Колокации | Дигитален речник на македонскиот јазик

Кога имав девет години се главив да служам кај реснанскиот Ризван-бег за храна и облека и за да научам турски.

„Бунар“ од Димитар Башевски (2001)

Гладот го натерал да научи да свири на виолина.

„Патувања“ од Никола Кирков (1982)

Неуморно работи, вежба. Дома сама, со ансамблот во театарот, не пропушта прилика повеќе да научи, да се усоврши.

„Бојана и прстенот“ од Иван Точко (1959)

„Треба да научиш да молчиш за да покажеш оти си сфатил дека и на онаа страна, многу што зборува, и даваш можност самата да се досети оти претерува“.

„Синот“ од Србо Ивановски (2006)

Затоа ни е потребно да научиме како се користи јазикот во терапијата.

„МАРГИНА бр. 4-5“ (1994)

Ако спроведувањето на терапијата треба да се смета како разговорно, тогаш потребно е терапијата да се согледа како нешто што секогаш се случува во јазикот.

„МАРГИНА бр. 4-5“ (1994)

„Така“, рече. „Треба да научиш да чукаш како маж!“, рече двосмислено, подбивајќи се со мене.

„Папокот на светот“ од Венко Андоновски (2000)

Никогаш повеќе јас не можев да се насладувам со свирењето саксофон како во времето пред да научам да свирам; така е и со љубовта: штом се совлада технологијата на љубовта, исчезнува митската претстава за спојувањето на мажот и жената како нешто што се случува на неопределен и слободен начин.

„Папокот на светот“ од Венко Андоновски (2000)

Живото суштество со својата самоконтрола треба да ги негува чувствата: мора да научи да живее со нив, прифаќајќи ги.

„Мудрецот“ од Радојка Трајанова (2008)

-Сакам да научам сѐ за духовноста – чешкајќи се по главата, Еразмо се согласи со старецот.

„Мудрецот“ од Радојка Трајанова (2008)

Кога низ Виена забрмчеа првите автомобили, на брат ми, кој одбиваше да научи да вози, му рече полу во шега, полу – сериозно: „Мој златен Зиги, купи ми автомобил, јас ќе научам да возам.“

„Сестрата на Сигмунд Фројд“ од Гоце Смилевски (2010)

Продолжив да го тријам ножот, иако веќе беше светнат.

„Сестрата на Сигмунд Фројд“ од Гоце Смилевски (2010)

Рече дека не сум сакала да одам во училиште затоа што не сум можела да ги научам основните работи; рече дека не умеам ни да разговарам па затоа не одам да играм со девојчињата; рече дека сликањето не е за девојчиња.

„Сестрата на Сигмунд Фројд“ од Гоце Смилевски (2010)

„Конечно треба да научиме да разговараме,“ рече мајка.

„Сестрата на Сигмунд Фројд“ од Гоце Смилевски (2010)

Вечеравме кога кажав дека сакам да научам да сликам, и тогаш мама се изнасмеа.

„Сестрата на Сигмунд Фројд“ од Гоце Смилевски (2010)

Таа година посакав да научам да сликам. Долго време си бевме туѓи со Зигмунд, и со таа моја желба одново започна нашата блискост.

„Сестрата на Сигмунд Фројд“ од Гоце Смилевски (2010)

И така беше сѐ до нејзината деведесетта година, а потоа како да остаре и за она време во кое го имаше запрено времето, и само цртите на лицето ѝ останаа исти – остри, како во камен исклесани.

„Сестрата на Сигмунд Фројд“ од Гоце Смилевски (2010)

Македонија ја признаваат за бугарска во етнографски однос, но мислат дека е излишно да си ги трошат силите за да научат нешто за таа земја, затоа ништо не знаат за неа ни од историјата ни од географијата и етнографијата нејзина, освен дека има таму чети и востание, на коешто треба да му се помогне само со лотарии и не со самите себе.

„За македонцките работи“ од Крсте Петков Мисирков (1903)

„Македонци мои, кога ве посетив тогаш повикан од вас, јас бев неук за овој свет, и во душата, и во срцето, и во слабините свои, на сите три места со кои мажот мора да научи да љуби, за вистински да го сфати Божјиот дар на земниот живот.

„На пат кон Дамаск“ од Елизабета Баковска (2006)

Токму тој вртеше со главата велејќи дека насилството не е решение и дека мораат да научат како да се почитуваат бидејќи мораат да прифатат дека тука отсекогаш живееле заедно и дека така и ќе остане.

„На пат кон Дамаск“ од Елизабета Баковска (2006)

Мора да научам да возам ролери, мислам дека ќе се распамети да ме види како услужувам во дуќан качена на тркала.

„И ѓаволот чита пРада“ од Рада Петрушева (2013)

- Сепак, си успеал во војска и нешто да научиш. - зајадливо заклучи Ружа.

„Последната алка“ од Стојан Арсиќ (2013)

Затоа материјалното уживање треба да се сведе на минимум, а да се достигне максимумот на исполнување во духовната сфера на опстојување, која има долг пат за да научи како да се справи со искушенијата на сладострасните мамки во деноноќните игри на ѓаволот.

„Читај ми ги мислите“ од Ивана Иванова Канго (2012)

Под црногорицата луѓето се раѓаат тврдоглави и умираат такви, И не им останува друго туку или да научат да живеат заедно, во пријателство, или пред време, пред тоа да го стори природата според свои тајни закони, да отидат по ѓаволите, не еден по еден според предвиден ред туку сите наеднаш, Со еден крик од кој ќе се уриваат карпи, ќе пукаат глечери и ќе се отвораат зараснати вулкански рани.

„Забранета одаја“ од Славко Јаневски (1988)

Човек не можеше да научи повеќе историја од архитектурата, отколку што можеше да научи од книгите.

„1984“ од Џорџ Орвел (1998)

Слушај го даскалот шо ќе те учи, побрго да научиш да пишуваш, ако сакаш да везиш нови кошули.

„Крпен живот“ од Стале Попов (1953)

„Не можам да научам да бројам“, рече таа. „Затоа ...“ „А буквите?“ праша Едо. „Што се тоа букви?“ праша мутлавата.

„Продавница за љубопитните“ од Мето Јовановски (2003)

„Што сакате?“ ја завлече едната ракаво раскопчаната блуза, но пред тоа одговори, брзо уште пред да го чуе прашањето како за некого да научил напамет еден невешт изговор: „Војската ја напуштија активните офицери.“

„Две Марии“ од Славко Јаневски (1956)

Мама го одведе Зоки во зоолошката градина. Зашто тој веќе треба да научи како се викаат некои животни.

„Зоки Поки“ од Оливера Николова (1963)

Умната и убава Пела треба и други работи да научи му светнува во главата.

„Црна билка“ од Ташко Георгиевски (2006)

Да научиме да гледаме, слушаме, мирисаме, да ги вкусиме најмиризливите зачини на животот, да бидеме шармантни, харизматични, лесни како воздухот.