ДИГИТАЛЕН РЕЧНИК НА МАКЕДОНСКИОТ ЈАЗИК

165 Посебно се осврнува на грчко-македонските односи за кои истакнува дека биле срдечни, а врските меѓу политичките и воените лидери блиски.

Тој ќе истакне дека “врските меѓу политичките и воените лидери беа блиски“ и дека македонските партизани не можат да се помират со неактивноста на грчките андарти.

Несомнено, таквите тежнеења на политичките и воените лидери биле "сметка без крчмар", бидејќи во заднината на војната веќе се воделе преговори за повоеното уредување на светот во кој немало место за уште една нова самостојна и независна држава каква што била Македонија, било да е обединета или само во делот на Македонија надвор од рамките на Југославија.

Исто така, и зачестените изјави на македонските политички и воени лидери за обединувањето на Македонија биле една од причините Форин офис да се обрати до британскиот шеф на мисиите во Југославија, Фицрој Меклин, и од него да побара тој да се сретне со претседателот на НКОЈ, Јосип Броз Тито, за да го запознае со активностите што се преземаат во Македонија на тој план и да добие информации за улогата на Југославија во тие настани.

ИНТЕРЕСНИ СФЕРИ

Нивниот интерес, пред сѐ, бил насочен кон собирање информации од разни извори, главно на изјавите на македонските политички и воени лидери во однос на делот на Македонија под Грција.

Со овие негови одговори британскиот Форин офис бил сосема задоволен, уште повеќе што Тито во однос на Македонија издал инструкции со кои на македонските политички и воени лидери им се забранувало да даваат изјави за "Грција или за македонското прашање, без да се консултираат со него".

Но од документација е евидентно дека Тито не можел да ги смири духовите на Македонците во нивните намери, ако се создадат услови, да го реализираат обединувањето.

На одржаната средба со Тито, Меклин отворено го известил дека Британците се посебно загрижени околу активностите кои се одвиваат во Македонија, чија цел е нејзиното обединување.

Со внимание се следеле и сите написи во весниците, како во Македонија така и во Југославија, ако имале допирна точка со обединувањето на Македонија или се однесувале на федерацијата со Бугарија.