низ (предл.) - книга (имн.)

Неговото сведочење, особено низ книгата Избришани светови, пишувана со Ерик Фај, ми откриваше зони на молчење и преживување како кај моите родители, кои минуваа низ слични премрежиња во истите времиња.
„Потрага по Елен Лејбовиц“ од Луан Старова (2008)
Во тесна врска со религиозното чувство кое провејува низ книгата - кое не го загрозува, туку само го зголемува нејзиниот уметнички впечаток - е темата на „божјите луѓе“ како комплементарна со тоа чувство, теми која е централен лајтмотив на оваа книга.
„Захариј и други раскази“ од Михаил Ренџов (2004)
Колку е таквото гледиште на авторот консеквентно може да се види од повеќе важни места кои, расфрлени како семе низ книгата, ја вообличуваат неговата ars poetica.
„Захариј и други раскази“ од Михаил Ренџов (2004)
Само низ книгите, како низ некои таинствени врати на времето, излегуваше од самотијата.
„Тврдина од пепел“ од Луан Старова (2002)
Требаше да минат години за да се открие метафората од татковата библиотека низ книгите за лавиринтот.
„Патот на јагулите“ од Луан Старова (2000)
Пробај побарај нѐ низ светот, прочепкај низ книги, учебници, документарни филмови, телевизиски програми, актуелни вести, меѓународни институции, интернет-страници, стриптиз-перформанси - ќе видиш дека никаде не фигурираме.
„Бед инглиш“ од Дарко Митревски (2008)
Ваш Луан Старова XX Елен Лејбовиц длабоко проникнуваше во балканскиот свет низ книгите на мојата балканска сага.
„Потрага по Елен Лејбовиц“ од Луан Старова (2008)