на мојата неоправдана суета Бог, мислев друга судба ми креира Но играм впрочем како што ми свират Си честитам – постигнав судбина на марионета 2006

„Сите притоки се слеваат во моето корито“ од Марта Маркоска (2009)

Доаѓаа На полноќ Чиниш По договор: Стравот на еден Осамен човек И стравот На еден Осамен Збор. Корен Некаде во мене Шири и расне Длабок еден корен Огнозборен. Овошник Дрочен а мал Овошник Во кој сум се Пресоздал вода си „Вода си, Рече ноќта, Можеш Низ мене Да течеш“ „Веда си, Рече громот, Усти низ мене Сѐ што посакаш Да речеш“ ***

„Вечната бесконечната“ од Михаил Ренџов (1996)

Сега го копаше подот но ќошето на една малечка просторивка лево од вратата, тука го чуваа алатот, а во земјениот под ги запретуваа компирите, на тој начин сочувувајќи ги од мразот.

„Белата долина“ од Симон Дракул (1962)

Тешко би можело да се најде друг пример во светот кога народот на едната вера бара да му се подигне храм на верата од другиот народ.

„Атеистички музеј“ од Луан Старова (1997)

Сепак, ќе стасаат порано до колипката и ќе го сочекаат Циганчето на една клупа со откорнат наслон.

„Слово за змијата“ од Александар Прокопиев (1992)

Во групата луѓе околу столовите завладеа тишина во истиот момент кога видоа како доаѓа црниот комбинезон на еден член на Внатрешната партија.

„1984“ од Џорџ Орвел (1998)

Се овиснува на попречното железо по средината на вратата и фрла опул на едната и на другата страна од композицијата.

„Исчезнување“ од Ташко Георгиевски (1998)

Дури вечерта ме испрашуваа и потоа, ноќта, ме одведоа во приземјето на една стара затворска зграда на улицата Хане (тоа го видов дента на излегување), заедно со други истамбулски и светски провалници и пробисвети.

„Бунар“ од Димитар Башевски (2001)

Жесток хуманизам на еден очајник кој за мојата иднина.

„Две Марии“ од Славко Јаневски (1956)

ПАНСЕКСУАЛНОСТ Terribile e suave (Љубовта слатка и страшна)

„МАРГИНА бр. 29-31“ (1996)

Профим го стега коњот за оглавот да не мрда; Царјанка ги шири рацете и им забранува на сестричките да истрчуваат пред коњот; по скалите трча Профимица со капчето в раце за да му го стави на Скрче; но сликарот чкрапнал, та сè е фатено во една подготовка за сликање; петта фотографија: пак Профим, жена му Профимица и синот Скрче, но сега малку потпорастен; во рацете држи свеќа; зад нив е црквата, околу нив гробиштата, расцутен јоргован, неколку деца што се бркаат со запалени свеќи в раце за да си ги потпалат косите; некое дете во мигот на чкрапањето е фатено одзади каде што им се исмејува со издолжен јазик; шеста фотографија: фотографијата е направена во сликарско ателје во градот: на стол седи Профимица, в скут го држи Скрче во морнарски алишта, до неа седи Профим, потпрен со раката на нејзиното рамо и облечен во градски алишта што му ги позајмил сликарот за сликање; зад нив кулиса што претставува богата градска одаја, украсена со слики, голем ѕиден саат, на ѕидот распнат персиски кавијор со лав чијашто глава со разината уста се наѕира меѓу Профим и Профимица; на Скрче главата му е помрдната при сликањето и изгледа како да е двојна или како да се гледа низ матни очила; седма фотографија: сите деца заедно: Царјанка, Андромеда, Девица, Венера и Скрче; девојчињата држат во рацете китки цвеќиња, а Скрче мало кученце што не седи мирно; сликарот доближен до нив повеќе отколку што треба, не ги фатил сите убаво: Царјанка, која е на едниот крај од сликата, ја фатил половина, како пресечена од главата од петиците; уште тогаш Царјанка сакаше да ја скине сликата, но татко ѝ Профим не ја оставаше.

„Свето проклето“ од Јован Стрезовски (1978)

На 8 март 1994 г. Антон Литвин на една делница на Тверскиот булевар, заедничка со Пушкиновиот плоштад, на едно стебло од дрворедот закачи 36 брусхалтери. Само тоа.

„МАРГИНА бр. 36“ (1997)

Првиот апел на едно фашистичко или предфашистичко движење е насочен против дојденците. Така прафашизмот по дефиниција е расистички.

„МАРГИНА бр. 19-20“ (1995)

Владетелите на една таква држава се апсолутни, какви што Фараоните и Цезарите никогаш не можеле да бидат.

„1984“ од Џорџ Орвел (1998)

На една од своите трпези, со десетици имиња на монаси издлабени врз трпезата, во зографскиот манастир на Света Гора, седат монасите, дрвена паница велигденска чорба и бокалче црно вино пред секого и откако ќе ги испеат сите молитви и удри камбаната за да ги здружи морето и ѕвездите на прозорецот болснува секавица колку за миг да се види сенката Исусова додека воскреснува.

„Две тишини“ од Анте Поповски (2003)

„ Се сеќаваш ли дека на едно место во твојот дневник напиша“, рече тој, „ дека не е важно дали јас сум пријател или непријател, затоа што сум барем човек кој те разбира и со кој може да се разговара ?

„1984“ од Џорџ Орвел (1998)

Дончо не се ни завртува туку продолжува да мава со стапот лево и десно без да забележи дека патчето го има оддалечено од рекичката и дека го влечи речиси по средина на една бескрајна градина: лево домати, десно пиперки и гласот на Чана што го запира како висок плет Каде ти е Митра бре Дончо? и дури сега открива многу работнички околу мајка му.

„Црна билка“ од Ташко Георгиевски (2006)

Во ова пеење различните гласови, кои поаѓаа во различно време, се следеа еден со друг, но никако да се стигнат, како и брановите на синото езеро.

„Амбасади“ од Луан Старова (2009)

На едно парче хартија беше отпечатен списокот на членовите на Шаховскиот комитет, меѓу кои припаѓаше и Сајм.

„1984“ од Џорџ Орвел (1998)

Во црна блуза со деколте, припиени црни хеланки и сребрени сандали со високи пластични потпетици, пушејќи долг Davidoff, се прошета до стаклениот ѕид и таму, издишувајќи облаче чад го проследи вивнувањето на еден авион кон небото.

„Човекот со четири часовници“ од Александар Прокопиев (2003)

Овој лик е присутен речиси во сите или буквално во сите досега објавени осум книги од Луановата „Балканска сага”, но сега, како да се здобива со статус на одделна целина, на една автономија на достоинството па, се извишува налик на биљур врз поворката од останатите впечатливи јунаци на оваа проза.

„Ервехе“ од Луан Старова (2006)

Овој огранок на едно од шесте најголеми семејства во Албанија (барем така се веруваше во семејната легенда), по престојот во Влора, на крајот ќе се најде во Тирана, обединето но без Мајка, која ќе следи друг пат на судбината, мажена кај Сул-Старови, кај друго големо семејство на Албанија, во крајезерскиот Поградец...

