оголи (св.)
Багремите и дрвјата во градот пожолтеа и почнаа да оголуваат.
„Улица“
од Славко Јаневски
(1951)
Затворот се издигаше на висок рид, жестоко оголен од ветрови и сонце.
„Пустина“
од Ѓорѓи Абаџиев
(1961)
- Сѐ што е убаво, есента го зема, - тихо си шепоти Билјана. - Трендафилите,овенаа, кајсијата е гола. Сега и црешната оголува. Да, сѐ е оголено.
„Билјана“
од Глигор Поповски
(1972)
Светилките треперат бледи низ оголените гранки.
„Липа“
од Матеја Матевски
(1980)
А стеблото оголено уште кон небото ја колне подмолноста на болката што ја дебне убавината.
„Липа“
од Матеја Матевски
(1980)
Околу нас сѐ е празно, сиво. Само по некој оголен трн се ниша на ветрот, по некој глог се црнее.
„Пиреј“
од Петре М. Андреевски
(1983)
А кога ја оголивме белата коска, гледам чудни знаци. Не е писмо, а како писмо се гледа.
„Пиреј“
од Петре М. Андреевски
(1983)
Ги оголуваме корењата од шиповите, од трњето, од козолците.
„Пиреј“
од Петре М. Андреевски
(1983)
Ми бегаат пред очи полињата и оголените шуми: црешните и маслинките, прецветаните и насланети тутуни, откатените диви костени...
„Небеска Тимјановна“
од Петре М. Андреевски
(1988)
Ги вкопуваат нозете во измиената, речиси оголена земја.
„Небеска Тимјановна“
од Петре М. Андреевски
(1988)
Пасматри, вели, и се слекува, се пресламчува пред мене ко 'ртка, ко оголен стап.
„Небеска Тимјановна“
од Петре М. Андреевски
(1988)
Во бројни текстови тој ги објаснуваше корисностите што ги нуди таквото зазеленување на фасадите: 1. стеблата произведуваат кислород 2. подобрување на микроклиматските услови (во градот и становите), бидејќи се намалува острината на климатските промени (топло-ладно, влажно-суво итн.) 3. задржување на ситниот песок и сличните нечистотии 4. смалување на уличната бука 5. скриеност од надворешни погледи 6. сенка во топлите месеци, пропуштање на светлина во ладните (токму затоа „дрвата-потстанари“ се листопадни дрва, кои во зима оголуваат и овозможуваат поголем проток на светлина низ крошната) 7. можно е доаѓање на пеперутки и птици, значи радост при враќањето кон природата 8. симболично покажување на новиот однос кон природата - за разлика од кровните градини, „стеблата-подстанари“ се видливи и за минувачите.
„МАРГИНА бр. 19-20“
(1995)
Во дното на душата стравуваше од некој друг оголен остров на Јадранот, знаеше дека ги има многу, но не можеше да живее понатаму ако не го слушаше длабоко во себе и не го искажуваше диктатот на своите идеи.
„Балканвавилонци“
од Луан Старова
(2014)
