Колокации | Дигитален речник на македонскиот јазик

И покрај сите препреки, малверзации и превирања С. С. успеа да ја истурка правдата до крај.

„Работни спорови - Позитивни примери од судската пракса“ од Димитар Апасиев (2011)

Без двоумење го истакнува синдикатот како негов верен сопатник во битката што ја водеше против наведената државна институција – ситуација којашто, на прв поглед, изгледаше тотално непобедлива.

„Работни спорови - Позитивни примери од судската пракса“ од Димитар Апасиев (2011)

Кога го виде се враќа без униформата, воскликна од радост: - Добре дојде дома домаќине! – му рече веднаш при првиот поглед во дворот, кога изненадена од глетката се порадува.

„Ветришта“ од Радојка Трајанова (2008)

Нештедливото давање уште при првиот поглед и зрачеше од очите, како некоја прекутна претпазливост.

„Ветришта“ од Радојка Трајанова (2008)

Материјата што на прв поглед уверува дека од неа е исцрпена топлината до конечност.

„Балканска книга на умрените“ од Мето Јовановски (1992)

Ретко кога работите се откриваат одеднаш со сите резултати и со сите последици, особено за луѓе како мене, кои не можат уште со првиот поглед да ги проценат сите поединости и да го совладаат сиот волумен.

„Бунар“ од Димитар Башевски (2001)

Да беше дошла зиме, кога и убоста е некако притеснета и скрита во себе, можеби немаше така да го порази Соколета уште од првиот поглед, ќе свикнеше тој постепено со нејзината појава како со нешто обично.

„Послание“ од Блаже Конески (2008)

Тука сешто од прв поглед се чинеше бедно и негостоприемно.

„Послание“ од Блаже Конески (2008)

Ќе те поведам во светот на магијата, ќе ти раскажувам приказни за грбавиот гусар и за руската кнегиња, за љубовта на прв поглед и за љубовта на која не ѝ треба поглед, за глумицата чие име веќе го споменав во две-три мои дамнешни полупесни.

„Зошто мене ваков џигер“ од Јовица Ивановски (1994)

Најпосле, да замислиме дека станува збор за третово раздобје во кое се занимавам со сликарство и кинематографија - на прв поглед со слики.

„МАРГИНА бр. 22“ (1995)

William S.Burroughs Пристоен човек во класичен костум со машна, и понекогаш со честерфилд, никако не е она за што би го сметале на прв поглед.

„МАРГИНА бр. 11-12“ (1995)

Овој „политички“ аспект на прочитувањето на класичното дело може да изгледа парадоксален на прв поглед.

„МАРГИНА бр. 11-12“ (1995)

Изгледот на кучето, уште при првиот поглед, го потсети на описот на Грифонот во неговата Британика.

„Човекот во сина облека“ од Мето Јовановски (2011)

Местото што му се отстапува во романот на иронијата, како и на смирениот крај (читајте го рецептот за питата „тикуш” која мајката му ја приготвува на истоштениот повратник), можеби, на прв поглед не се упатни за такви цитати.

„Атеистички музеј“ од Луан Старова (1997)

Стреперив сиот зашто и по третпат очекував да зафучи студеното ветре околу моето срце и да се вознемири стаената темнина во моето сеќавање, во кое се беше счучурил, уште со првиот поглед.

„Захариј и други раскази“ од Михаил Ренџов (2004)

На пример – некој се испосрал на сред собата, некој ја заглавил перницата меѓу решетките од прозорецот, трет го послал чаршафот среде собата, четврт им ги скрил под својот душек влечките на сите со кои е во собата…

„Сестрата на Сигмунд Фројд“ од Гоце Смилевски (2010)

„Повелете во нашата продавница која е на излезот – тука се делата на нашите драги пациенти: чорапи и шалови, ноќници и фустани, марамчиња и крпи, предмети изработени од дрво,“ ми рече доктор Гете, а потоа продолжи да ми раскажува како се живее во Гнездо: „Будењето е во шест – прво се чисти она што се растурило во текот на ноќта, под надзор на болничарките, а тоа не е едноставна работа, како што може да ви се чини на прв поглед.

„Сестрата на Сигмунд Фројд“ од Гоце Смилевски (2010)

Монотониот звук на фабричката лента беше едноставен, смирувачки, исто како и неделниот чек кој редовно го подигаше во петок, по само десет минути чекање во уредна редица од работници дојдени, како него, којзнае од каде – Руси, Црнци, Кинези (колку многу Кинези!) и некои други раси и видови кои не ги ни препознаваше на прв поглед.

„На пат кон Дамаск“ од Елизабета Баковска (2006)

А и не сакам првиот поглед да ми заврши со пуста желба.

„Последната алка“ од Стојан Арсиќ (2013)

Со првиот поглед веднаш ми го скрши срцето, ме разоружа не давајќи ми можност ниту да трепнам, ниту да претнам.

„Последната алка“ од Стојан Арсиќ (2013)

Почнуваше од првиот поглед пред хотелот Куба на матурската забава преку првиот допир на рацете во паркот зад стадионот, до бакнежот што траеше вечност.

„Последната алка“ од Стојан Арсиќ (2013)

Змејко сега се мачеше да погоди што можеше да биде во неговата собичка она, што не би ѝ се допаднало на Мара, сето време просто ја гледаше како таа го изнаоѓа тоа уште со првиот поглед, а кога не успеал во тоа, тој ја пушти таа пуста работа и отиде да си ја сместува храната.

