што (сврз.) - знае (гл.)

- Има, вели Мисајле Ковачот, ама има и куче што знае да ти тажи на гробот и од жал да не јаде леб, вели, и да не пие вода.
„Пиреј“ од Петре М. Андреевски (1983)
А Витомира го сакав, оти Витомир како што знаеше да зборува, знаеше и да молчи.
„Пиреј“ од Петре М. Андреевски (1983)
Сега не смееш да знаеш колку што знаеш, ми велат, туку само онолку колку што сакаат тие.
„Небеска Тимјановна“ од Петре М. Андреевски (1988)
- Како што знам, - му одврати Трајанка.
„Луман арамијата“ од Мето Јовановски (1954)
- Како што знаеш, - рече Николче, - ама јас така не доаѓам! - Па не доаѓај.
„Луман арамијата“ од Мето Јовановски (1954)
Религијата, како што знаете, во нашата земја е забранета уште во 1967 година за време нашата голема културна револуција...
„Атеистички музеј“ од Луан Старова (1997)
Нормално, како и секој аздисан, тоа двојно му ги отвори апетитите, па непосредно по запишувањето на факултетот, баба ми му отвори дуќан, за „еснаф, филан човек да стане”, како што знаеше таа да рече.
„Вител во Витлеем“ од Марта Маркоска (2010)
- Ако не знаеш ти и господ не знае, му велам јас оти господ знае за нас само колку што знаеме ние за него.
„Пиреј“ од Петре М. Андреевски (1983)