„Ервехе“ од Луан Старова (2006)

Димко отиде на занает кај коларот од соседната улица, Аким пак се врати кај својот мајстор во слаткарската работилница, Баждар преседе некое време зад катинар потоа се изгуби од улицата кон онаа страна на Вардар и му стана помошник на еден рибар, за некое време остана кај него на работа да ги печали тврдите залаци на црниот леб, онака како што никогаш не ги печалел.

„Улица“ од Славко Јаневски (1951)

Го исчука на една гламна, го извади од џебот ножот со чклен врзан за појас, го иструга лулето одвнатре и го прибра во џебот од џамаданот.

„Будалетинки“ од Мето Јовановски (1973)

Одајата е наместена мошне арно, старовремски: десно насреде огниште, горе јашмак под кој оџакот е завиткан со завеса од шарена басма; од страните на огништето камари, исто така покриени со завеси од истата басма; назад два прозорци со завеси од истата басма, собрани до горе на плисе и прикачени на една шајка на средината, така што имаат изглед на плисиран полукруг.

„Антица“ од Ристо Крле (1940)

Во семејството на еден скржав имам неговата домаќинка била принудена да меле пченка, кочан и кора од дрвје за да си ги нахрани децата.

„Балканвавилонци“ од Луан Старова (2014)

Тогаш од пепелта на самотијата се зададе Давид, на мнозина им се стори малку подгрбавен и омлитавен, киниса средполе, однапред отпишан и прежален од сите, да му се истопори еден на еден на титанот, мечка страв мене не страв, нешто си мрмореше самиот на себе додека ја токмеше прачката, срдито си велеше доста тука се пееше прачка имам кураж немам, време е да има варено млеко за нашите деца, време е на пазарите да има и цреши без црви и со црешови семки да се запише дека тука нешто вистински постоело.

„Светилничар“ од Ристо Лазаров (2013)

Долу, на нивото на улицата друг постер, одлепен на едниот агол, се мавташе повремено на ветрот, наизменично покривајќи го и откривајќи го единствениот збор АНГСОЦ.

„1984“ од Џорџ Орвел (1998)

Што можел да стори Онисифор Проказник - да побара од непознатите осуммина да се тргнат од патот за да помине дружината со двоколките или да заповеда веднаш да се пука?

„Тврдоглави“ од Славко Јаневски (1990)

Едната буква од вертикалниот ред беше падната, а долната штангла, напречната, искривена и целиот круг малку поднаведнат на едната страна, како да потклекнал под тежок напор од другата страна.

„МАРГИНА бр. 32-33“ (1996)

Може ли да се оди дотаму да се каже како Duchamp-овата маѓепсаност со кружните форми, она што Gabrielle Buffet, зборувајќи за него, го нарече „опседнатост со круг”, маѓепсаност што се манифестираше од појавата на Мелницата за кафе 1911. и Тркалото од велосипед до бескрајното умножување на елипси во неговите Роторељефи и Оптички машини од триесетите години, одговара на Leonardo-вата опседнатост со вртлози, вирови опкружени со пена и коса, кружни и вртоглави плетки на една космичка perpetuum mobile?

„МАРГИНА бр. 3“ (1994)

Натамошното постоење на еден збор зависеше од друг, трет, и така во бескрајна низа...

„Балканвавилонци“ од Луан Старова (2014)

И се внесува во страниците на еден свет чуден, незаборавен, сосема инаков од овој.

„Пустина“ од Ѓорѓи Абаџиев (1961)

Во романот нема наратор кому може безрезервно да му се верува, секој исказ предизвикува сомневање и на ова место Башевски вешто ги сублимира искуствата на еден Селимовиќ со искуствата на современиот прозен видокруг.

„Бунар“ од Димитар Башевски (2001)

ДВЕ многу добри, дури неразделни, пријателки во Франција станале до смрт непријателки само поради смртта на едно куче.

„Патувања“ од Никола Кирков (1982)

Митко би ставил дрва, та тоа е барем лесно, но зошто да му се покори на еден Сашо, кој ни на школо не оди!

„Било едно дете“ од Глигор Поповски (1959)

Старецот стоеше крај оградата, потпрен на еден дирек, висок, убав, вистински планинец, како најубав жив споменик на оваа дивина и убавина.

„Бојан“ од Глигор Поповски (1973)

Не случајно, мотото на една култна претстава во нашите театари беше (се мисли на „Буре барут“): „Она што во светот е инцидент- кај нас е систем, она што кај нас е систем, во светот е инцидент!“

„Календар за годините што поминале“ од Трајче Кацаров (2012)

„Сѐ ќе биде исто, и сѐ ќе биде ништо.“

„Сестрата на Сигмунд Фројд“ од Гоце Смилевски (2010)

Бидејќи веќе беше препознат, не можеше да продолжи и да седне на масата на една осамена девојка.

„1984“ од Џорџ Орвел (1998)

Во замена за тоа, ако еден народ добие политичка слобода или се исполни нешто друго важно за народниот живот, без негово или со мало негово содејство, тогаш кога кај него нема уште изработени народни идеали или ако се изработени не се усвоени од сите членови на народот, тогаш, во таков случај, народот не ги цени народните идеали и, како човек без определена цел и програма за работење, се фрла ту на една ту на друга страна, правејќи го тоа не затоа што е убеден оти така треба да биде, ами затоа што гледа дека има околу него луѓе што постапуваат така или инаку.

„За македонцките работи“ од Крсте Петков Мисирков (1903)

„Зошто секогаш мора да биде Јас, Јас, Јас?“

„Жонглирање со животот во слободен пад“ од Сара Трајковска (2012)

Јазикот не е возило што ги разнесува комуникациите напред-назад меѓу индивидуалните умови; тој е координација на физичките околности меѓу членовите на една социјална група, што го задржува структуралниот интегритет и на социјалната група и на индивидуалните членови на таа група.

„МАРГИНА бр. 6-7“ (1994)

Тукушто почнаа да ме облазуваат нежни трпки, на првата крстосница девојката тргна на една, а јас морав на спротивна страна.

„Ситночекорка“ од Ристо Лазаров (2012)

Арто за таа тн. книжевна вечер се подготвувал мошне сериозно и прикажал агонија на човек што умира од чума, човек што е измачуван, а патем врескал и делирично извикувал, играјќи ја сопствената смрт и распнувањето на крст.

„МАРГИНА бр. 37“ (1997)

Еднаш на еден му ја запали племната, на друг му го испушти житото од амбарот во калта.

„Луман арамијата“ од Мето Јовановски (1954)

Пред да се случи убиството на Никола, една недела претпладне, речиси сето Маказар ја нападнало црквата и ја уништило фреската со неговиот лик, како фреска на еден насилник и лицемер.

„Бунар“ од Димитар Башевски (2001)

На белините на еден лист што ми го дофрлува споменот од некоја непостоечка витрина откривам многу многу надраски.

