а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

сув

суви
Вид збор: Придавка
Ранг: 724
1. Кој не е натопен, мокар.
Англиски: dry Албански: i thatë, i tharë
Примери:
Останав сув.
По сув пат (по суво).
Кошулата ми е веќе сува.
2. Кој не е влажен.
Англиски: dry Албански: i thatë, i tharë
Примери:
Суво ми е грлото (устата).
Штиците беа суви.
3. Кој останал без вода.
Англиски: dry Албански: i thatë, i tharë
Примери:
сув дол
Сува е вадата.
4. Кој нема воопшто или има недоволно влажност.
Англиски: dry Албански: i thatë, i tharë
Примери:
сув ветер
сув воздух
сува соба
5. За време во кое нема доволно количество врнежи.
Англиски: dry Албански: e thatë, i tharë
Примери:
сува година
сува зима
(разг.) сув студ
6. Приготвен со сушење, исушен.
Англиски: cured Албански: i tharë, i thatë
Употреба: Гастрономија
Примери:
суви сливи
суво грозје
суво овошје
7. Кој нема свежост.
Англиски: stale Албански: i tharë, i thatë
Примери:
Сув е лебот.
8. Кој е без животни сокови, исушен, умртвен; кој е со атрофирани мускули.
Англиски: wilted, faded Албански: i thatë, i tharë
Примери:
сува гранка
сува трева
сува нога
сува рака
9. Кој дејствува или се произведува при отсуство на влага.
Англиски: dry Албански: i thatë, i tharë
Употреба: Технологија
Примери:
Сув галвански елемент.
Сува дестилација (добивање гасови од јаглен, дрво).
10. без плунка, без шлајм
Англиски: dry Албански: i thatë, i tharë
Употреба: Медицина
Примери:
сува кашлица
сув плеврит
11. Кој не е мрсен.
Англиски: dry Албански: i thatë, i tharë
Примери:
сува кожа
12. слаб, мршав
Англиски: meager Албански: i thatë, i dobët
Употреба: Преносно значење
Примери:
Тој го јаваше сувиот коњ.
Старецот со суво лице.
13. Лишен од душевна топлина, непречеклив.
Англиски: dry Албански: i tharët
Употреба: Преносно значење
Примери:
сув одговор
сув пречек
14. Кој е без живост, без изразност.
Англиски: laconic Албански: lakonik, pa gjallëri
Примери:
сув извештај
сув стил
15. чист
Англиски: pure Албански: i pastër
Употреба: Преносно значење
Примери:
суво злато
Изрази
(разг.) Од полна бочва сув ќе излезе (воден пушти го, сув ќе излезе) за човек кој многу пие.
Писнало и суво и сурово од него.
(посл.) Покрај сувото и суровото гори.
Сув пост - строг пост кога не се јаде ниту масло.
Сув како барут.
Сува ја клаваш, водена ја вадиш (гатанка за кофа).
(посл.) Сува пола риба не јаде - треба да завлезеш во некоја работа, да преземеш ризик па да имаш добивка.
Сува храна - конзервирана храна.
Суво вино - што нема сладок вкус.
Јаде сув леб - сиромашно, скромно јаде, само леб.
FlexiMac
 менување на македонски глаголи
ДИГИТАЛНИ РЕСУРСИ НА МАКЕДОНСКИОТ ЈАЗИК