од
Вид збор: Предлог
Ранг: 13
1.
(пространствено значење) Оддалечување од некаде, излегување.
Англиски:
from
Полицијата го чекаше да излезе од куќата и да се предаде.
Утре ќе ги исфрлам сите стари работи од визбата.
2.
(пространствено значење) Одделување од нешто.
Англиски:
from
Скинал два листа од книгата и ги сокрил.
3.
(пространствено значење) растојание
Англиски:
from
Колку што си подалеку од родниот крај, толку ти е поголема носталгијата.
4.
(пространствено значење) Положба во однос на друг предмет.
Англиски:
from
Од левата страна на улицата беа наредени неколку продавнички за сувенири.
5.
(пространствено значење) Гранична линија од која почнува нешто.
Англиски:
from
Надолу од колената ѝ се гледаат проширените вени.
6.
(пространствено значење) Упатеност на местото на вршење на дејството.
Англиски:
from
Од покривот на зградата често ги пуштал гулабите.
7.
(пространствено значење) Извесна измереност, растојание (со други предлози).
Англиски:
from
Од Охрид до Скопје стигнавме за два часа.
Скокаше од камен на камен и не ги наводени чевлите.
Чумата многу бргу се ширеше од куќа в куќа.
8.
(временско значење) Момент од кога почнува нешто.
Англиски:
from
Од утре започнува зимско сметање на времето.
9.
(временско значење) Растојание, временска измереност.
Англиски:
from
Оваа година славиме 60 години од основањето на Филозофскиот факултет.
Учениците нема да одат на школо од среда до понеделник.
Состојбата ќе ни се влошува од ден на ден.
11.
Потекло, произлез на нешто.
Англиски:
from
Секој вторник се информираме за настаните од татковината.
Сите производи се од увоз од познати светски фирми.
Ме воодушеви фигурата од бел мермер.
12.
Дел од нешто, од целина.
Англиски:
from
Детето касна малку од јадењето и излезе да си игра.
Го загриза крајчето од лебот и го фрли.
13.
причина
Англиски:
from
Ќе остари пред време од тага по загинатиот син.
Не умрел од болест, туку од лудост.
14.
Количество, мера, вредности и сл.
Англиски:
from
Купил чевли од сто евра.
Се фалеше дека уловил мрена од два килограма.
Тоа беше едно огромно јато од илјадници црни птици.
15.
Признак, особина, карактеристика.
Англиски:
from
Спогодбата за пасишта е од животна важност за нас.
Твоите проблеми од таков вид не може никој да ти ги реши.
16.
споредба
Англиски:
than
Во секој поглед ние сме подобри од вас.
Помалата ќерка е повисока од постарата.
17.
Преминување од една состојба во друга.
Англиски:
from
Од пријатели - станаа најголеми непријатели.
По смената на власта, од прв човек на фирмата пак стана обичен работник.
18.
Вршител на дејство (во пасивни реченици).
Англиски:
from
Мара беше многу навредена од синот единец.
Ќе бидете повикани од Обвинителството да сведочите.