„Желките од рајската градина“ од Србо Ивановски (2010)

Гарванов само промрмори колку да каже нешто: — Секој си е сајбија на својата глава, Ѓорче!

„Толе Паша“ од Стале Попов (1976)

Уште пред да се пресмета каде, кога и како ќе биде убиен големиот деспот, на 5 март во 1905 година, во рацете на еден преусвитен атентатор, некојси Киндеријан, се распрснува бомба од чии шрапнели гине, меѓу другите, и Кристофер Микелјан.

„Забранета одаја“ од Славко Јаневски (1988)

Како што е изнесено во почетокот, настаните во романот, починувањето на таткото, го ослободува главниот лик на нараторот од зависноста која би го лишила од финалниот триумф над противникот (тоталитарната идеологија) која го примора „големиот губитник” на егзил и на еден повлечен живот.

„Атеистички музеј“ од Луан Старова (1997)

Тој сега прави кариера на еден четврт континент. Во еден дел од овој голем свет во кој, инаку, и по холокаусот не претстануваат насилствата: стари, сега и нови Берлински ѕидови подигнати на Кипар и во Израел.

„Светилка за Ханука“ од Томислав Османли (2008)

- Леле, јас сирота, велам, како ќе куцам олку тешка, како ќе носам двајца на една нога.

„Пиреј“ од Петре М. Андреевски (1983)

Набрзо можеше да се види како мозокот тивко, беспомошно болува зад очите, а тогаш мозокот најверојатно и изумре, бидејќи очите речиси му испаднаа од главата и во нив го немаше повеќе оној препознатлив израз, туку израз како кај очите на краба на едниот крај од нејзиниот сплескан труп“. 22 Margina #11-12 [1994] | okno.mk

„МАРГИНА бр. 11-12“ (1995)

Ама како Јон ќе ја затне на едно место водата, таа ќе се подистрга и ќе се загне на друго место.

„Пиреј“ од Петре М. Андреевски (1983)

Титан трча со црвена торбичка в рака како слуга на една разуздана поза, маска и глума. Развратна.

„Портокалова“ од Оливера Доцевска (2013)

Истовремено, тие се маркери на различноста, помагаат во дефинирање на културниот идентитет на една група vis-à-vis аутсајдерите.

„Простори на моќта“ од Зоран Попоски (2009)

Кога вселената&провидението во принципиелна коалиција со борците и Бранко се решат на една работа, тогаш тоа сигурно ќе се оствари.

„Филтер Југославија“ од Константин Петровски (2008)

Оваа противречност па дури и неправедна осуда на еден цел живот морам да признаам дека ја окарактеризирав како црн знак што ја краси судбината на несреќните.

„Синот“ од Србо Ивановски (2006)

Значи јас не претпочитам премногу заблуди на едно место.

„Летот на Загорка Пеперутката“ од Србо Ивановски (2005)

Потоа Едо – авторот верува дека Едо и саскаше да се пофали, но и затоа што авторот нему му ја влеа нужната доверба – на масата го распростре планот за куќата со дваесет и пет соби и дванаесет бањи што планираше да почне да ја гради наскоро на една рудина каде што се подигаше нова резиднцијална населба.

„Продавница за љубопитните“ од Мето Јовановски (2003)

Се обиде да стане, во својот смрзнат страв да му се спротиви со извик, но во неговото грло крикот само кркореше; ни одблизу не потсетуваше на едно липање оставено еднаш во една тешка ’ржана зрелост.

„Кловнови и луѓе“ од Славко Јаневски (1956)

На еден крај од дворот, пред касарната, гори светло.

„Небеска Тимјановна“ од Петре М. Андреевски (1988)

Му ги зеде рацете и му ги прекрсти на мевот, но смучна со носот налутено кога забележа дека палецот на едната рака му стои пикнат меѓу кажипрстот и средниот прст, како да ѝ покажува шипинки.

„Јанsа“ од Јован Стрезовски (1986)

Тоа волкот просто ја имаше во својата уста неговата крв и трепереше од нејзиниот вкус, а во тоа имаше и една таква безизлезност, што тој не беше во состојба да не се подигне од петици, речиси маѓепсан од едно такво ужасно навестување на една ваква чиниш од самото дно на пеколот извадена и зачекорена и наеднаш толку необорива вистина.

„Белата долина“ од Симон Дракул (1962)

Куќата е една од најстарите во селото; направена од петаври: од штички и плитар, од лескови прачки исплетени од дирек до дирек како што се плете кош и облепени со кал измешана со плева, слама и козина за поцврста да биде; на многу места калта и испадната од ѕидот и зјапаат дупки низ кои ветерот се провира и свири; во тие дупки птиците се пикаат и прават седела клувкајќи го и користејќи го истиот материјал со кој е облепена куќата; чардакот од куќата виси над патот како дрвено корито спуштено од небото; куќата е затетеравена на едната страна како пијан човек и, изгледа секој миг ќе падне.

„Свето проклето“ од Јован Стрезовски (1978)

Седна на едно столче во истиот ред со Винстон, едно-две места подалеку.

„1984“ од Џорџ Орвел (1998)

Одбиј, одбиј! Кај да одбијам, на една нога стојам, се слуша. Одбиј на глупост!

„Небеска Тимјановна“ од Петре М. Андреевски (1988)

Обично кога се враќаа од биоскоп или театар, Павле и жената, покрај другите работи по излозите меркаа и штоф за ново палто.

„Бојана и прстенот“ од Иван Точко (1959)

И решава министерот, за чудо на сите, да го ангажира неформално стариот дипломат.

„Амбасади“ од Луан Старова (2009)

Иако симпозиумската сала беше речиси празна, професорот Седларски ги сослуша внимателно воведните објаснувања на претседавачот на сесијата а потоа, откако го остави своето сако’ на една од празните столици пријде до микрофонот и се заблагодари на дадената можност да претстави една од загрижувачките појави која досега не била предмет за сериозна расправа на ваков висок собир.

„Желките од рајската градина“ од Србо Ивановски (2010)

Почнавме разговор, се прашавме од каде доаѓаме.

„Сестрата на Сигмунд Фројд“ од Гоце Смилевски (2010)

Можеше, без сомнение, да се замисли општество во кое богатството, во смисла на лична своина и луксуз, би било рамноправно распределено, додека власта би останала во рацете на една мала привилегирана елита.

„1984“ од Џорџ Орвел (1998)

Таа централност и таа ексцентричност можат само да допринесат за неговата налудничава пропаст, која на њујоршката „сцена“ естетски се транскрибира низ лудирање, низ жестокиот експресионизам, но која целиот град колективно ја негува низ техничката френетичност кон вертикалноста, низ забрзувањето на баналноста, во живоста на среќните или бедните лица, во дрскоста во која човечкото му се жртвува на едно чисто циркулирање. 66 Margina #10 [1995] | okno.mk

„МАРГИНА бр. 10“ (1997)

По мое мислење, полека се раѓаат институциите на една демократија во која границите веќе не го даваат правото на исклучување од користењето на граѓанските права.

