а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

подаде

подадат; подај, подајте; подадов, подадоа; подал; подадев, подадеа; подадел; подаден
Вид збор: Глагол, свршен
Ранг: 751
1. Даде од рака в рака некому нешто.
Англиски: pass Албански: jep
Примери:
Подај ми го чадорот.
Да ви ја подадам стомната, вода да не ви притреба.
2. Послужи со нешто.
Англиски: serve Албански: servon, shërben
Примери:
Откако го подаде кафето, домаќинката седна со гостите.
Слично со: послужи (св.)
3. Во фудбалот - со удар или на друг начин префрли топка до свој соиграч.
Англиски: pass Албански: pasoj
Употреба: Спорт
Примери:
Тој е мојот омилен играч затоа што знае да подаде топка.
Слично со: префрли (св.)
4. Покаже, издаде надвор или испружи напред дел од телото.
Англиски: stretch Албански: zgjas, shtri
Примери:
Ја подаде главата од прозорецот.
Докторот му рече да го подаде јазикот.
Ја подаде раката да се фати за оградата.
Еленчето ја подаде муцката кон децата.
Слично со: испружи (св.)
5. Поднесе, предаде документ (пријава, молба) до надлежен орган.
Англиски: submit Албански: jap, dorëzoj
Употреба: Преносно значење
Примери:
Подаде барање за социјална помош.
Слично со: поднесе (св.)
6. (се подаде) се испружи
Англиски: stretch Албански: u shtri
Примери:
Низ прозорецот се подаде русокосо момче.
Најголемото од децата се подаде напред.
7. (се подаде) Стапи во сексуален однос (за женско лице).
Англиски: give in Албански: u dha, u dorëzua
Изрази
Подаде рака - спружи рака за поздрав.
Подаде рака - помогне, даде помош некому.
Подаде рака - честита некому со ракување.
Подаде рака - спружи рака за просење.
Изведенки
1. подава несв.
(се) подаваат
2. подавање ср.
глаг. им.