а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

знак

мн. знаци
Вид збор: Именка, машки род
Ранг: 359
1. Договорен белег (писмена ознака, цртеж и сл.) со кој се обележува нешто.
Англиски: sign Албански: shenjë
Примери:
сообраќаен знак
правописен знак
математички знаци
фабрички знак
Слично со: белег (м.) , ишарет (м.)
2. Предмет што служи за обележување, за покажување нешто.
Англиски: sign Албански: shenjë
Примери:
Пред шалтерот имаше знак дека не работат.
Стави знак до каде е негово.
3. Конвенционално движење, гест, со кој се покажува, се изразува нешто.
Англиски: gesture Албански: gjest
Примери:
Му даде знак со раката.
Слично со: гест (м.)
4. Постапка, пројава со која се докажува нешто.
Англиски: sign Албански: shenjë
Примери:
Неговото неприсуство беше знак дека не се согласува со нас.
Искажаниот револт е знак на нивното незадоволство.
Подарокот е знак на внимание.
5. Појава што навестува нешто, од која може да се претпостави нешто.
Англиски: omen Албански: shenjë
Примери:
знак на болест
знак на внатрешно воспаление
Темните облаци беа знак на невреме.
Слично со: предзнак (м.) , симптом (м.)
Изрази
Воден знак - буква или фигура втисната на хартија, банкнота или хартија од вредност што е видлива само кога се гледа во правец на светлината.
Во знакот на (нешто) - како израз, доказ на нешто: Во знак на протест; во знак на почит.
Под знакот - се случува под името на некоја основна идеја: Се одржаа неколку средби под знакот на подготовките за јубилејот.