„МАРГИНА бр. 21“ (1995)

Номиналниот износ на акцијата не може да биде помал од 1 ЕУР, според средниот курс на таа валута, објавен од НБРМ, ден пред усвојувањето на статутот, односно на денот пред донесувањето на одлуката за промена на основната главнина (чл. 273, ЗТД).

„Работни спорови - Позитивни примери од судската пракса“ од Димитар Апасиев (2011)

Изулавено скокна од масата, запеа и се затвори на едно место што не е за спомнување.

„Големата вода“ од Живко Чинго (1984)

Никој не пушта глас, ама Чана се подмрднува на едната страна во вратата, им го ослободува поголемиот дел од празнината во која ќе се мерне ту пасамок магла, ту црна валма од главата на возот, ту во далечината снагата на некоја планина.

„Исчезнување“ од Ташко Георгиевски (1998)

Од резиденцијата под Водно замина одамна, кога тука замириса барутот и се најдовме пред портите на една контролирана, но сепак заканувачка етничка војна.

„Светилка за Ханука“ од Томислав Османли (2008)

Во такви куќи горни крај живеат луѓето, долни крај — добиците: воловите, коњите, маските, магарињата, та понекогаш прасињата прескокнуваат и горни крај и спијат во една постела со децата, да им биде потопло и на едните и на другите.

„Крпен живот“ од Стале Попов (1953)

Тогаш ќе се има можност да се види оти нашите интереси се така сплетени со нивните што со загубувањето на едните губат и другите, а сета полза од нашето непријателствување ја извлекуваат трети, ќе се рече, малите балкански држави.

„За македонцките работи“ од Крсте Петков Мисирков (1903)

На крајот од спалната, во аголот, на еден кревет, лежеше Клара во бела ноќница.

„Сестрата на Сигмунд Фројд“ од Гоце Смилевски (2010)

И во темницата само него го здогледувам: стои пред српските војници (на едни им клисна, други го начекаа) и постојано прашува: - Зошто, каде, како?

„Пиреј“ од Петре М. Андреевски (1983)

Имаше и една прекрасна снимка на една детска рака како лета високо високо во воздухот.

„1984“ од Џорџ Орвел (1998)

Колата тркаше по каменистиот пат и се нишаше како лаѓа на бранои, де на едната де на другата страна, како да ќе се преврти.

„Бегалци“ од Јован Бошковски (1949)

Познато е дека Истанбул е милионски град, со вонредно живописна панорама, со море кое завлегло во неговите пазуви, што широки и тесни улички и сокаци со мермерни куќи и облакодери и со дрвени куќарки, град кој лежи на два континента, каде што најрелјефно се оцртале европското и ориентот, град со џамии и цркви и еврејски синагоги, сараите на турските падишаси и султани, со споменици на едно блескаво богатство, на еден раскош и пропаѓање на една петвековна империја, која ја докрајчил стариот и изнемоштен старец - султанот Решад...

„Патувања“ од Никола Кирков (1982)

Давајќи ѝ на мислата целосна слобода да талка, попатно почнав да се концентрирам на дишењето, всушност, на една одредена техника.

„Човекот во сина облека“ од Мето Јовановски (2011)

- Се сеќаваш ли, Мањушка, на еден филм од наше време,со инвазија на црвени мравки? - Како да не. „Марабунта“. - Е да, „Марабуната“. Умиравме од страв во салата...

„Човекот со четири часовници“ од Александар Прокопиев (2003)

Пред нејзините длабоки очи секогаш се случуваше нешто тихо, одвај забележливо, но големо, неопфатно: сонцето си го врвеше својот пат, тревите зеленеја, растеа и се сушеа, ветровите се менуваа и ги бркаа облаците еднаш на едната, еднаш на другата страна од небото...

„Билјана“ од Глигор Поповски (1972)

На едно место си запрел, а од друга страна си тргнал...

„Небеска Тимјановна“ од Петре М. Андреевски (1988)

Потпирајќи се на една голема ластегарка и со завој на главата, под кој му стрчеа перчиња руси коси, тој застана пред војводата Питу Гули и, гледајќи го право в очи, го замоли да го прими во четата.

„Бојана и прстенот“ од Иван Точко (1959)

Била командир на чета во Шпионите и секретар на еден огранок на Младинската лига, пред да ѝ се приклучи на Јуниорската анти-секс лига.

„1984“ од Џорџ Орвел (1998)

Тука се носеа политички и воени решенија и одлуки, тогаш тука беше мозокот на едната страна од војната.

„На пат со времето“ од Петре Наковски (2010)

Тоа за некој кој што пред триесет години како дваесет годишно момче дошол да бара правда пред парламентот на една малечка држава со која што векови владееле олигархии од различни бои и сорти, беше бетер и од самата умиричка.

„Браќата на Александар“ од Константин Петровски (2013)

Значи, авторот и на едниот и на другиот текст бил истиот, учителот Димитрија Боте, со тоа што е очигледно дека првин ги правел записите, а потоа дел од нив објавил во „Цариградски весник“ во форма на допис под рубриката „Портрети на видни спомагатели на народната култура“.

„Бунар“ од Димитар Башевски (2001)

Беше време на една од последните екстази на сталинизмот.

„Патот на јагулите“ од Луан Старова (2000)

Како да знаеа дека нивната работа е завршена и се чека само на еден формален акт којшто ќе го потврди нивниот триумф.

„Браќата на Александар“ од Константин Петровски (2013)

Свекрва ми седеше на едно столче до масата на којашто сечев и ми кажуваше што да правам, а Маци ѝ седеше во скут и мрдаше со носот.

„Чкртки“ од Румена Бужаровска (2007)

Додека го слушаше својот учен пријател како со чудесна точност ја изнесуваше природната сага на јагулите, Татко не престануваше да трага по нови моменти во согласието меѓу движењето на своето семејство и патот на јагулите: „Зар коските на јагулите, по херојското патување, по љубовната обновувачка екстаза не се стопуваат, исчезнуваат на едно место?

„Патот на јагулите“ од Луан Старова (2000)

Решението, пак, не е замена на едниот став со друг, а уште помалку “поправање на светот”(само ќе ги влошите работите), туку напуштање на самиот обид нештата да се обликуваат според мерилата кои доаѓаат од сферата на субјективното, т.е. патолошкото.

„МАРГИНА бр. 10“ (1997)

И навистина: само по неколку дена Рим прилегаше на една бесконечна клада. Останаа само неколку коњи на Аларах и песната на неговите варвари дури беа живи: Високо црно ѕвоно скриено во заборавот! ***

„Две тишини“ од Анте Поповски (2003)

Друга бомба падна на едно напуштено парче земјиште што беше употребувано како детско игралиште и неколку десетици деца беа разнесени на парчиња.

„1984“ од Џорџ Орвел (1998)

Опааа! — Пречекори Доста и се прекрсти, та влез во Сукаловата куќа да се стори вечер домаќинка на еден од браќата Сукалови.

„Крпен живот“ од Стале Попов (1953)

Меѓу ова сино небо, кое ја одречува сета историја на земјата, со сите граници и храмови, со сите камени урнатини, и лицата на луѓето, загледани во вечноста на залезот на сонцето, нема никаде простор каде што би запрело нешто митско, историско, идеолошко.

