сѐ (прил.) - поради (предл.)

Пред сѐ поради самата (суштинска) сликарска техника на овие генијални уметници (формалната техника -маслената, била само олеснителна околност, како што денес е компјутерската техника за некои уметници).
„МАРГИНА бр. 26-28“ (1996)
Сѐ поради тебе!
„Игбал, мојата тајна“ од Јагода Михајловска Георгиева (2000)
Имав трема пред сѐ поради одговорноста што лежеше врз мене.
„На пат со времето“ од Петре Наковски (2010)
Немаше зборови. Тишината беше јасна. Нова комисија, проверки, записници. И сѐ поради козите!
„Времето на козите“ од Луан Старова (1993)
Мисијата на нашата театарско-писателска делегација се очекуваше да успее, макар што патувањата од овој вид беа ставани под лупа, пред сѐ поради отпорната граница – ѕид помеѓу двете соседни земји и тешкото покревање на силите што требаше искрено да ги нормализираат односите помеѓу двете земји.
„Атеистички музеј“ од Луан Старова (1997)