а   б   в   г   д   ѓ   е   ж   з   ѕ   и   ј   к   л   љ   м   н   њ   о   п   р   с   т   ќ   у   ф   х   ц   ч   џ   ш

скине

скинат; скини, скинете; скинав, скинаа; скинал; скинат; скинев, скинеа; скинел
Вид збор: Глагол, свршен
Ранг: 2288
1. Со кинење направи нешто на два или повеќе дела.
Англиски: tear Албански: gris
Примери:
Го прочита писмото и го скина.
Иглите ги скршија, конците ги скинаа.
(разг.) Скине конци.
Му ги скина конците.
2. Направи дупка на облека, обувало, постела и сл.
Англиски: wear through Албански: gris
Примери:
Брзо ги скина панталоните.
Ми го скина шамичето.
3. Оддели од гранка, од стебло нешто што расте.
Англиски: pick Албански: këpus
Примери:
Скини ми едно јаболко.
Скина многу цвеќиња.
(разг.) Ја скина зелена.
Слично со: скрши (св.)
4. За пат, врска - прекине.
Англиски: interrupt Албански: ndërpres
Примери:
Тунели урна, патишта скина.
Слично со: прекине (св.)
5. Пресече, откине, одреже нешто прикрепено.
Англиски: cut off Албански: ndërpres
Примери:
Му ја скинаа опашката.
Со рака сака да му ја скине главата.
Слично со: пресече (св.)
6. уништи, запусти, измори
Англиски: tire Албански: lodhur
Употреба: Преносно значење
Примери:
Ме скина патувањево.
И него го скина испитот.
7. (преод.) скапе
Англиски: whack Албански: kalbet
Употреба: Преносно значење
Примери:
Го скинаа од ќотек.
Нè скинаа од работа.
Ги скина од смеење.
Слично со: скапе (св.)
8. (се скине) Со кинење се направи нешто на два или повеќе дела.
Англиски: tear Албански: copëtoj
Примери:
Се скинаа жиците.
Ми се скина кошулата.
9. (се скине) За патишта, врски - се прекине.
Албански: ndërpres
Примери:
Се скина и таа врска.
10. (се скине) се пресече, се откине, отпадне
Англиски: tear Албански: ndërpres
Употреба: Разговорно
Примери:
Му се скина опашката.
11. (се скине) Се скапе од постојано вршење на некое дејство, некоја работа.
Англиски: overwhelm Албански: hutoj
Употреба: Преносно значење
Примери:
Се скинав од работа.
Се скина бегајќи.
Се скинале Турците молејќи го.
Изрази
(посл.) Кога ќе се фати сиромавиот на оро, ќе се скине тапанот.
(разг.) (клетва)! Да ти се скине раката!