„Амбасади“ од Луан Старова (2009)

Го кланца крај увото и пак го крева кон небото. Го ѕирка на едно око.

„Пиреј“ од Петре М. Андреевски (1983)

Отпосле се запрашав: и да стоев пркосно како цуцул до последната станица само на едната нога, ќе ги избришев ли како што се брише потта од челото, знаците на старост што момчето ги виде во моите очи?

„Кревалка“ од Ристо Лазаров (2011)

Човекот ги префрли обете раце преку железото, како да се распнува на него, и сега гледаше удолу без она несигурно стоење на тлото.

„МАРГИНА бр. 32-33“ (1996)

На почетокот, собата на Даниел носи траги од еден вообичаен детски живот исполент со училишни обврски и детски радости.

„Светилка за Ханука“ од Томислав Османли (2008)

Може малку да скршам, му велам на еден.

„Небеска Тимјановна“ од Петре М. Андреевски (1988)

И сигурно преставува нешто многу повеќе од практикувана специјалност само на една затворска власт.

„Летот на Загорка Пеперутката“ од Србо Ивановски (2005)

Беше фатен во клопката на самиот себе, стиснат во црн преграб на својата крв, се повеќе исклештен во неверувањето дека навистина сака да отиде на една планина на чии рабови уште малку и ќе умре летото разјадено од ’рѓата на есента...

„Месечар“ од Славко Јаневски (1959)

Ме изведува од канцелариските простори во еден од големите холови на новиот објект. „Гледате”, вели покажувајќи на едно импресивно мермерно скалило, очигледно сѐ уште под впечаток на неодамнешното отворање на Холокауст центарот, кое беше остварено со присуство на званици од голем број земји.

„Светилка за Ханука“ од Томислав Османли (2008)

Ние сме деца на пожарот и оганот – ние ја носиме душата на Човекот.

„Човекот со четири часовници“ од Александар Прокопиев (2003)

Ќе ти помогнам, му откликнуваше таа на еден осамен човек, и дури сонуваше крај него. тој низ неа го препрочитуваше житието на морето, ја впиваше неговата синина, па одново бела полетуваше во зорите сѐ до капка одново дури не го препишеше морето и дури не ги јагленоса ѕвездите мапи на неговите кораби.

„Ненасловена“ од Анте Поповски (1988)

Сиот шут се собирал на едно место и така израснал ридот, денес озеленет, кој по ништо не потсетува дека е создаден од урнатините на градот.

„Патувања“ од Никола Кирков (1982)

И попот се тркалаше во дворот во правта.

„Потковица на смртта и надежта“ од Миле Неделкоски (1986)

Гласот на бабите од 90 години у Сарамзалино и Свирипичино е подеднаков со гласот на еден невработен магистер у Скопје.

„Двоглед“ од Горан Јанкуловски (2011)

На едно место, во една своја тетратка, по едно пијанство, од не знам какви причини, сум запишал: Тешко на оној кој знае да чита само затоа што претходно ги изучил сите букви и знаци на јазикот од кој чита; блазе си му на оној кој знае да чита и без претходно да го знае значењето на знаците; само тој вистински чита.

„Папокот на светот“ од Венко Андоновски (2000)

Баш се израдував кога ја видов како настапува како дебитантка на еден фестивал.

„Знаеш ли да љубиш“ од Ивана Иванова Канго (2013)

Тие, воглавно, служеа за полнењето на една поинаква батерија на сметка на физичката изнемоштеност која, и без нив, манично ја чувствував.

„Ниска латентна револуција“ од Фросина Наумовска (2010)

Армијата е нација во нацијата: таа е порок на нашето време !, запрев на една мисла на Вињи, кога високиот офицер со босанско, муслиманско презиме на иќ задоволно го завршуваше предавањето, покажувајќи ја моќта на нашата одбранбена стратегија и немоќта на западниот империјализам да нѐ загрози преку Јадранското Море!

„Амбасади“ од Луан Старова (2009)

На еден куп отпадоци зад петнаесеттата зграда од големата станбена населба Мише и Петре забележија како нешто се движи.

„Градинче“ од Бистрица Миркуловска (1962)

Овој концерт ѝ го посветува на една особа од овој град што ја сретна пред две години во Париз и никако не ја заборави.

„Животот од една слива“ од Зорица Ѓеорѓиевска (2014)

Најсетне запре на еден пепита штоф со црни точкици. Го купија.

„Бојана и прстенот“ од Иван Точко (1959)

Вртисенка паднал подан и потонал во тој мрак.

„МАРГИНА бр. 32-33“ (1996)

- Да запреш. Колата речиси удри со браникот на една шипка со патоказ „Дихово” („х”-то беше излупено од тенекијата со удар од камен).

„Синовски татковци“ од Димитар Солев (2006)

На едно место (5, 9), Хорот дури ѝ вели на Возљубената: Со што е твојот возљубен подобар од другите возљубени, о, најубава меѓу жените?

„Папокот на светот“ од Венко Андоновски (2000)

Ќе ги наредев потилје, само на една страна свртени да спијат, ќе ги изброев и ќе си легнев.

„Пиреј“ од Петре М. Андреевски (1983)

И оној од Ираклион, се сети, имаше приказна со неа во главната улога: се качуваше по спиралните скали со везена железна ограда на една сецесионистичка зграда.

„Слово за змијата“ од Александар Прокопиев (1992)

„Не знам дали сум ти кажал, бате,“ рече тој, пуфкајќи го наоколу чадот од своето луле, за случката кога оние мои неранимајковци ѝ го запалиле здолништето на една стара пазарџика откако ја виделе како завиткува колбаси во еден постер на Г.Б.?

„1984“ од Џорџ Орвел (1998)

Како капка вода да се обиде да пробие од кожата под стаклото на окалките, за да не најде отворена пора и да се разлее полека кон темниот печат на едната страна на врелото лице.

„Месечар“ од Славко Јаневски (1959)

Научи да свири на пет музички инструменти, победи на неколку меѓународни натпревари од различни области, освои прво место на еден маратон и направи самостојна изложба на уметнички фотографии.

„Азбука и залутани записи“ од Иван Шопов (2010)

Еден ден Добрила нешто ја навредија, па таа налутено му се врекна на еден новопромовиран шеф: До вчера се криевте по шифоњерите, а сега ќе ми солите ум.

„Три жени во три слики“ од Ленче Милошевска (2000)

Јас се вадам од умот, посебно поради зборовите на еден пријател.

„Читај ми ги мислите“ од Ивана Иванова Канго (2012)

А никој не се интересира како му е на еден млад човек кој мора да го капе кучето на својата станодавка, да го чешла со часови, да го носи на лекарски преглед, само за да не биде исфрлен на улица.

„Кловнови и луѓе“ од Славко Јаневски (1956)

Таа борба ќе им ја симне маската и на едните и на другите и ќе ги востанови симпатиите на европската јавност и на европските влади во полза на новото течење и против лажливците.