„Белата долина“ од Симон Дракул (1962)

Јасно беа забележливи и двете киски на ушите, и сиот склоп на телото од ѕверот, за да може уште на прв поглед да биде наполно сигурен со кого си има работа, и воопшто да не помисли да се спротивставува.

„Белата долина“ од Симон Дракул (1962)

Го заплиснуваше со сите изглодани мрши и со сите свои соништа, она обезличено суштество на три нозе, кое просто цвичеше, сонувајќи за тоа свое очекување, лижејќи ги неговите стапалки во снегот, при што носалките му се собираа и му се грчеше неговата остра муцка, а притоа од таму доаѓаше и некое на прв поглед ќе речеш презриво, шеговито мрморење низ полузатворени очи, потсветнуваше едно чудно здрава белина на неговите очници, обвиткани во розовоста на неговите непца.

„Белата долина“ од Симон Дракул (1962)

Тоа го знаеше уште со првиот поглед кон долинката.

„Белата долина“ од Симон Дракул (1962)

Сега мислам дека зачестениот жанр на речникот - којшто ги напушти своите лингвистички рамки и се пресели во книжевност - во постмодерното време не е поттикнат од носталгија, како што се чини на прв поглед.

„МАРГИНА бр. 6-7“ (1994)

Камилски беше подготвен да ѝ придаде на заемката ќерпич многу пошироко и поголемо значење, историско, дури, како што му се изрази на Татко, и филозофско значење, поинакво од што таа предизвикуваше на прв поглед.

„Балканвавилонци“ од Луан Старова (2014)

Во старата чаршија, имаше и немалку дуќани и стари градби градени со ќерпич, односно со сушени тули, а не со печени цигли.

„Балканвавилонци“ од Луан Старова (2014)

На првиот ден на ерменскиот Божиќ во неголомото живеалиште на Микелајн дојде твојот сонародник господинот Жорж Лоран и му донесе на стариот подарок, на прв поглед обично растение во син порцелански сад.

„Забранета одаја“ од Славко Јаневски (1988)

Тодор беше мал дебелко со побелена коса и наочари, кој на прв поглед изгледаше сосем добродушно.

„Браќата на Александар“ од Константин Петровски (2013)

Директорката, ветеринар, ми вели: Гледај, тој се вљуби во тебе на прв поглед!

„Братот“ од Димитар Башевски (2007)

13 А, пак, договор за вработување на определено време за замена 12. Имено, се случија парадоксални ситуации – сите оние што биле евидентирани како вработени на определено време имаа право на добивање паричен надоместок, зависно од должината на нивниот стаж; а оние, пак, кои биле водени како вработени на неопределено време, што на прв поглед се чини поповолно, немаа такво право!?

„Обезвреднување на трудот“ од Савески, Апасиев, Ковачевски, Василев (2010)

Во првиот поглед што му го упати на Татко, таа како да бараше заштита од него, разбирање пред неизвесноста на судбината која ја очекуваше во големото патријархално семејство.

„Ервехе“ од Луан Старова (2006)

Беше тоа љубов на прв поглед. Љубов која продолжи во брак и во живот на Балканот.

„Ервехе“ од Луан Старова (2006)

Не може да се рече оти било љубов на прв поглед, ама и љубовта, со време, како онаа од прв поглед, не изостанала.

„Ервехе“ од Луан Старова (2006)

Тоа беше една лоша, скоро матна фотографија на која можеше да види човек кој на прв поглед изгледаше како подгрбавен бидејќи главата како да му беше повлечена меѓу рамениците.

„Продавница за љубопитните“ од Мето Јовановски (2003)

Војска? Ха! Тоа беше матна дождовница од испиени, на прв поглед безоблични луѓе, колона гробнички шинели, разнишан ред страшила, глупаво и ненужно развлечен синџир од чудни шушкави алки. Тоа беше почеток и крај.

„Две Марии“ од Славко Јаневски (1956)

СИМОН: Верувам во работи на прв поглед. Не носите гаќи?

„Буре барут“ од Дејан Дуковски (1994)

Одајата каде што влегоа беше чиста, бело варосана, суредена така што по првиот поглед да се почуствува пријатност.

„Будалетинки“ од Мето Јовановски (1973)

Беше тоа љубов на прв поглед. Си спиевте заедно, на иста перница.

„Човекот со четири часовници“ од Александар Прокопиев (2003)

Непропорционалноста, на прв поглед, меѓу главата и телото доаѓаше поради двата израстока: шишарката на главата и нагласениот подбрадок, кои му даваа некој сериозен и тажникав израз.

„Човекот со четири часовници“ од Александар Прокопиев (2003)

- Енигматичното, на прв поглед, прашање, зошто во втората етапа на Хичкок преовладува женската нота, се разјаснува ако се помести во соодветен контекст: вистинскиот слом на протестантската етика ја афирмира жената како активна индивидуа (што во литературата и на филмот во четириесеттите години произведе низа од типизирани ликови: „успешна деловна жена”, good bad girl, злокобната femme fatale и т.н.) - уште повеќе е показател на фактот, во колкава мера автономниот индивидуум на протестантската етика бил ексклузивно машки. 38 Margina #21 [1995] | okno.mk

„МАРГИНА бр. 21“ (1995)

Не, туку затоа што ме засака како што те засакав јас уште на прв поглед...

„Авантурите на Дедо Мраз“ од Ристо Давчевски (1997)

Луѓето се заљубуваат на прв поглед, се убиваат на прв поглед, сите војни — на прв поглед.