„За македонцките работи“ од Крсте Петков Мисирков (1903)

Тоа обединување на полето на сите сфери, од некаде ми беше познато, прочитав некаде една НОВИНА дека: уште пред нашата ера Македонската силна Династија, Кралството Македонија, предводена од Големиот Александар Македонски- чии цели и определби беа сосема исти: создавање на еден развиен свет, во кој секој би бил задоволен, би цветала трговијата, културата, изградбата, напредок со соединување – преку мешање на разните култури, но и да се сочуваат националните обележиа на народите во светот. Зарем тоа не била идеа на глобализација?

„Ветришта“ од Радојка Трајанова (2008)

Но, токму кај Јихлава, на една голема угорнина на моравската висорамнина, нѐ дочека една незгода.

„Патувања“ од Никола Кирков (1982)

Откако се наиграа и нашетаа низ село, сите улички ги протрчаа со коњите, сите кучиња ги нападија надвор од селото, ги направија коњите бела пења, изгазија ергенчињата по некое девојче, турнаа по некоја стара баба и ќерамида од покривите; на еден знак се прибраа секој во својата „база".

„Крпен живот“ од Стале Попов (1953)

Филип беше поткачен на едно купиште градежен отпад и викаше накај другарите: „Ништо! Циркусот заврши! Кантите ги ставија во комбето.

„Тополите на крајот од дедовата ливада“ од Бистрица Миркуловска (2001)

Под гранката на која стоеше танцуваа две штотуку испилени потполошки.

„Пупи Паф во Шумшул град“ од Славко Јаневски (1996)

На еден знак од поп Јакова пукнаа залп од стотина пушки, а од карпите се разнесе страшна викотница како онаа есеноска од врбјаците на Светецот.

„Калеш Анѓа“ од Стале Попов (1958)

Во таа ноќ додека главите на непокореноста заседавале, помеѓу две ѕидни ламби во куќа на угледен домаќин, меѓу нив и Питу Гули со пресна дупка од куршум во слабината, некаков Татар или Монгол или Черкез и пак со име Татар, турски дезертер и негов приврзаник, му го повел белиот коњ да го напои од бигорното корито на чешмата во дворот на една од неколкуте цркви.

„Забранета одаја“ од Славко Јаневски (1988)

- Најинтересното од она што го кажа жената во возот беше спомнувањето на името на еден од главатарите на единицата - собрав сили да го изнесам и последниот податок што Огнена, таму, во купето, неколкупати го повтори.

„Синот“ од Србо Ивановски (2006)

Зборови, зборови… а не е за на отпад и она упатство или шега дека зрелоста се мери само според количините наивности во нашите размислувања!

„Синот“ од Србо Ивановски (2006)

Се потпирам на една бука, така со челото на мовта, како на небричен образ од некој роднина.

„Пиреј“ од Петре М. Андреевски (1983)

Кога тргна по неа, Винстон виде дека се наоѓаат на една природна чистинка, едно мало тревнато ритче опколено од високи млади дрвја кои целосно го затвораа.

„1984“ од Џорџ Орвел (1998)

Тоа е парадигма на современиот капитализам, која допрва ги чека своите одговори и која нужно не е цел на овој проект, иако низ него таа, на една релативно чиста општествено- економска заднина, може полесно да се воочи.

„МАРГИНА бр. 35“ (1997)

Се сети на зборовите на една свадбарска песна... невеста се од корен корнеше... но не беше ни невеста...

„Омраза - длабоко“ од Драгица Најческа (1998)

Емплфорт не го забележа Винстон и седна на една друга маса.

„1984“ од Џорџ Орвел (1998)

Тргнав да го подигнам југовинилот, кога цел рој се дигна во воздух. Начисто се исплашив.

„Човекот со четири часовници“ од Александар Прокопиев (2003)

Се сеќавам, на крајот од претстава што беше дел од содржината на еден театарски фестивал, актерот што седеше до мене во публиката, изреагира бурно токму во мигот кога еден од актерите наредени на сцената како пред стрелачки вод, почна да аплаудира.

„Календар за годините што поминале“ од Трајче Кацаров (2012)

L Никој жив не можеше да разбере што се случуваше длабоко, длабоко во душите на Татко и Камилски кога дојдоа речиси на полпат од нивната донкихотовска борба со османскотурските заемки во балканските јазици.

„Балканвавилонци“ од Луан Старова (2014)

Нашите познавања се збогатуваат со откривањето на Луан Старова, оригинален и привлечен романсиер, автор на една книга која не личи на ниту една друга.

„Времето на козите“ од Луан Старова (1993)

Автобиографија или рекомпозиција на алегориските фигури на една родителска тријада?

„Атеистички музеј“ од Луан Старова (1997)

Никако да се задомиме на едно место, на раат да поживееме неколку години.

„Последната алка“ од Стојан Арсиќ (2013)

Константин З имено, во овој миг работи на еден голем и изискуван проект на новата влада, имено на „конечното решение” што е циничен германски еуфемизам за истребувањето на Евреите од просторот на штотуку ослободените Нови предели.

„Светилка за Ханука“ од Томислав Османли (2008)

Неговото ситно сестриче, премногу мало за да ја разбере играта, седеше потпрено на една перница, смеејќи се затоа што другите се смееја.

„1984“ од Џорџ Орвел (1998)

Со очите изразив вчудовидување, а тој продолжи: - Еден месец подоцна, на 4 август солунскиот весник “Елиникос Ворас“, со големи букви вака ги извести своите читатели: “Жителите на убавото костурско село Крија Нера17 кои досега покрај грчкиот зборуваа на еден туѓ дијалект, трогнати од одличната иницијатива на патриоски расположеното население на селото Каридја – Птолемаида, спонтано решија во присуство на месните власти да се заколнат дека целосно ќе го заборават тој јазик и во иднина така тие, како и нивните синови, исклучително ќе зборуваат на грчки јазик.

„На пат со времето“ од Петре Наковски (2010)

На еден нов начин се повторуваше историјата, метафоричната историја на патот на јагулите.

„Патот на јагулите“ од Луан Старова (2000)

Винстон, мајка му и татко му си најдоа место на подот, а покрај нив на една клупа еден до друг седеа старец и старица.

„1984“ од Џорџ Орвел (1998)

„Но ова се претпоставки" вели Поетот“ а ние, барем засега, можеме со сигурност да сметаме само на еден факт, оној, дека стореното зло во сонот не остава трага, па дури ни во случаите како во оној кај Данте: Верувајте видов и уште го гледам трупот кој својата глава место фенер ја носи лулајќи ја на мртвите коси! ...

„Желките од рајската градина“ од Србо Ивановски (2010)

Полицајците ги сметнуваат автоматите: нѐ бранат и на едното и на другото крило.

„Небеска Тимјановна“ од Петре М. Андреевски (1988)

Се проценуваше поставеноста и формата на вратот, грбот, рамениците, со посебен увид на косата, очите и усните.

„Полицајка в кревет“ од Веле Смилевски (2012)

На бакрорезот на еден од раните маниристи кои од Фиренца се преселиле во Рим, Франческо Салватио (1510-1563), Триумфалниот поход на Пријап, одушевените Менади влечат еден огромен („анатомски-изолиран“) фалус, исправен во колата, низ имагинарен антички пејсаж.

„МАРГИНА бр. 29-31“ (1996)

Ова е обично заменување на една глупост со друга.

„1984“ од Џорџ Орвел (1998)

На едната сме ние, на другата оние.

„Небеска Тимјановна“ од Петре М. Андреевски (1988)

Министерството требаше не само да ги задоволува многукратните потреби на Партијата, туку да ја повторува целата операција и на еден понизок степен, за потребите на пролетеријатот.

„1984“ од Џорџ Орвел (1998)

- Ха, ха, ха, - продолжуваше Претседателот. Беше тоа едно јадро човечиште, само за неколку прста понизок од Змејка, со широки раменици и со нешто несигурно сковано и на еден чуден начин колебливо во секоја црта од неговото лице.

„Белата долина“ од Симон Дракул (1962)

Во миговите кога ја дочитував збирката песни на еден провансалски поет, запомнувајќи ги стиховите – во Арл кога сенката поруменува, под ружите и свети времето, внимавај на благоста околу тебе – вниманието ми го привлече текстот „Папата Јован Павле II ја осветува Катедралата во Скадар”, во отворениот дневник Ле Монд, од 23 април 1993 година.

„Ервехе“ од Луан Старова (2006)

Една толку чувствителна работа никогаш не би му била доверена само на еден човек; од друга страна, да ѝ се довери на некоја комисија, би значело отворено да се признае дека се случува чин на фабрикување.

„1984“ од Џорџ Орвел (1998)

Во улицата пред споменикот имаше статуа на еден човек на коњ, која требаше да го претставува Оливер Кромвел.

„1984“ од Џорџ Орвел (1998)

Тешко ми беше, но својата вина ја признав дури десетина години подоцна, кога веќе не дозволував да бидам тепан и кога на случката можеше да се гледа само како на еден безначаен, смешен настан од детството.

„Добри мои, добар ден“ од Глигор Поповски (1983)

Во Грција е прв крал баварскиот потомок Ото, и се раѓа еден Леополд (под протекторат на еден Леополд ќе се создаде колонијалистичкото Интернационално африканско здружение), и се раѓа американскиот засмејувач и исмејувач Марк Твен, врсник на рускиот сатиричар Минаев, и една јармодржечка сенка ѝ ја отстапува круната на другата што се надвиснува над подјармени народи.

„Тврдоглави“ од Славко Јаневски (1990)

Нејзиниот шепот извира од мене и само јас и ноќта можеме да ја измислеме прикаската на еден живот. Бремена или само неколку часови леунка?

„Забранета одаја“ од Славко Јаневски (1988)

Реторичкиот топос на овој модерен шаман е наштелуван на колективно заведување, на масовна навигација во насока на една фантомска, инсценирана слика на светот. okno.mk | Margina #4-5 [1994] 93

„МАРГИНА бр. 4-5“ (1994)

Бункерите во мигот ми изгледаат како гротескни и парадоксални монументи на масовното жртвување на еден цел народ во сиромашната и херметички затворена земја.

„Атеистички музеј“ од Луан Старова (1997)

Работава не напредува, си мислам, не само по вина на природата, зар може да биде вина тоа што е лето и што е земјата сува и горка, та тоа си е нормално, лето е и суша и тврдо е камен, а тоа е и предноста на еден ископан бунар, предност на бунар ископан во најголема суша, тоа значи дека во иднина ќе има вода во секоја сезона.

„Бунар“ од Димитар Башевски (2001)

А што се добива кога целата вселена ќе се „одухотвори“ со формулите на логичкото движење на категориите на еден „светски разум“?

„Значењето на Хегеловата филозофија“ од Кочо Рацин (1939)

Благодарение на една нејзина пријателка успеа сосема легално да дојде до избирачкиот список и новата адреса на Саво и Снежана.

„Последната алка“ од Стојан Арсиќ (2013)

Веднаш продолжив, сеќавајќи се на еден запис на преродбеникот Фаик Коница за Верата на албанците, во кој се цитира искажувањето на лејди Мери: - Таа вели дека од сите вери што ги запознала, верата на Албанците, ѝ се чинела најнеобична.

„Атеистички музеј“ од Луан Старова (1997)

Тоа во овој тематски парк на холокаустот се прави на еден особен начин, потсетувајќи на бившиот живот.

„Светилка за Ханука“ од Томислав Османли (2008)

Илузијата што ја скриви птицата веќе не постои Исчезна и опашот и жолтиот клун и монистата на песната На гранките ѕвездени гроздови Зборовите паѓаат врз белината Сѐ е стокмено како во градите на будилник Безброј лостови ја држат напнатоста Прстите шетаат по ‘рбетот на времето Но гласот на сестра ми го слушам додека се обидува да го смести својот насмев на лицето на една исплашена кукла.

„Посегање по чудесното“ од Србо Ивановски (2008)

Во Помпеа има една фреска останата од времето кога вулканот Везув го уништи градот, на која е претставен еден цар кој во раката држи теразија: та на едниот саан од теразијата ставено е скапоцено богатство: златници, накити и друго, а на другиот тас, знаеш што?

„Јанsа“ од Јован Стрезовски (1986)

Двајцата му салутираа на еден гардиски поручник, кој помина покрај нив, љубезно отпоздрави и им се насмевна.

„Браќата на Александар“ од Константин Петровски (2013)

- Абе ја не сакајќи слушнав еден муабет на едни цури што се клештеа за некое место во кое забегале не сакајќи коа искачале во град.

„Двоглед“ од Горан Јанкуловски (2011)

Во неговите книги пишувани на различни писма, латинично, арапско, кирилско, хебрејско, на места откривав разлеана пепел, во необични облици, која некаде се слеваше во старите минијатури на еден Коран пишуван на рака, како своевидно надополнување, потврдување на неговото читање и постоење, неговото воскреснување во моите нови читања.

„Амбасади“ од Луан Старова (2009)

А тој трмееше под бремето на својата тешка болка, која на еден ваков нечесен начин му ги врзуваше беспоштедно сите негови мускули и сето време мрмореше нешто и гледаше пред себе со широко растворените очи на страот, кои веќе не можеа да видат ништо во неговите природни бои, пред кои сѐ друго, освен тој страв, остануваше скриено.

„Белата долина“ од Симон Дракул (1962)

Овој доктор Миха не излегуваше повеќе од својот кабинет - ни по театарските бифиња ни по писателските или новинарските клубови ни по маалските кафулиња, па дури престана кога доаѓаше на работа на едно место да си зема четврт бурек а во друга бурекџилница уште четвртинка со чашка јогурт.

„Синовски татковци“ од Димитар Солев (2006)

Тој ја беше забележал како лежи во излогот на едно запуштено дуќанче со стари работи во еден беден кварт од градот ( во кој точно кварт, не можеше да се сети ) и веднаш го обзеде неотповиклива желба да ја поседува.

„1984“ од Џорџ Орвел (1998)

Меѓутоа, тие се ставаат себеси на едно друго рамниште.

„МАРГИНА бр. 6-7“ (1994)

Седнавме на една клупа покрај оградата и ги гледавме децата кои си играа на лулашките.

„Сестрата на Сигмунд Фројд“ од Гоце Смилевски (2010)

Довикување на молњите, знамение на еден поход црн.

„Посегање по чудесното“ од Србо Ивановски (2008)

Во старите пописни книги на населението и имотот, во тевтерите на воените и даночните обврзници, па во хрисовулите на византиските императори, Потковицата се споменува како феуд или црковен посед, а во ферманите на турските султани, испраќани во врска со собирањето на даноците, со ајдутите, со побуните и казнените експедиции, како султански имот, Хас чифлиг, под името Загориче, кој, најверојатно, зашто се најдува точно на границата помеѓу Битолско и Прилепско Поле во различни времиња потпаѓал под управа де на едниот де на другиот град, но за луѓето кои живееле тука, за нивната раса, религија и бит ништо не се споменувала.

„Потковица на смртта и надежта“ од Миле Неделкоски (1986)

А до овој заклучок дојдов бидејќи имав чувство дека постојано се движам во сенката на тие заблуди.

„Летот на Загорка Пеперутката“ од Србо Ивановски (2005)

Без збор ја затвори вратата. Ова беше крај на една промашена врска.

„Последната алка“ од Стојан Арсиќ (2013)

На едната страна, Италијанците, на другата страна, Грците.

„Ервехе“ од Луан Старова (2006)

Бев на една концертна претстава во која пееше познатиот париски шансониер на протестни песни Мишел Сарду.

„Патувања“ од Никола Кирков (1982)

Го положија на едно ќебе.

„Волшебното самарче“ од Ванчо Николески (1967)

И кога ноќе, шепотејќи со дланка на уста молитви, ќе се сетел за таа глава, умирал; не можел да не мисли дека нејзиниот труп гние во призрачната куќа-кула чија чкртава врата непрекинато ја отворал и ја затворал лут северен предвесник на долга и тешка зима низ чии виулици ќе се тетерави безглава сенка на еден непокорен поет, оној што пеел помеѓу истрели за своите неродени деца и за нивната непозната мајка меѓу ѕвезди и сини пеперуги.

„Тврдоглави“ од Славко Јаневски (1990)

Но ако бил повеќе загрижен за коњите, 'ртовите, пауните и билбилите во сарајот со мраморни шадрвани, слушал меланхолична песна на една од своите пребели жени и ги заборавал човечките патила.

„Тврдоглави“ од Славко Јаневски (1990)

Меѓу критериумите за избор важна улога играше заобленоста и тврдоста на газот (стручњак со потесна специјалност ги удираше жените по газот и со внимание ја следеше реакцијата, оти требаше да се регистрира секој детал: тресењето на газот нагоре и надолу, на левата и на десната страна, интензитетот на тресењето на едната и на другата половина од газот, пропорцијата меѓу нив, степенот на нивната споеност и слично на тоа.

„Полицајка в кревет“ од Веле Смилевски (2012)

Тие не прозбореа повеќе и, онолку колку што беше можно за двајца што седат еден спроти друг, на една иста маса, не се гледаа.

„1984“ од Џорџ Орвел (1998)

Публиката беше многу одушевена од снимките на еден огромен дебел човек што се обидуваше да отплива со еден хеликоптер што го брка.

„1984“ од Џорџ Орвел (1998)

Првата вест е за синоќешниот голем протестен митинг на синдикатите на Македонија... место на настанот... плоштадот... во срцето на Скопје... на снимката од синоќа многу луѓе викаат, меѓу нив и новинарката преминот од колор-стварноста во црно-белиот филм се случува кога новинарката, привршувајќи го својот гласен прилог, е поклопена од уште посилниот глас на еден од демонстрантите: Уа владааа!...

„Човекот со четири часовници“ од Александар Прокопиев (2003)

Ти тргаш на едната страна, а тоа трга на другата. Делите.

„Пиреј“ од Петре М. Андреевски (1983)

Кога Гаврил ни го соопшти неговиот план за патување во Порто Рико, веднаш тоа ми асоцираше на една песна што ја имам слушнато во младоста "ај, ај, ај, јај, Puerto Rico"...

„Седум години“ од Зорица Ѓеорѓиевска (2012)

Стои на едно место, се врти околу себе, копа со очите по шејовите и вика Ковчегот, да не ми го заборавите ковчегот! и веќе еден од момчињата, најстариот изгледа, лесно го дотуркува до вратата а тој, старецот, го подметнува грбот и ковчегот е веќе врз него.

„Исчезнување“ од Ташко Георгиевски (1998)

На едната страна Егејци, на другата Славо-македонци. Само затоа ли за да не бидат Македонци?

„На пат со времето“ од Петре Наковски (2010)

На логиката на еден здрав разум ова никојпат не ѝ влезе в глава, но затоа Хегел и го изврши своето епохално откритие, со тоа што ја надмина оваа логика.

„Значењето на Хегеловата филозофија“ од Кочо Рацин (1939)

Свет на една победа по друга, на еден триумф по друг: бесконечно притискање, притискање врз нервот на моќта.

„1984“ од Џорџ Орвел (1998)

Потребно е само малку за тасовите на вагата на оваа двојност да натежнат на едната или на другата страна и, во суштина, просторот меѓу оние како Јуда и оние како Лидија е многу мал.

„На пат кон Дамаск“ од Елизабета Баковска (2006)

При анализирањето на психичката состојба во која се нашле членовите на Гемиџискиот кружок по завршувањето на сите подготовки за атентатите треба да се има на ум и фактот дека тие веќе се наоѓале пред конкретното извршување на еден голем чин - да загинат дури и ако имаат услови да се спасат.

„Солунските атентати 1903“ од Крсте Битоски (2003)

Еленот на едната, загарот на другата страна.

„Ерато“ од Катица Ќулавкова (2008)

Кога најпосле се реши да ја фати рачката од брчалото, брзо откри дека таа без напор лесно се амка, како на едната, така и на другата страна.

„Човекот во сина облека“ од Мето Јовановски (2011)

Светлина што е убава, а убава е затоа што е убава во исто време во сите свои делови, затоа што е убава секогаш во исти односи и на ист начин, затоа што ниту настанува ниту исчезнува, ниту се зголемува ниту се смалува; затоа што не е во еден дел убава а во друг грда, ниту пак во едно време убава а во друго грда, ниту пак по однос на една ствар е грда а по однос на друга убава, ниту пак на едно место е убава а на друго грда, ниту пак за едни е убава а за други грда, туку сама по себе е убава сега, секогаш и во вечни векови, секогаш сама на себе подобна по форма, светлина што во себе го носи изворот на убавината: светлина, музика и боја.

„Папокот на светот“ од Венко Андоновски (2000)

ДИГИТАЛЕН РЕЧНИК НА МАКЕДОНСКИОТ ЈАЗИК

на (предл.) - еден (прид.)